Wb/nia/Amaedola Zelomo/6

I. Famangelama ba we'amöi ba wali

I. 1 He onogu, na no möi'ö ba wali khö nawöu, na no ötangai hadia ia ba niha bö'ö,,
2 na no öfesu ndra'ugö beweu, na no muböbö dangau taröma liu.
3 ba o'ö khögu da'e, onogu: fuli efa'ö ndra'ugö; me no ölulu ndra'ugö ba danga nawöu; ae'e, angalulu ba forege khö nawöu andrö.
4 Böi tehe ua wemörö ba höröu, abe'e'ö guli höröu, fa böi alau.
5 Alui wangefa'ö ya'ugö ba dangania, si mane nago, si mane fofo ba danga zolau fuka.

II. Famangelama ba wa'areu

6 Ae faigi zikhö andrö, ya'ugö si no areu; faigi gamuatania, ena'ö ösöndra wa'atua-tua.
7 Lö salaŵa khöra, lö mandru, lö solohe,
8 Ba la'alui zui mbalazora, na baŵa mosino, lahöna göra, na baŵa wamasi.
9 Ha wa'ara na öfadölö ndra'ugö ba zalo, ya'ugö sareu? Ha wa'ara maoso'ö, wamöhöli femörö?
10 Ma'ifu tö wemörö, ma'ifu tö wemörö-mörö manu andrö, ma'ifu tö wamatahö tanga,,
11ba so moroi sa wa'anumana, hulö zikoli ba fa'ambö, si mane niha si no mangaro.

III. Famangelama ba walimosa ba hadia ia horö bö'ö

12 Niha si lö guna, niha si si lö yaŵa zolau-lau faya bewenia.
13 Ifamö'i hörönia, ifaudugö ahenia hadia ia, ituturu turunia.
14 No tefuyu dödönia, fadoro ifakhai zi lö sökhi, ifobörö wasosota.
15 Andrö göna ia famakao si lö mudöna-döna; i'ogomuzaö afufu ia, lö samadöhö. 16 Önö balö zi fatuwu ba hörö Yehowa, ba fitu ni'ogorofinia.
17 Hörö si fayaŵa, ba lela sofaya, ba tanga samunu niha si lö horö,
18 ba tödö, samakhai si lö atulö, ba ahe si fagohi ba zi lö sökhi.
19 Ba sasi sofaya, solau si lö duhu, ba samobörö fagua-guasa ba zi fatalifusö.

IV. Famangelama ba ndra alawe si lö sökhi

20 He onogu, o'ö goroisa namau andrö, ba böi zi lö ba dödöu wamangelama ninau.
21 Tanö ba dödöu, böi aefa-aefa; taŵi ba mbagiu.
22 Na mofanö'ö, ba ena'ö ya'ia zamatörö ya'ugö, ba na mörö'ö, ba ya'ia zamaigi-maigi ya'ugö, ba na tokea'ö, ba ya'ia zihede khöu.
23 Fandru sa goroisa andrö ba sulu wamangelama; ba fanegu ba fotu andrö, ba no lala wangorifi.
24 Ena'ö lö öbabaya ndra alawe si lö sökhi andrö, ba ena'ö lö öfondrondrongo lela ndra alawe baero andrö, si no alösö.
25 Böi i'isö tödöu wa'asökhi mbawania, ba böi ifesu ndra'ugö bu hörönia.
26 Ira alawe somasi fohorö, ba ifa'anumana ita, irege lö öda sa'ae, ba donga zodonga, ba möi famunuda, i'oloi'ö nosoda, sebua böli andrö.
27 Hadia, ta'ila tabe'e galitö ba nono mbaruda, ba lö akhozi mbaru?
28 Ba ta'ila tatörö mbo galitö, ba lö ariri gaheda?
29 Si manö göi lala zi möi ba ndra alawe nawönia; lö zi lö fotu ba zombambaya ya'ia.
30 Ebolo na dödö ba zanagö, na managö ia ba wamo'ösi talunia, na olofo ia.
31 Ba na lara'u ia ba mewitu i'ali, he ahori nibaya-bayania. 32 Ba ha niha zi horöni donga zodonga, ba si lö tödö; sedöna mamakiko ya'ia zolau si manö.
33 Fa'ate'ala ba fa'aila isöndra; tebai sa'ae i'ezosi ia, ba wa'ailania andrö.
34 Mofönu sa ndra matua ibe'e fa'olohu andrö, ba lö fa'ebolo dödö, na baŵa wolau balö.
35 Lö ba dödönia hölu, ba he ana'a sebua öbe'e khönia, ba lö itema.

Famotokhi ba gahe

Fabaliŵa lala

Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö