Wb/nia/Amaedola Zelomo/23

Amakhoita ba wemanga ba fa böi mohorö ba fa böi mabu-mabu

1 Na mudadao ndra'ugö ba wemanga, ba böi olifugö'ö ha niha zi so ba ngaiu.
2 Ba faudugö zi'öli ba dödötölöu, na sanani ndra'ugö.
3 Böi isö zami andrö khönia, me no ö si falimo.
4 Böi eregeisi dödöu, ba wangebua ana'a; böhöli wa'onekheu andrö.
5 Hadia, edöna öfaigi-faigi ia, ba no tobali angi? Lö zi lö ifaigi khönia gafi, si mane afi moyo, si saŵa banua si yaŵa.
6 Böi a gö nibe'e zafökhö tödö, ba böi isö zami andrö khönia.
7 Hulö zamatou-tou tödönia ia; imane khöu: A! badu! ba lö fao dödönia khöu.
8 Si no ö'a, ba öfuli ö'uta'ö; ba hadia zi no öhaogö fehedeu, ba no zaya-zaya gölö.
9 Böi farongogö ba zi lö tödö wehedeu; lö'ö sa atö ba dödönia wa'atua-tua andrö ba daroma limö.
10 Böi wu'ai nola föna, ba böi hundragö mbenua zi lö ama.
11 Me no sabölö zangorifi ya'ira — ya'ia zolohe ba lala huhuora khöu.
12 Lulu dödöu ba wotu, ba be'e mbörö dalingau ba wehede si so fa'aboto ba dödö.
13 Böi ambösi wotu ba nono matua; lö'ö sa mate ia, na öhare'ö khönia nue.
14 Öbözi sa ia ue, ba tobali ö'efa'ö mbekhunia ba narako.
15 He onogu, na atua-tua dödöu, ba omuso göi dödögu.
16 Ba owua-wua bakha mbuagu, na satulö ilau beweu.
17 Böi afökhö dödöu ba zamazökhi horö; fangata'ufi Yehowa onorogöi tödö.
18 Si ndruhu, so na sa zi so fönada, ba tenga faya wanötönamö andrö.
19 Fondrondrongo, ya'ugö onogu, ba ya atua-tua ndra'ugö, ba faudugö tödöu lala sadölö.
20 Böi orudu ndra'ugö ba zamadu-madu tuo ba ba zolu'a-lu'asi diwo.
21 Numana sa dania zamadu-madu tuo, fabaya solu'a-lu'a, ba lua-lua wemörö-mörö, ba fa hatö atuala nukha.
22 Fondrondrongo li namau so'ono ya'ugö, ba böi ositengagö ninau, na atua ia.
23 Si duhu öli, ba böi fuli amawa, fa'atua-tua ba fangenanö ba fa'aboto ba dödö.
24 Owua-wua sibai dödö zi so'ono satulö tödö; ba si no mo'ono satua-tua, ba omuso dödö khönia.
25 Ya omuso dödö ndra amau inau, ba ya owua-wua dödö zadono ya'ugö.
26 Khögu be'e dödöu, ya'ugö onogu, ba ya omasi höröu lala andrö khögu.
27 Kohokoho sabakha sa ndra alawe somasi fohorö, ba ba'a side-ide bawa ndra alawe bö'ö.
28 Sanaro-naro ia, si mane sorabu, ba ato zi faröi niha ibe'e.
29 Ha khö so wa'alai? Ha khö so wa'afa'aökö? ha khö so wasosota? ha khö so wangarö-ngarö? ha niha zesokho, lö börö-börö? ha niha zi ndrundrumö hörö?
30 Ya'ia zi bongisi wamadu-madu tuo, si möi ba wanandra nifolaru.
31 Böi faigi-faigi duo, na no oyo'oyo, na si takile ia ba mako, na sökhi wa'ahele ba dölö-tölö.
32 Ba lua-luania, ba si fara'u ia, hulö gulö, si fa'usu, hulö gö'ö.
33 Si tenga inötö i'ila dania höröu, ba si fakuyu ilau tödöu.
34 Ba hulö zi mörö ba dalu nasi ndra'ugö, ba hulö zi mörö ba mbalö döla loyo.
35 "No labözi-bözido, ba lö safökhö khögu; no labago-bagodo, ba lö u'ila. Ha wa'ara tokeado? Ba utohugö wolau zui."

Famotokhi ba gahe

Fabaliŵa lala

Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö