Help:Йыш бирелгән һорауҙар

From Wikimedia Incubator
Jump to navigation Jump to search
This page is a translated version of the page Help:FAQ and the translation is 93% complete.

Outdated translations are marked like this.
You can also read this page in:
Bahasa Indonesia • ‎Bahasa Melayu • ‎Deutsch • ‎English • ‎Esperanto • ‎Frysk • ‎Limburgs • ‎Napulitano • ‎Nederlands • ‎Patois • ‎Pälzisch • ‎Sassaresu • ‎Scots • ‎Soomaaliga • ‎Sunda • ‎Taqbaylit • ‎Türkçe • ‎Zazaki • ‎azərbaycanca • ‎dansk • ‎español • ‎français • ‎galego • ‎italiano • ‎magyar • ‎polski • ‎português • ‎română • ‎suomi • ‎Ænglisc • ‎Ελληνικά • ‎башҡортса • ‎беларуская • ‎русский • ‎українська • ‎العربية • ‎بختیاری • ‎تۆرکجه • ‎روچ کپتین بلوچی • ‎سرائیکی • ‎سنڌي • ‎فارسی • ‎مصرى • ‎پښتو • ‎کھوار • ‎अवधी • ‎हिन्दी • ‎বাংলা • ‎தமிழ் • ‎ಕನ್ನಡ • ‎සිංහල • ‎მარგალური • ‎ქართული • ‎ⵜⴰⵎⴰⵣⵉⵖⵜ ⵜⴰⵏⴰⵡⴰⵢⵜ • ‎中文 • ‎中文(简体)‎ • ‎文言 • ‎日本語 • ‎ꆇꉙ • ‎ꯃꯤꯇꯩ ꯂꯣꯟ • ‎한국어

Был биттә ҡулланыусылар йыш биргән һорауҙар һәм уларға яуаптар бар.

Contents

Был проект Википедияның бер өлөшө буламы? Викимедиа (Wikimedia) нимә була, МедиаВики (MediaWiki) тигәндән айырмаһы нимәлә?

Бына ошо һүрәттәргә күҙ һалығыҙ әле:

Викимедиа фонды (Wikimedia Foundation) һәм уның проекттары
Википедия (Wikipedia), MediaWiki һәм Викимедиа (Wikimedia)
Викимедиа ИнкубаторыВикимедиа Фонды структураһының бер өлөшө. Викимедиа Фонды иһә Википедия һәм башҡа проекттарҙың эшен булдыра.

Инкубатор һәм ғаризаларҙы ҡарау тәртибе

Бында ниндәй ҡағиҙәләр һәм күрһәтмәләр бар?

Уларҙы Incubator:Policy битендә ҡарап сығырға була. Шулай уҡ ошо категорияны ла ҡарап сығығыҙ.

Һүрәтте нисек тейәргә мөмкин?

Теркәлгән ҡатнашыусы булһағыҙ, файлдарҙы, ғәҙәттә, Special:Upload бите аша тейәргә була. Тик бында (Инкубаторҙа) ундай мөмкинлек юҡ, файлдарҙы Викимилеккә (Wikimedia Commons) генә тейәргә мөмкин. Был хаҡта тулыраҡ мәғлүмәт өсөн ошо битте ҡарағыҙ.

Яңы тест-викиҙы нисек башларға була?

Ошо биттәге инструкцияны ҡарап сығығыҙ. Иҫегеҙҙә тотоғоҙ: яңы викиҙы башлап ебәрер өсөн, телдең ISO 639 коды булыуы мотлаҡ.

Тест-Викийыбыҙ үҙ сайтына ҡасан күсә?

Иң башта Мета-Викиҙа ғариза ҡалдырығыҙ. Артабан, проектты Телдәр комитеты уны раҫлағанғаса, ул Инкубаторҙа тест булып ҡала. Иң башта тестың «лайыҡлылығы тикшерелгән» булырға тейеш (йәғни, тест-вики үҙ айырым сайтына күсә алырлыҡ тип билдәләнергә тейеш). Унан һуң тест-викиҙың статус битен тикшерегеҙ, унда тағы ла эшләйһе нәмәләр ентекләп яҙылған. Эшләйһе эштәр бөткән һәм тест-вики әүҙем тулыландырылған хәлдә генә Тел комитеты ул проектты раҫлай ала. Артабан, багтрекерҙа был хаҡта яңы билдәләмә булдырылғас, Вики-проекттың үҙ сайты барлыҡҡа килә ала.

Тест-вики әүҙем булһын өсөн нимә эшләр кәрәк?

Нимә яҙырға мөмкин? Нимә хаҡында?

Шулай уҡ Мета-Викиҙағы Яңы бүлектәр өсөн күрһәтмәләрҙе ҡарағыҙ. Тест-Википедялар өсөн:

  • Маҡсатығыҙ шул: юғары сифаттағы энциклопедия булдырырға. Киләсәк ҡатнашыусылар өсөн тәҡдимдәр, күрһәтмәләр яҙығыҙ. Телегеҙҙә дөрөҫ яҙырға өйрәткән сайттар бармы? Булһа, һылтанмалар ҡуйығыҙ. Бәлки, һүҙлек йә грамматикаға һылтанма өҫтәү, йә ундай материалды проектҡа күсереү ҙә урынлы булырҙыр.
  • Яңы мәҡәлә темаларын эҙләр өсөн Википедияның һәр тел бүлегендә булырға тейешле мәҡәләләр исемлеген ҡарағыҙ.
  • Бәлки, тел һөйләшелгән төбәк хаҡындағы мәҡәләләр ҙә уҡыусыларҙы ҡыҙыҡтырырҙыр.
    • География, Тарих, Йәмғиәт, Сәйәсәт
    • Фән, Технология, Сәнғәт, Дин, Спорт
  • Башҡа телле Википедияларҙан мәҡәләләрҙе тәржемә итеп була.

Беҙҙең проектҡа һылтанма (subdomain) ни өсөн эшләмәй? URL-адрес ни өсөн беҙҙең проектҡа һылтанмай? Адресты индереү менән беҙҙең проект асылһын өсөн нимә эшләр кәрәк?

Special:SiteMatrix битендә бар телдәрҙә яҙылған Вики-проекттарға һылтанмалар Инкубаторҙағы тесҡа йүнәлтелә (Special:SiteMatrix-тағы ҡыҙыл һылтанмалар). Был проекттарҙан Инкубаторға һылтанмалар эшләмәй:

  • Элек бар булған, әммә ябылған викиҙар (һыҙып ташланған күк һылтанмалар).
  • Биттә булмаған телле викиҙар (күбеһенсә Википедия бүлектәре).
  • Викиверситет һәм Викикитапхана бүлектәре.

Ғәҙәти бер URL-адресты билдәләһәгеҙ, унан Инкубаторҙағы проектҡа йүнәлтмә эшләйәсәк (мәҫ. xyz.wikiproject.org/wiki/бит исеме → incubator.wikimedia.org/wiki/Wx/xyz/бит исеме). Йүнәлтмә ҡулланылғанда, URL әҙрисенең өлөшө булған башҡа параметрҙар (мәҫ. action=history) эшләмәй. xyz.wikiproject.org тигән әҙрис Инкубаторҙағы тест-викиҙың баш битенә йүнәлтә лә, uselang параметрын иҫәпкә ала.

Интервики (вики-ара) һылтанмаларҙы нисек ҡулланырға?

Тест-Википедияларҙа вики-ара һылтанмалар ғәҙәттәгесә эшләй, йәғни, һеҙ [[ru:Биттең урыҫса исеме]] тигәнде индергәс, Урыҫ Википедияһында ошо уҡ темалы мәҡәләгә һылтанма пәйҙә була. Инкубаторҙа Wikidata әлегә эшләмәй, әммә вики-ара һылтанмаларҙы ваҡыты-ваҡыты менән бот яңырта. Башҡа Википедияларҙа Инкубаторҙағы тест-проекттарға һылтанма өҫтәү мөмкин түгел.

Башҡа проекттарҙа иһә, интервики һылтанмаларына проект кодын да өҫтәү мотлаҡ, мәҫ. [[en:voy:Бит исеме]] Wikivoyage проектының инглиз өлгөһөнә һылтанма була, ә [[fr:wikt:бит исеме]] тигәнде индерһәгеҙ, Француз Викиһүҙлегенә һылтанма пәйҙә була.

Префикс

Префикс нимә була?

Һәр биттең исеме бер нисә хәрефтән һәм ике ҡыя һыҙыҡтан торған префикс менән башлана. Осраҡлы бер мәҡәләне эҙләп ҡараһағыҙ, Wx/xx/бит исеме тигәнгә тап булырһығыҙ. Бында тәүге ике хәреф биттең ниндәй проектҡа (Википедия, Викиһүҙлек һ.б.) ҡарағанын аңлата, ә тәүге ҡыя һыҙыҡтан һуңғы 2-3 хәреф уның ниндәй телдә яҙылғанын билдәләй. Икенсе ҡыя һыҙыҡтан һуң иһә биттең үҙ исеме килә. Проект айырым сайтҡа күсеү менән, унда тик һуңғыһы ғына ҡулланыласаҡ.

Префикстар тест-викиға (проектҡа) ҡараған исемдәр арауыҡтарының барыһында ла (мәҫ. ҡалыптарҙа, категорияларҙа) ҡулланылырға тейеш. Проектығыҙҙа ҡалып булдырыр өсөн, битен "Template:Wx/xx/Ҡалып исеме" тип атар кәрәк, ә категория битен булдырғанда, уға "Category:Wx/xx/Категория исеме" тигән исем ҡушыр кәрәк. Иғтибарлы булығыҙ, телдең коды (префикстың икенсе өлөшө) бәләкәй хәрефтән яҙыла.

Important note: The Help: and Project: (Incubator:) namespaces are reserved for pages serving the entire Incubator. To create a page for the Help: or Project: (e.g., "Wikipedia:") namespace of your test, place the page in mainspace by putting the namespace in after the prefix (e.g., "Wx/xx/Help:Help page" or "Wx/xx/Wiktionary:Project page").

Беҙҙең проекттың ниндәй префиксы булырға тейеш?

Ул Проект төрө/код тип яҙылырға тейеш.

  • Проект төрө: Инкубаторҙа үҙ телегеҙҙә Википедия булдыраһығыҙ икән,префиксы Wp менән башлана, Викиһүҙлектеке "Wt/" тип, Викиөҙөмтәнеке "Wq/" тип, Викидәреслектеке "Wb/" тип, Викияңылыҡтарҙыҡы "Wn/" тип, "Wikivoyage" проектының биттәре префиксы "Wy/" тип башлана. Викикитапхана һәм Викивкерситеттың тест өлгөләре башҡа ерҙә булдырыла: oldwikisource: һәм betawikiversity:.

Код: Быныһы телегеҙҙең ISO 639 коды була. Ундай кодтың бар булыуы бында яңы проектты башлап ебәрер өсөн мотлаҡ (кодты белмәһәгеҙ, уны бында эҙләргә була).

Телемдең ISO коды юҡ, ярҙам итегеҙ!

Тимәк, бында ул телдә вики-проектты башлап ебәреп булмай.

  • ISO 639 кодына ғариза ебәреп ҡарарға мөмкинһегеҙ.
  • Бынан тыш, проектығыҙҙы Incubator Plus проекты сиктәрендә башлап ебәрергә мөмкин, әммә был осраҡта ул Викимедиа проекттары иҫәбенә инмәйәсәк.

Префиксты һәр бер биттә ҡулланыу ни өсөн мотлаҡ?

Бының бер нисә сәбәбе бар.

  • Беренсенән, бар яҙылған биттәрҙе телгә нигеҙләнеп бүлеү логикаға тап килә.
    Миҫал өсөн, берәй исем (әйтәйек, "Europa") шул уҡ килеш күп телдә ҡулланыла. Ундай исемле яңы бит булдырылһа, ниндәй проектҡа ҡарағанын нисек аңларға? Ә бер нисә проектта шул уҡ исемле бит булһа, нимә эшләр кәрәк? Префикстар ошо мәсьәләне уңышлы хәл итә.
  • Проектығыҙ үҙ сайтына күсеү менән, префиксы бар булған биттәр ул сайтҡа күсереләсәк, префиксы булмағандары иһә күсерелмәйәсәк.
    Быныһы ябай копиялау-индереү аша түгел, ә импорт ысулы менән эшләнә. Префикстары булмаған биттәрҙе импортлау күпкә ҡыйыныраҡ.
  • Префиксы булған биттәр анализ мәғлүмәтендә телегеҙҙә яҙылған тип иҫәпләнә, ә ҡалғандары иҫәпләнмәй.
    Тимәк, префикс менән ҡулланыу вики-проектығыҙҙың үҙ сайтына күсерен тиҙләтә, тип әйтеп була. :-)

Префикслы биткә нисек һылтанма яһарға?

Префиксһыҙ биттәргә һылтанмалар [[Бит исеме]] тип, префикслыларына иһә [[Wx/xx/Бит исеме]] тип яҙыла.

Префикстар өҫтәүҙе еңеләйтер өсөн, AddPrefix гаджетын ҡуллана алаһығыҙ.

  • Бит булдырылғас та, ул гаджет бар һылтанмаларға ла префикс өҫтәйәсәк. Улайтмаһын өсөн, һылтанманың иң башына тура һыҙыҡты (pipe) ҡуйығыҙ: [[|һылтанма]]
  • Ул тура һыҙыҡты ла гаджет үҙе өҫтәй.

Префикстың нимә икәнен һаман аңлап бөтмәйем

Ҡоролтайыбыҙҙан ярҙам һорап ҡарағыҙ.

Яңы вики булдырылғас...

Вики-сайтыбыҙ булдырылды! Шунан нишләргә?

Яңы викиҙа иҫәп яҙмағыҙҙы булдыра алаһығыҙ, әммә Инкубаторҙағы тестан мәҡәләләр күсермәгеҙ! Бының менән импортлаусы хоҡуғы бар кешеләр шөғөлләнәсәк (тулыраҡ мәғлүмәт).

Хәҙер бөтөн википроекттарҙа ла берҙәм логин индерелде. Тимәк, Инкубаторҙа танылып, яңы викиға күсһәгеҙ, ундағы иҫәп яҙыуығыҙ үҙенән-үҙе булдырыла.

Special:Statistics битендә күрһәтелгән мәҡәлә һаны үтә әҙ!

Был күптән билдәле мәсьәлә, яңы булдырылған викиҙарҙа мәҡәлә һаны дөрөҫ күрһәтелмәҫкә мөмкин. Билдәле бер ваҡыттан был мәсьәлә үҙенән-үҙе хәл ителер. Бер нисә көн үткәс тә хәл ителмәһә, эшкәртеүселәргә (developers) өндәшегеҙ, улар, махсус скрипт менән ҡулланып, быны төҙәтәсәк.

Биттәрҙең ҡайһы берҙәре ни өсөн импортланмай ҡалған?

Мәҡәлә һанын, бәлки Special:Statistics битенән, йә булмаһа {{NUMBEROFARTICLES}} иҫәпләгесенән алғанһығыҙҙыр. Беҙгә мәғлүм ки, импорттан һуң икеһе лә дөрөҫ эшләмәҫкә мөмкин. Барлыҡ мәҡәләләрҙең теҙемен Special:Allpages битендә күреп була (шул исемлектән мәҡәлә һанын да һанап сығарып була). Икенсе яҡтан ҡарағанда, импорттан һуң ҡайһы бер биттәр, ысынлап та, күсерелмәй ҡалырға мөмкин. Шулай булып ҡалһа, мәҡәләләрҙе проектығыҙға күсерә торған ҡатнашыусы (импортлаусы) менән бәйләнешкә инегеҙ.

Логотибыбыҙҙы нисек ҡуйырға?

  • Тәүбашта проектығыҙҙың исемен һәм унан һуңғы кәлимәләрен (мәҫ. Википедия, ирекле энциклопедия) телегеҙгә тәржемә итеп, ошонда яҙып ҡуйығыҙ (йә төҙәтегеҙ). Шулай итеп, киләсәктә логотипты яңынан булдырырға була. Википроект айырым сайтҡа күскәс 5=incubator тигән ҡодты ла алып ташлағыҙ.
  • Шул уҡ биттә башҡа эшләйһе эштәр ҙә яҙылған: логотипҡа стандарт исемде биреп (мәҫ. Инглиз Википедияһы өсөн File:Wikipedia-logo-v2-en.png) уны тейәгеҙ ҙә, үҙгәртеүҙән һаҡлағыҙ (үҙегеҙ шуны эшләй алмағанда, хакимдарҙан һорағыҙ). Логотипты үҙегеҙ төшөрә алмаған хәлдә, башҡа ҡатнашыусынан ярҙам һорағыҙ; уны Commons-тағы галереяларҙың фекерләшеү биттәрендә һорап була, мәҫ. commons:Wikipedia/2.0.
  • Иҫегеҙҙә тотоғоҙ, логотиптың киңлеге 135 пиксель булырға тейеш, үҙе үтә күренмәле булырға тейеш. Дөрөҫ эшләнгәнен белһәгеҙ, ҡуйыуын Phabricator сайтында һорағыҙ.

Сайт исемен (sitename) нисек үҙгәртергә?

Phabricator сайтында сайттын исемен үҙгәртергә тигән ғаризаны ҡалдырығыҙ.

Хаким хоҡуҡтарын нисек алырға була?

Ваҡытлыса хаким хоҡуғын Мета-Викиҙағы хоҡуҡ биреү битендә һорарға була. Бынан тыш, Викиғыҙҙа һайлау үткәреп, шул уҡ биттә даими хаким хоҡуғын һорай алаһығыҙ (был осраҡта һайлауға һылтаныу мотлаҡ).

Беҙҙең проектҡа интервики һылтанмалар эшләмәй!

Быныһы -- Викимедиа проекттары өсөн өр-яңы телле проекттарға хас бер мәсьәлә. Сабыр итегеҙ, ул хаҡта, бәлки, кемдер хәбәр итеп өлгөргәндер, яҡын арала был мәсьәлә үҙенән-үҙе хәл ителер.

Проектыбыҙ Мета-Викиҙағы Википедиялар исемлегенә (йә башҡа шундай исемлеккә) инмәй ҡалған!

Хафаланмағыҙ, бер аҙҙан ул исемлек яңыртыласаҡ. Яңыртылмаһа, Phabricator сайтында хата тураһында хәбәр ҡалдырығыҙ (product: Wikimedia Labs; component: wikistats).

Локалләштереү, интерфейс һ.б.

Көллө интерфейс инглизсә яҙылған, уны мин һөйләшкән телгә үҙгәртеп буламы?

Тәүбашта системаға танылығыҙ. Унан һуң шәхси көйләүҙәрегеҙгә инеп, телде тиҙ генә үҙгәртә алаһығыҙ (тел исемлеге тәү битенең уртаһында бар). Интерфейсты тәржемә итеү хаҡындағы тулыраҡ мәғлүмәт бында бар: Special:MyLanguage/Help:Manual#5 Бынан тыш, иҫәп яҙмағыҙҙың исеме эргәһендәге тел исеменә баҫып та, интерфейс телен үҙгәртә алаһығыҙ.

Special:Preferences битендә телем ни өсөн юҡ? / Телемде һайлаһам да, барыһы ла ни өсөн инглизсә ҡалған?

Тимәк, интерфейс һеҙҙең телгә тәржемә ителмәгән, йә тәржемәһе тулы түгел. Бының менән шөғөлләнгегеҙ килһә, Translatewiki.net битенә рәхим итегеҙ (ундағы Тәүге аҙымдар тигән махсус биттә инструкцияларға таянығыҙ). Шулай уҡ ҡарағыҙ Translatewiki-ҙағы локалләштереү статистикаһы, Инкубаторҙағы тәржемә проекты.

Һорауыма яуапты бында тапманым

Улайһа, Инкубаторҙың ҡоролтайында һорап ҡарағыҙ. Яуаптың файҙаһы тейһә, һорауын да, яуабын да бында өҫтәргә була.