Wb/nia/Amaedola Zelomo/11
Tohu-tohu. Fa'atulö soroma ba gamuata[edit | edit source]
1 Fali'era si lö atulö, ba no ni'ogorofi Yehowa; ba saga si lö ambö, ba omasi ia.[1]
2 Na so wayaŵasa, ba so göi wa'aila; ba ba zangide-ide'ö ya'ia, ba so wa'atua-tua.[2]
3 Fa'adölö dödö zatulö andrö zamasao ya'ira; ba famakiko zi faröi andrö wa'atefuyura.[3]
4 Ana'a, ba lö i'orifi ita, na baŵa wanguhuku; ba no fangorifi wa'atulö dödö.[4]
5 Fa'atulö zadölö tödö andrö, ba no fangadölö lalania; ba sebua horö, ba alau ba gamuatania andrö, ba horö.
6 I'orifi zadölö tödö fa'atulönia andrö; ba si faröi andrö, ba te'u'u ba wangisönia andrö.
7 Na mate niha sebua horö, ba awai wanötönania; si tobali faya sa wanötöna zanao horö.[5]
8 Satulö tödö, ba te'efa'ö ba wa'atosasa; ba möi fangalinia zebua horö.[6]
9 Ba zanaonao horö, ba bewenia wamakiko nawönia; ba fa'aboto ba dödö wangorifi zatulö.
10 Na ohahau dödö zatulö, ba owua-wua dödö mbanua; ba ma'iki na tekiko zebua horö.
11 Fangazökhi mbanua howu-howu zatulö; ba fanudugö ya'ia mbawa zebua horö.[7]
12 Sambö tödö, ba sango'aya awönia, ba saboto ba dödö, ba lö hede-hede.
13 Samokai si tobini zamatou awönia; ba sadölö tödö, ba ibalugö, na so hadia ia.
14 Ba zi lö folohe, ba adudu mbanua, ba ohahau dödö ba zi lö ambö samolala.
15 Lö zi lö te'ala zi möi fali niha bö'ö; ba si lö omasi fe'amöi ba wali, ba lö fangabu dödö.[8]
16 Ira alawe omasiö, ba isöndra zumange, si mane fanöndra zamalangögö awöra ana'a.
17 Ba niha sebua tödö, ba khönia zi sökhi nisöndrania; ba safaito, ba ifakao nösinia.
18 Sebua horö, ba isöndra hare faya; ba sanaru fa'atulö dödö, ba isöndra mböli gölö si ndruhu.
19 Lua-lua zi ndruhu fa'atulö dödö, ba fa'auri; ba solohi si lö sökhi, ba falukha wa'amate.[9]
20 Si tefuyu tödö, ba ni'ogorofi Yehowa; ba sanörö lala si sökhi, ba i'omasi'ö.
21 Da dangau! Lö zi lö te'otu'ö niha si lö sökhi, ba nga'ötö zatulö tödö, ba te'orifi.
22 Hulö naya balaki ba nikhu zigelo, si manö ndra alawe si sökhi bawa ba si lö fangenanö.[10]
23 Somasi satulö tödö, ba ha sambalö si sökhi, ba fanötöna zebua horö, ba falukha wanguhuku.[11]
24 Si samösa, ba oya ibe'e, ba tedou-dou manö zi so khönia, ba si samösa, ba i'atalisi zi nangea nibe'e, ba tedou wa'anumanania.
25 Sebua tödö, ba ni'abusoi'ö, ba sangokafui tödö nawönia, ba ni'okafui tödö dania.[12]
26 Si lö edöna mamawa fakhe, ba ni'elifi niha, ba ba högö zamawa, ba tohare howu-howu.
27 Sangalui si sökhi, ba fa'omasi i'alui; ba solohi si lö sökhi, ba nitörö zi lö sökhi.
28 Sanötöna ba gana'ania, ba alau dania; ba satulö tödö, ba auri, si mane bulu zinanö.[13]
29 Samakuyu soroiyomonia, ba angi isöndra, ba sawuyu zatua-tua dania zi lö tödö.
30 Bua-bua zatulö tödö, ba eu sowua fangorifi, ba satua-tua, ba isöndra dödö niha.[14]
31 Hiza, isöndra ba guli danö luonia satulö tödö, ba mendrua manö zebua horö ba samazökhi si lö sökhi.[15]
Famotokhi ba gahe[edit | edit source]
Fabaliŵa lala[edit source]
Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö