Wb/nia/Razo I/5

Fawu'u li ira Zelomo Hiramo andrö, ba wolau osali

I. 1 Ba ifatenge khö Zelomo genoninia Hiramo andrö, razo Diro; me no irongo no labayoini razo Zelomo, fangali namania. Sagötö fa'ara, ba no si fehuwu sibai khö Dawido Hiramo andrö. 2 Ba ifatenge khö Hiramo Selomo, imane khönia: 3 No örongo, wa no tebai ilau nomo döi Lowalanginia Yehowa amagu Dawido, börö wanuwö-nuwö andrö si tefasui ya'ia, irege ibe'e barö gahenia ira Yehowa. 4 Ba no ahono manö fasui, ibe'e khögu Lowalangigu, Yehowa, tobali lö'ö sa'ae si fa'udu ba lö'ö sa'ae si fatimba. 5 Ba no uŵa'ö tödögu ulau nomo döi Lowalangigu, Yehowa, dali niŵa'ö Yehowa khö namagu Dawido, me imane: Onou andrö, nifedadaogu dania ba dadaomamö, fangaliu, da'ö dania zolau omo döigu! 6 Ba ŵa'ö sa'ae, ena'ö lalau khögu geresi ba hili Libano, ba akha fao ba genoniu genonigu; ba ya'o zame'e luo genoniu, dali manö nifatömö. Noa sa'ae ö'ila, wa samösa lö ba khöma sangila molau eu, si mane banua Zidona andrö. 7 Ba me irongo niŵa'ö Zelomo Hiramo, ba omuso sibai dödönia, ba imane: Nisuno Yehowa ma'ökhö, si no mame'e ono satua-tua khö Dawido, högö soi sebua andrö! 8 Ba ifatenge khö Zelomo Hiramo, imane: No urongo niŵa'ou khögu. Ba ya'odo, ba ahori u'asogö hadia zomasi'ö töla geresi ba töla zenobari. 9 Akha la'ohe mitou ba mbewe nasi enonigu, moroi ba hili Libano, ba ya'o zanguma'ö forake ya'ia, irugi mbanua niŵa'öu khögu, ba ba da'ö, ba uŵa'ö wanudugö, ena'ö ya'ugö zamahalö'ö. Ba ya'ugö, ba ö'o'ö ni'andrögu, öbalazoi ndra'aga, ya'aga si samba omo. 10 Ba ifa'ema khö Zelomo döla geresi ba töla zenobari Hiramo, ha wa'oya zomasi ia. 11 Ba Selomo, ba ifa'ohe'ö khö Hiramo, ba 40.000 fiku gandru ba 4000 fiku fanikha mbua zai nifufu, balazora, ya'ira si samba omo. Ero röfi ifa'ohe'ö da'ö khö Hiramo Selomo. 12 Ba no ibe'e wa'atua-tua khö Zelomo Yehowa, itörö nifabu'unia khönia mege. Ba ha sara dödöra Hiramo Zelomo, ba fawu'u li ira.

Lahönagö lafaigi zoguna, eu ba kara

II. 13 Ba i'ofaya zohalöŵö rodi Selomo, ba Ndraono Gizeraeli fefu, ba fa'ato zi göna rodi andrö, ba 30.000. 14 Ba ifalalilali wamatenge ya'ira ba hili Libano, sara-sara waŵa, ba fulufulu ngahönö; tobali sara-sara waŵa ira ba hili Libano ba duadua waŵa ba khöra. Ba Adonira mandru ba rodi andrö. 15 Ba 70.000 khö Zelomo sonoro ba 80.000 zanoto kara ba hili, lö lai högöra ba mandru, 16 khö Zelomo, satua zangai halöŵö, 3.300 da'ö, samaigi-maigi niha andrö, sohalöŵö. 17 Ba iŵa'ö razo wamo'a kara sebua, si sökhi, kara nitoto, toyo gosali andrö dania. 18 Ba manoto-noto duka andrö khö Zelomo, la'asiwai mbalo, awö gara, ba wolau osali dania.

Famotokhi ba gahe

Fabaliŵa lala

Olayama Razo I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö