Wb/nia/Razo I/4
Enoni Zelomo
[edit | edit source]I. 1 Ba razo ba Ndraono Gizeraeli fefu sa'ae Zelomo. 2 Ba da'e högö genoninia: Ere Gasariya andrö, ono Zadoki.[1] 3 Ba durutuli Gelihorefi ba Ahiya, faoma ono Zisa. Ba sa'asa sebua Yozafati, ono Gahiludi. 4 Ba Benaya andrö, ono Yoyada, ba kumandra zabölö. Ere göi Zadoki ba Abiataro. 5 Ba Asaria, ono Natano, ba no mufataro högö gumandru. Ba Sabudu, ono Natano, ba ere ba si fahuwu khö razo. 6 Ba Ahisari, ba mandru ba gödo, ba Adonira, ono Gabada, ba mandru rodi.[2] 7 Ba felendrua khö Zelomo gumandru, ba Ndraono Gizeraeli fefu. Da'ö zama'ema balazo khö razo ba ba zoroiyomonia fefu, sara-sara waŵa zamösa ba zi döfi. 8 Ba da'e döira: Ono Huri ba hili mado Geferayi; ba ono Dekeri ba Makasi, 9 numalö ba Za'alabi ba ba Mbeti Zemesi ba ba Elono, irugi Mbeti Hanana; 10 ba ono Hezedi ba Garuboti, khönia göi Zokho ba tanö Heferi, ma'afefu; 11 ba ono Gabinadabi ba Nafata Dora, ma'asagörö; fo'omonia Dafata, ono Zelomo. 12 Ba Ba'ana, ono Gahiludi, ba Da'anakha ba ba Megido ba ba Mbeti Zeana ma'asagörö, ba ngai Zaretana, tou Yezere'eli, i'otarai Mbeti Zeana, numalö ba Habeli Mehola, irugi ba zi tambai Yokemea; 13 ba ono Geberi ba Ramoti, ba danö Gileadi, khönia mbanua Ya'iro andrö, ono Manase, ba danö Gileadi ba khönia göi danö Garagoba ba Mbazana, 60 mbanua sebua, banua nifo'öli ba nifolazi töla;[3] 14 ba Ahinadabi, ono Ido, ba Mahana'i; 15 ba Ahimasi ba mado Nafetali; fo'omonia, ba ono Zelomo göi, Basimata andrö. 16 Ba Ba'ana, ono Huza'i, ba mado Gaseri ba ba Mbealoti; 17 ba Yozafati, ono Warua, ba mado Isasari; 18 ba Sime'i, ono Ela, ba mado Mbeniyami; 19 ba Geberi, ono Guri, ba danö Gileadi, ba danö Zihona andrö, razo Ndraono Gamori, ba ba danö Ogi, razo Mbazana. 20 Ba ma'uwu Yuda ba Iraono Gizeraeli, ba no ato sibai, timba wa'oya ngawua nene ba mbewe nasi, ba si manga-manga ira ba somuso tödö.
Fa'ebua gana'ania
[edit | edit source]II. 21 Ba razo sa'ae Zelomo ba gamatöröŵa razo fefu, i'otarai mboto Oifarati, irugi danö Miserayi; la'ohe zumange ba barö bawa Zelomo ira, sagötö ya'ia.[4] 22 Ba balazo Zelomo ma'ökhö, ba 12 fiku hamo si sökhi ba 24 fiku hamo bö'ö, 23 ba 10 nga'eu saŵi nibula ba 20 nga'eu saŵi nikubaloi, ba 100 nga'eu biri-biri, lö lai mböhö ba nago ba laosi ba bebe ba manu, satabö. 24 Noa sa möi barö mbawania fefu, irugi mbewe Oifarati, i'otarai Difisa, numalö ba Gasa, fefu razo, irugi mboto Oifarati; ba lö'ö manö famadöni, fasui. 25 Tobali ahono manö ma'uwu Yuda ba Iraono Gizeraeli, barö ŵeŵe nagu khönia ba barö marafalania so zamösana, i'otarai Dano, numalö ba Mbereseba, götö wa'anau noso Zelomo.[5] 26 Ba 40.000 khö Zelomo kudo gureta ba 12.000 nifake ba wakudosa.[6] 27 Ba kumandru andrö ba samaigi balazo razo Selomo, fabaya balazo zi manga-manga khönia, sara-sara waŵa zamösa; lö labe'e ambö hadia ia. 28 Awö gandru ba töla gandru, soguna ba kudo gureta ba ba kudo ba wakudosa, ba la'ohe ba zi so razo, na inötö ba zamösana.
Fa'atua-tuania
[edit | edit source]III. 29 Ba ihöna khö Zelomo wa'atua-tua Lowalangi ba fa'aboto ba dödö, ba fotödö ihöna khönia, timba nene ba mbewe nasi, 30 tobali abölö wa'atua-tua Zelomo, moroi ba wa'atua-tua niha bö'ö fefu, tanö ba gatumbukha luo ba moroi ba wa'atua-tua Ndrawa Miserayi fefu. 31 Ba no atua-tua ia, moroi ba niha bö'ö fefu, he Etano andrö, ma'uwu Zera, ba he Hemano ba Khalikoli ba Darada, ono Maholi, ba teturia ia ba niha baero, fasui.[7] 32 Tölu ngahönö ilau amaedola, ba sinunönia, ba no lima töra hönö. 33 Iwawakha'ö he wisa ngawalö geu, i'otarai geresi ba hili Libano, numalö ba zufa, si tumbu ba göli kara. Ba ifatunö he wisa zaliŵa-liŵa ba danö ba fofo ba kuökuö ba i'a. 34 Ba dozi soi, ba möi, ba wamondrondrongo fa'atua-tua Zelomo, sinenge zalaŵa ba guli danö fefu, ba zi no teruria wa'atua-tuania andrö.
Famotokhi ba gahe
[edit | edit source]Fabaliŵa lala
[edit source]Olayama Razo I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö