Wb/nia/Amaedola Zelomo/19
Tenga ni'ositengagö zi numana. Nihaogö wolohe ba lala iraono[edit | edit source]
1 Sökhi zi numana, sanörö lalania, lö sinegu, moroi ba zi tefuyu bewe ba si lö tödö.[1]
2 Ba wa'ambö wa'aboto ba dödö, ba lö si sökhi; ba ba zi lö fangenanö ba wofanö, ba fasala wamekai.
3 Ba walötödö ba niha tefuyu lalania, ba abao dania dödönia khö Yehowa.[2]
4 Ato zi fahuwu ibe'e ana'a, ba si numana, ba i'erogö si fahuwu khönia.[3]
5 Sasi sofaya, ba lö zi lö te'otu'ö, ba solau si lö duhu, ba tebai aefa.[4]
6 Ato zangalui fa'ebua dödö zalaŵa, ba ba zame'e-me'e buala, ba oi dozi fahuwu niha.
7 Ba zi numana, ba oi fa'udu zi fatalifusö khönia, ba tenga mendrua manö la'erogö ia si fahuwu khönia [ena'ö]. Ba na ifati niŵa'öra, ba si lö boto.[5]
8 Sangalui fa'aboto ba dödö, ba i'omasi'ö nosonia, ba samaigi era-era dödö, ba isöndra wa'ohahau dödö.
9 Sasi sofaya, ba lö zi lö te'otu'ö, ba solau si lö duhu, ba tekiko.[6]
10 Ba zi lö tödö, ba no tenga si nangea wa'ohahau dödö, ba mendrua manö tenga si nangea, na möi samatörö salaŵa zawuyu.
11 Fa'aboto ba dödö andrö, ba ebolo dödö niha ibe'e; ba teturia ia, na ibologö dödönia ba golalöŵa.
12 Fa'abao dödö razo, ba no hulö wendröndröndröndrö zingo; ba fa'omasinia, ba no hulö namo mbanua ba zinanö.[7]
13 Ono matua si lö tödö, ba no famakuyu namania; ba no taŵa gahe zagö si lö aetu wasosota ndra alawe.[8]
14 Omo ba ana'a, ba no ondröita zatua; ba khö Yehowa moroi ndra alawe si so fa'aboto ba dödö.[9]
15 Fa'areu andrö, ba abölö wemörö ibe'e; ba si lö mohalöŵö, ba solofo dania.[10]
16 Same'e ba dödö oroisa, ba ibe'e ba dödö nosonia; ba si lö mamaigi lalania, ba tekiko.[11]
17 Si hakhösi tödö si numana, ba khö Yehowa ibe'e nifalali, ba ya'ia zanulöni khönia fa'ebua dödönia andrö.[12]
18 Otu'ö nonou; so na sa wanötöna; ba böi fonumalö dödöu ba wamunu ya'ia.[13]
19 Si ono wönutö, ba ibu'a gogauta; na ötenaŵa, ba tedou öbe'e.
20 Fondrondrongo wamolala tödö, ba tema wanegu, ena'ö atua-tua'ö sa'ae.
21 Oya ngawalö nikhoi dödö niha; ba nikhoi Yehowa zofozu.[14]
22 Somasi niha, ba fa'ebua dödönia; ba no sökhi zi numana, moroi ba zolau faya.
23 Fangata'ufi Yehowa andrö, ba tobali fangorifi; möröi ta, lö fa'olofo, lö itörö famakao.[15]
24 Na no irugi wiga tanga zareu; ba tebai na'i ifuli ba mbawania.[16]
25 Na öbago zango'aya, ba atua-tua zi no owöhö-wöhö; ba na tategu zi so tödö, ba isöndra wa'aboto ba dödö.[17]
26 Samakao amania ba samofanö inania, ba no ono samobörö fa'aila ba fango'aya.
27 Bato wamondrongo fotu, ya'ugö onogu, ba wa'elungu, ba wamöhöi famahaö zaboto ba dödö.[18]
28 Sasi si lö boto, ba i'o'aya huku; ba isowo zi lö atulö bawa zebua horö.
29 Ba zango'aya andrö, ba no muhönagö mo'e'asiwai wotu, ba si manö mbözi-bözi ba hulu zi lö tödö.[19]
Famotokhi ba gahe[edit | edit source]
- ↑ Faigi 28:6
- ↑ Ngen Yer 3:29
- ↑ Faigi 14:20
- ↑ Ayati 9; Faigi 21:28; MozV 19:18–21
- ↑ Ayati 4
- ↑ Ayati 5
- ↑ Faigi 20:2; 16:14–15
- ↑ Faigi 10:1
- ↑ Faigi 18:22
- ↑ Faigi 10:4; 23:1
- ↑ Faigi 16:17
- ↑ Faigi 14:31; Sin 41:2–4; Mat 25:40
- ↑ Efes 6:4
- ↑ Faigi 16:9; Yer 10:23
- ↑ Faigi 14:27
- ↑ Faigi 26:15
- ↑ Faigi 21:17
- ↑ Yak 1:22
- ↑ Faigi 26:3
Fabaliŵa lala[edit source]
Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö