Jump to content

Wb/nia/Samueli I/31

From Wikimedia Incubator
< Wb‎ | nia‎ | Samueli I
Wb > nia > Samueli I > 31

I. Te'ala Ndraono Gizeraeli ba Ndrawa Wilisiti. Itaru'ö khönia zi'öli Saulo

[edit | edit source]

1 Ba barö ö, ba no lalau ba Ndraono Gizeraeli Dawa Wilisiti, ba no moloi Ndraono Gizeraeli labe'e Dawa Wilisiti, ba hiza tou ba danö nibunu, ba hili Giliboa.[1] 2 Ba lö laböhöli Dawa Wilisiti wolohi Saulo ba ononia, ba labunu nono Zaulo, Yonata ba Abinadabi ba Malikhizua. 3 Ba laforege wasöndrata khö Zaulo ba no la'ila ia si fafana ösa. Ba ata'u sibai Zaulo zi fafana andrö. 4 Ba imane Saulo khö zolohe fangönania: Söbi wödamö ba fahö ndra'odo, fa böi möi zi lö muboto andrö, ba wango'aya ya'o! Ba lö edöna zolohe fangönania, ata'u sibai ia. Ba ituyu wöda Saulo, itaru'ö ba dödönia.[2] 5 Ba me i'ila solohe fangönania, no mate Zaulo, ba itaru'ö göi khönia wödania ba mate ba ngai Zaulo. 6 Tobali endronga mate ira, me luo da'ö, Saulo ba ononia andrö, si datölu, ba solohe fangönania. 7 Ba me larongo Iraono Gizeraeli ba zi tambai zalo'o andrö ba yefo Yoridano, no moloi Ndraono Gizeraeli ba no mate Zaulo, fabaya iraononia andrö, ba laheta ira yomo khöra, moloi. Ba so Ndrawa Wilisiti ba la'iagö yomo khöra.

II. La'o'aya mbotonia Dawa Wilisiti, ba lahaogö wogo'o ya'ia banua Yabesi andrö

[edit | edit source]

8 Ba mahemolu ö, ba so Ndrawa Wilisiti, ba wangai gama-gama nibunu andrö, ba hiza Zaulo ba iraononia andrö, si datölu, ba hili Giliboa. 9 Ba lataba mbaginia ba laheta khönia mbarunia sabe'e, ba lafatenge [zinenge], sanöröi tanö Ndrawa Wilisiti, ba wanuriaigö turia somuso dödö andrö ba nadura ba ba niha sato. 10 Ba fangöna ba labe'e ba gosali Gasera ba botonia, ba lataŵi ba göli kara ba Mbetisana. 11 Ba me larongo banua Yabesi ba danö Gileadi hadia nilau Ndrawa Wilisiti khö Zaulo,[3] 12 ba maoso zabölöra fefu, sara wongi ira ba lala, ba latagö mboto Zaulo ba boto ndraononia andrö ba göli kara ba Mbetisana; ba lafuli ira ba Yabesi ba latunu ba da'ö, ba tölara, 13 ba lahalö ba lako'o ba mbörö manawa ba Yabesi, ba mamoni ba gö ira, fitu bongi wa'ara.[4]

Famotokhi ba gahe

[edit | edit source]
  1. Ayati 1–13: Nga'ötI 10:1–12
  2. Sanguhuk 9:54
  3. Faigi 11:1–11
  4. SamII 1:12

Fabaliŵa lala

[edit source]

Olayama Samueli I: 12345678910111213141516171819202122232425262728293031

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö