Wb/nia/Amaedola Zelomo/27
Böi yamusuno ia niha, böi yafaröi, ba böi falukha walötödö
[edit | edit source]1 Böi suno ndra'ugö irege mahemolu, me lö ö'ila hadia zi tumbu ma'ökhö.[1]
2 Yamusuno ndra'ugö niha bö'ö, ba böi bawau; niha baero, ba böi beweu.[2]
3 Alakha abua gara ba alakha noro nene, ba no abua moroi ba zi dombua andrö wa'abao dödö zi lö tödö.
4 Alakha mo'otu wa'abao dödö ba alakha falawu wönu — ba ha niha zanaha fa'olohu andrö?
5 Sökhi wanegu, si lö mubini'ö, moroi ba wa'omasi, si lö mu'oroma'ö.
6 Moroi ba dödö si sökhi, ba ibago ita sangomasi'ö ya'ita, ba no si falawu, na fa'ago bawa khöda zi fatiu tödö khöda.[3]
7 Si no abuso, ba ihundra-hundra nösi ŵani, ba ba zolofo, ba ami göi zafeto fefu.
8 Hulö wofo soloi, sondröi azuninia, si manö niha sondröi omonia.
9 Fangomuso dödö wanikha, awö nitutunu samohua; ba ami khöda zi fahuwu khöda, na ifobawa lala khöda, soroi ba dödö.
10 Böi röi zi fahuwu khöu ba si fahuwu khö namau, ba böi ae ba nomo dalifusöu, na baŵa göna'ö safökhö khöu. Sökhi zi fahatö omo ba zahatö andrö, moroi ba dalifusö si no aröu.[4]
11 Ya atua-tua ndra'ugö, ya'ugö onogu; omusoi'ö dödögu, ena'ö u'ila ubu'a, na so zanandraŵaisi ya'odo.
12 Satua-tua, ba i'ila wamakao, ba ibini'ö ia: ba sambö tödö, ba latörö manö, ba te'ala.[5]
13 Halö mbarunia, me no möi ia ba wali ba niha bö'ö, ba halö gade zi so khönia, börö huhuo mbö'ö.[6]
14 Na so zangebua linia wangowai awönia, na mahemolu mbanua, ba labali fangelifi khönia.
15 Ahe zagö na baŵa deu ba ira alawe somasi fasoso-soso, ba no fagölö-gölö.[7]
16 Sanenaŵa ya'ia, ba no sanenaŵa angi, ba no sondra'u fanikha tangania kambölö.
17 Si'öli, ba no angatarösi zi'öli, ba si manö wa i'atarösi dödö nawönia niha niha.
18 Sangehao töla marafala, ba i'a mbuania; ba samaigi-maigi hadia zoguna khö zokhö ya'ia, ba nifosumange.
19 Si mane ba nidanö, wa oroma khala-khala mbawada, si manö göi dödö niha khö nawönia niha.
20 Banua tou ba awuwukha, ba tebai abuso, si manö göi wa tebai abuso hörö niha.[8]
21 Tuga lawu ba wolaogö firö, ba alitö ba luha yaŵa ba wolaugö ana'a, ba ba niha, ba dali nisuno, bua-buania.
22 He na ötutu ba lösu zi lö tödö halu, nifao ba wakhe, ba lö'ö zui döhö walötödö andrö khönia.
23 Faigi sibai he wisa mbiri-biri khöu, hörö-hörögö rorogöföu.
24 Tenga si lö mamalö-malö wa'aso, ba hadia, götö-götö wa'ara zaembu?[9]
25 Na no ahori ndru'u, ba na no ifuli molewiö, ba na no la'ohe baose ndru'u hili,
26 ba so khöu nono mbiri-biri ba wamonukha ya'ugö ba si matua mbiri-biri, böli mbenua.
27 Ba irugi balazou ösi zusu nambi ba balazo zoroiyomou fefu ba lalazo zi manga gazi khöu ono alawe.
Famotokhi ba gahe
[edit | edit source]Fabaliŵa lala
[edit source]Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö