Wb/nia/Amaedola Zelomo/29
Lua-lua wa'atulö ba lua-lua wa'atua-tua, ba no fangorifi
[edit | edit source]1 Niha si no asese mutegu ba sabe'e börö du'i, ba i'ozumagö adudu, si lö fangorifi.[1]
2 Na tedou wa'ato zatulö, ba omuso dödö niha sato; ba na salaŵa zebua horö, ba mangarö-ngarö zato.[2]
3 Somasi fa'atua-tua, ba omuso dödö namania ibe'e; ba sorudu ba zomasi fohorö, ba no sangohori ana'a.[3]
4 Razo solau satulö, ba i'a'azökhi mbanua; ba sangöhöna beo, ba no samufu.[4]
5 Sangehangehao linia khö nawönia, wamini tödö, ba no samadölö u'ö föna gahenia.
6 Ba horö niha si lö sökhi, ba no tobini dandraŵa; ba satulö, ba ma'iki ba amuso dödö.
7 Satulö tödö, ba isöndra, na lö horö zide-ide; ba ba zebua horö, ba lö falukha wa'aboto ba dödö.
8 Sango'aya, ba humola mbanua labe'e; ba satua-tua, ba la'alösi wönu.
9 Na so huhuo zatua-tua khö zi lö tödö, ba mofönu da'ö ba ma'iki ba lö falukha wa'ahono.[5]
10 Niha sange'enge'e, ba fa'udu ba zi lö horö; ba na so zadölö tödö, ba la'alui wamunu da'ö.
11 Fefu wa'abao dödönia, ba ifalua baero si lö tödö; ba satua-tua, ba i'alösi ba dödö.[6]
12 Ba zalaŵa samondrongo faya, ba oi dozi sebua horö ngoni-ngoni.
13 Si numana ba sangebua hare, ba falukha; ba samehaga höröra, darua ira, ba ya'ia Yehowa.
14 Ba zalaŵa, sangatulö'ö fanguhuku si numana, ba lö mangiwa dadaoma, irugi zi lö aetu.[7]
15 Bözi-bözi ba fanegu, ba ifa'ema wa'atua-tua; ba ono matua, si lö mu'otu'ö, ba möi fangaila ninania.[8]
16 Na tedou wa'ato zebua horö, ba tedou wa'oya golalöŵa, ba anehe dania zatulö, na te'ala ira.[9]
17 Otu'ö nonou, ba omuso dödöu khönia; owua-wua bakha dödöu ibe'e.[10]
18 Na lö fama'ele'ö, ba lö sökhi mbua-bua zato; ba ya ahowu zolo'ö oroisa.
19 Taroma li, ba lö möi fangazökhi zawuyu; he meziŵa aboto ba dödönia sa'ae, ba lö i'o'ö.
20 Na ö'ila zalio bewe, — ba abölö na'i tadöna-döna ba zi lö tödö, moroi ba zi manö.[11]
21 Na so zi haogö-haogö manö khö zawuyunia, i'otarai iraono ia, ba tobali famalua zi lö sökhi, ba gafuriata.
22 Si ono wönutö, ba ifobörö wasosota; ba ba zalio abao tödö, ba fahöna horö.[12]
23 Fayaŵasa andrö, ba ihöndrögö tou niha; ba si lö fayaŵasa, ba isöndra zumange.[13]
24 Si manga urakhania sinagö, ba no si lö omasi nosonia; irongo wangelifi, ba lö i'ombakha'ö.[14]
25 Fangata'ufi niha, ba tobali tandraŵa; ba sanötöna khö Yehowa, ba ni'orifi.
26 Ato zangalui bawa zalaŵa, ba moroi khö Yehowa wangetu'ö huku niha.
27 Solau si lö atulö, ba no ni'ogorofi zatulö tödö; ba sogoro zebua horö zanörö lala sadölö.
Famotokhi ba gahe
[edit | edit source]Fabaliŵa lala
[edit source]Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö