Jump to content

Wb/nia/Amaedola Zelomo/21

From Wikimedia Incubator

Famahaö ba zi sökhi nitanö ba dödö

[edit | edit source]

1 Amaedola nidanö ba mbombo dödö razo, ba danga Yehowa; ba zomasi ia ifatörö, fefu gofu heza.[1]
2 Ba wamaigi niha, ba no adölö lalania fefu; ba Yehowa zanulo tödö [niha].[2]
3 Folau satulö ba sadölö zomasi Yehowa, moroi ba zumange nitaba.[3]
4 Hokha hörö ba fayaŵasa dödö — fangahalö zebua horö, ba no horö.[4]
5 Lua-lua nikhoi dödö zowölö-ölö, ba no hare; ba ba zi da'ida'i manö, ba isaŵa wa'ate'ala.[5]
6 Ana'a nisöndra ba walimosa, ba no angi, ba zangalui famunu.[6]
7 Famalangögö zebua horö awöra, ba i'oloi'ö ira, me no tekhöra wolau satulö.
8 Lala niha sonoro horö, ba no akiwökiwö; ba sohau-hau tödö, ba satulö ilau.
9 Sökhi na ba mbumbu nomo yaŵa so ita, moroi na orudu ita yomo ba ndra alawe si fasoso-soso.[7]
10 Tödö zebua horö, ba no somasi si lö sökhi; lö falukha nawönia wa'ahakhö dödö khönia.
11 Na la'otu'ö zango'aya, ba atua-tua zi no adölö tödö; ba na lafahaö zatua-tua, ba ihalö khönia wa'aboto ba dödö.[8]
12 Satulö (Lowalangi) zamaigi-maigi omo zebua horö; göna fa'atekiko zebua horö ibe'e.
13 Sondruhö tögi dalingania ba wangarö-ngarö zi numana, ba lö'ö göi tefondrondrongo linia, na baŵa mangarö-ngarö ia.
14 Fangalösi wönu game'ela si lö mu'oroma'ö, ba famadöhö wa'abao dödö mbuala nibini'ö ba nono mbaru.[9]
15 Ba zatulö tödö, ba fa'omuso dödö wolau satulö; ba ba zolau si lö sökhi, ba sata'u ira.
16 Niha sondröi lala wa'atua-tua, ba ba zorudu bekhu zi mate ahono dania.
17 Somasi fangomuso dödö, ba numana dania; ba somasi agu ba fanikha samohua, ba lö isöndra wo'ana'a.[10]
18 Höli zatulö tödö dania zebua horö, ba fangali zadölö tödö zi faröi.[11]
19 Sökhi na ba danö si mate so nomoda, moroi na so khöda ndra alawe si fasoso-soso ba sofönufönu.[12]
20 Girö-girö omasiö ba fanikha zi so ba nomo zatua-tua; ba niha si lö tödö, ba zumaewe ibe'e.
21 Solohi fa'atulö ba fa'ebua dödö, ba isöndra wa'auri ba fa'atulö dödö ba fa'ebua döi.
22 Satua-tua andrö, ba atu'a ba mbanua zabölö, ba idudugö göli, si no abe'e dödöra.[13]
23 Sanaro bewenia, awö lelania, ba lö göna ia famakao ibe'e.[14]
24 Si fayaŵa ba sebua hokha, ba lafotöi sango'aya, solau hokha si tenga inötö.
25 Ba zareu, ba tobali famunu wangisönia, me lö edöna mohalöŵö dangania.[15]
26 Si lö aetu wangisö zareu; ba satulö tödö, ba mame'e; lö fa'atali.
27 Sumange nibe'e zebua horö, ba no ni'ogorofi Yehowa; ba mendrua manö, na horö mbörö wame'e ya'ia.[16]
28 Sasi sofaya, ba tekiko dania, ba fehede zamondrongo li, ba si möna.[17]
29 Sabe'e bawa zebua horö; ba satulö tödö, ba ifaigi heza itörö.
30 Lö fa'atua-tua ba lö fa'aboto ba dödö ba lö nikhoi dödö, solaŵa Yehowa.
31 Lafangaro kudo, na baŵa wanuwö, ba femöna, ba khö Yehowa moroi.[18]

Famotokhi ba gahe

[edit | edit source]
  1. Sin 33:15
  2. Faigi 16:2; 24:12
  3. SamI 15:22; Yes 1:11–18; Hos 6:6
  4. Yes 2:11
  5. Faigi 22:29
  6. Faigi 10:2
  7. Ayati 19; Faigi 25:24
  8. Faigi 19:25
  9. SamI 25:18
  10. Faigi 23:21
  11. Faigi 11:8
  12. Ayati 9
  13. Faigi 24:5
  14. Faigi 13:3
  15. Faigi 13:4
  16. Faigi 15:8
  17. Faigi 19:5,9
  18. Sin 33:12; Yes 31:1,3

Fabaliŵa lala

[edit source]

Olayama Amaedola Zelomo: 12345678910111213141516171819202122232425262728293031

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö