Jump to content

Wb/nia/Samueli I/27

From Wikimedia Incubator
< Wb‎ | nia‎ | Samueli I
Wb > nia > Samueli I > 27

I. Moloi zui Dawido isaŵa Nakhisi

[edit | edit source]

1 Ba imane dödönia Dawido: Samuza ma'ökhö dania, ba mate sa atö ndra'o ba danga Zaulo; si sökhinia, na moloi ndra'o, na usaŵa danö Ndrawa Wilisiti, ba ibato mötö Saulo wangalui ya'o ba danö Ndraono Gizeraeli ma'asagörö; ba tobali aefa ndra'o ba dangania. 2 Ba maoso Dawido, awö zi 600 niha andrö, si fao khönia, lasaŵa Nakhisi andrö, ono Ma'okhi, razo Gata.[1] 3 Ba khö Nakhisi ba Gata i'iagö Dawido ba awönia andrö, awö zoroiyomora fefu; fao göi wo'omo Dawido andrö, si dombua: Ahinoa, banua Yezere'eli ba Abigaila, lakha Nabalo andrö, banua Garemeli.[2] 4 Ba me te'ombakha'ö khö Zaulo, no isaŵa Gata Dawido, ba ibato Saulo wangalui ya'ia. 5 Ba imane Dawido khö Nakhisi: Na ebua atö dödöu khögu, ba te ötuturu khögu naha sambua, ba mbanua ba danö, heza u'iagö; hadia sa wa i'iagö ngaimö sawuyumö andre, ba mbanua sebua andre? 6 Ba ituturu khönia Zikelagi Akhisi, me luo da'ö; ba tobali banua razo mado Yuda Zikelagi andrö, irugi ma'ökhö andre.[3] 7 Ba fa'ara Dawido ba danö Ndrawa Wilisiti, ba öfa waŵa töra döfi.

II. Manuwö-nuwö Dawido götö we'asonia ba da'ö

[edit | edit source]

8 Ba möi misi yaŵa Dawido, i'ohe nawönia andrö, ba lasuwö mbanua Gesuri andrö ba Iraono Girisi ba Iraono Gameleki; da'ö zowanua ba danö andrö, i'otarai Delama, numalö ba Zuri ba ba danö Miserayi mitou. 9 Ba na isuwö mbanua da'ö Dawido, ba lö isaigö, he ira matua, ba he ira alawe, ahori ibunu; ba biri-biri ba saŵi ba kalide ba ondra, fabaya gama-gama, ba i'ohe, ba ifuli ia khö Nakhisi. 10 Ba na isofu Akhisi: Heza möi ami manuwö ma'ökhö? ba imane Dawido: Ba danö mado Yuda, tanö raya; ba ma: Ba ndraono Yerame'eli, tanö raya; ba ma zui: Ba ma'uwu Geni, tanö raya. 11 Ba samösa lö i'orifi Dawido, he ira matua, ba he ira alawe, lö ifa'amöi ba Gata, imane dödönia: Ma dania möi ira sasi, ma la'ombakha'ö: Da'ö nilau Dawido! Si manö wolau-launia, götö we'asonia ba danö Ndrawa Wilisiti. 12 Ba faduhu dödö Nakhisi khö Dawido, imane: No aböu döinia ba niwara, Iraono Gizeraeli, ba lö tebulö ia ba da'e enonigu.[4]

Famotokhi ba gahe

[edit | edit source]
  1. Faigi 21:11; RazI 2:39
  2. Faigi 25:40–43
  3. Yos 15:31; Sanguhuk 1:19
  4. MozI 34:30; MozII 5:21

Fabaliŵa lala

[edit source]

Olayama Samueli I: 12345678910111213141516171819202122232425262728293031

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö