Wb/nia/Amaedola Zelomo/26
Fa lö tödö ba fa lö sökhi ba tenga nifosumange
[edit | edit source]1 Si mane teu si baku, na baŵa wa'aukhu zino ba si mane teu na baŵa wamasi, si manö wa lö faböbö zumange ba zi lö tödö.[1]
2 Si mane siliŵi sanörö ba si mane katawaena si hombo, si manö wangelifi si lö börö, lö göna.
3 Ba kudo, ba bözi-bözi, ba ba galide, ba fesu mbawa, — si manö wa'afaböbö nue ba hulu zi lö tödö.[2]
4 Böi be'e dali walötödö khönia wanema li zi lö tödö, ba böi öfalaŵalaŵa ndra'ugö khönia.
5 Be'e zui dali walötödö khönia wanema li zi lö tödö, fa böi ibali satua-tua ia.
6 Sanaba ahenia ba sanölö famakao zangoroi'ö hadia ia khö zi lö tödö.
7 Si mane ahe zombuyu-mbuyu, si no manaŵanaŵa, si manö gamaedola ba mbewe zi lö tödö.
8 Hulö zamatöfa kara ba riboribo, si manö zamosumange si lö tödö.[3]
9 Si mane lua-lua ndroi ba danga zi no mabu tua, si manö gamaedola ba mbewe zi lö tödö.
10 Lua-lua zoya, ba fefu hadia ia, ba isaŵa zi lö boto böli gölö zi lö tödö, awö zangoni ya'ia.
11 Hulö nasu samuli ya'ia ba gutania, si manö zi lö tödö samulimuli molau fa lö tödö andrö.[4]
12 Na ö'ila niha sanguma'ö tödönia satua-tua ia — ba abe'e na dödö ba zowöhö mowa, moroi ba khönia andrö.[5]
13 Imane sareu: "So zingo ba lala, singo ba dalu newali."[6]
14 Si mane lagö mbawandruhö, si tefuyu-fuyu ba izinia andrö, si manö zareu ba dufonia.[7]
15 Na no ifonumalö ba wiga dangania niha sareu, ba afökhö khönia wamuli ba mbawania.[8]
16 Ba dödö zareu, ba atua-tua ia, moroi ba zi dafitu, si no atua-tua wanema li.
17 Si maoso tödö ba wagua-guasa si tenga huhuonia, ba no amaedola zondra'e talinga nono nasu sanörö.
18 Si mane sowöhö, samazaumba alitö ba solau ono wana famunu,
19 si manö niha, si no molimo awönia ba sanguma'ö dania: "Budegu manö."
20 Na lö eu sa ae, ba mate galitö, ba na lö samatou awönia, ba döhö wasosota.[9]
21 Fonönö mbo, ba akho ba fonönö galitö, ba eu, ba si manö niha somasi fasosota, no fondrou'ö wagua-guasa.[10]
22 Li zamatou awönia, ba no hulö gö sami; abakha si tou isaŵa.[11]
23 Si mane sönö wirö nilau ba gero mbowoa tanö, si manö mbewe zabao, ba tödö si lö sökhi.
24 Si fatiu tödö, ba ibini'ö dödönia bewenia, ba bakha barö dotonia, ba ifakhai waya.
25 Na ihaogö linia, ba böi faduhu dödöu khönia; fitu ngawalö sa zogoro ita, si so ba dödönia.
26 He miziŵa tobini watiusa andrö barö walimosa, ba teboka zui walösökhi zi manö, ba zi falukha banua.
27 Sogaru lösu-lösu, ba alau bakha, ba samagaölö gowe, ba khönia tegaölö mangawuli.[12]
28 Lela sofaya, ba fatiu ba nifufunia; ba bewe nihaogö-haogö, ba ilaugö nawönia.
Famotokhi ba gahe
[edit | edit source]Fabaliŵa lala
[edit source]Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö