Wb/nia/Yosua/6
I. Lasuwö Yerikho[edit | edit source]
1 Ba no laduhö mbawa göli Yerikho, no mukusi föna Ndraono Gizeraeli, lö si möi baero ba lö si möi miyomo.
2 Ba imane Yehowa khö Yosua: Hiza, no ube'e ba dangau Yerikho andrö, fabaya razora, niha sabölö andrö. 3 Ba mihene göli mbanua, dozi sabölö, mifasui zamuza; önö ngaluo ölau zi manö. 4 Ba dafitu gere solohe torofe sebua li, fitu, föna dawöla gamabu'ula li. Ba na luo si fitu, ba mewitu mifasui mbanua ba ndramulau dorofe ere andrö. 5 Ba na lalau dorofe, na mirongo linia, ba ndramu'abölögö we'ao sato fefu, ba adudu göli mbanua ba ndramusawö sato, yamudölö ia zamösana.
6 Ba humede ba gere andrö Yosua, ono Nuni, imane khöra: Mifabea dawöla gamabu'ula li! ba dafitu gere solohe torofe sebua li fitu, föna dawöla gamabu'ula li khö Yehowa.
7 Ba lamane ba zato: Milabu, mifasui mbanua ba la'iagö föna dawöla gamabu'ula li khö Yehowa si no mangaro.
8 Ba me no ibe'e li ba zato Yosua, ba mangefa gere andrö, si dafitu, solohe torofe andrö, sebua li, si fitu, föna Yehowa, ba lalau dorofe, ba lafago'ö khöra dawöla gamabu'ula li khö Yehowa. 9 Ba mowaö-waö föna gere andrö, samoli torofe, zi no mangaro andrö, ba sato, ba la'o'ö dawöla gamabu'ula li ba lö la'etu'ö wolau torofe. 10 Ba no ibe'e li Yosua ba zato, no imane: Böi mi'ao, böi mifarongogö limi, sambua li böi aefa ba mbewemi, irugi luo uŵa'ö khömi: Mi'ao! awena dania mu'ao ami.
11 Ba lafatörö dawöla gamabu'ula li, lafasui mbanua zamuza, ba larugi golombaseŵa ba mörö ira ba da'ö.
12 Ba ihulö wongi wemaoso Yosua ba lafabea dawöla gamabu'ula li khö Yehowa ere andrö. 13 Ba ere andrö si dafitu, solohe torofe andrö sebua li, si fitu, föna dawöla gamabu'ula li khö Yehowa, ba fadoro lalau dorofe, ba mowaö-waö fönara si no mangaro andrö ba sato fefu, ba la'o'ö dawöla gamabu'ula li khö Yehowa ba lö aetu wolau torofe.
14 Ba mahemolu ö, ba lafuli lafasui mbanua, zamuza, ba mangawuli ira ba golombaseŵa. Ba önö ngaluo lalau zi manö.
II. Atu'a ira ba Yerikho ba ladudugö[edit | edit source]
15 Ba me luo si fitu, ba lahulö wongi wemaoso, me afusi wali, ba lafasui mbanua, si manö zui, mewitu; ha me luo da'ö wa mewitu lafasui mbanua. 16 Ba ba zi mewitu, me no lalau dorofe ere andrö, ba imane Yosua ba zato: Milau mu'ao, noa sa ibe'e ba dangami mbanua andre Yehowa! 17 Ba salakha mbanua andre, ya'ia ba si so bakha fefu, khö Yehowa; ha Rakhaba andrö, sohorö andrö, ni'orifi, ya'ia ba sorudu yomo khönia fefu; me no ibini'ö zinenge andrö, nifatengeda. 18 Ba böi mibabaya zalakha andrö, ma dania lö mi'amoni'ö, ma mihalö zalakha andrö ösa, ba mibali'ö salakha golombaseŵa Ndraono Gizeraeli ba mifobörö wa'atekiko. 19 Ba fefu wirö ba ana'a ba fefu wakake töla ba fakake si'öli, ba ni'amoni'ö khö Yehowa; ba girö-girö andrö khö Yehowa labe'e.
20 Ba mu'ao zato ba lalau dorofe. Ba tobali me larongo li dorofe sato, ba la'ebua'ö lira we'ao, ba adudu göli, ba lasawö göli sato, idölö manö ia zamösana, ba atu'a ira ba mbanua.[1] 21 Ba lalakha'ö fefu zi so ba mbanua bakha, i'otarai ndra matua, numalö ba ndra alawe, ba i'otarai nono matua, numalö ba zi no tohare huwa ba ba zaŵi ba ba mbiri-biri ba ba galide, la'ö'ötö föda.[2]
22 Ba imane Yosua ba niha andrö, si darua, si möi no, ba wamauze tanö: Mi'ae ba nomo ndra alawe andrö, sohorö andrö, ba mi'ohe tou ndra alawe andrö, awö fefu dana khönia, si mane fahölusami khönia.
23 Ba möi nono matua andrö, samauze andrö, la'ohe tou Rakhaba andrö ba amania ba inania ba ira talifusönia, awö fefu zi so khönia, si samba omo ya'ira, la'ohe baero ba lafa'aso baero, föna golombaseŵa Ndraono Gizeraeli. 24 Ba banua andrö, ba latunu alitö, fabaya ösinia fefu; ha firö ba ana'a ba fakake töla ba fakake si'öli nibe'e ba naha girö-girö ba nomo Yehowa. 25 Ba Rakhaba andrö, sohorö andrö, ba soroiyomo namania fefu, awö fefu dana khönia, ba i'orifi Yosua. Ba ba Ndraono Gizeraeli so ia, irugi ma'ökhö andre, me no ibini'ö zinenge andrö, nifatenge Yosua, ba wamauze Yerikho andrö.
26 Ba i'ohe ira ba hölu Yosua, me luo da'ö imane: Ni'elifi khö Yehowa niha si maoso ba wanaru'ö banua andre, Yerikho andre! Ya mate nononia si a'a, na ibe'e tou doyo ba ononia si akhi, na ibe'e duhö-duhö mbawa göli![3]
27 Ba itolo Yosua Yehowa ba humöngö duriania ba danö ma'asagörö.
Famotokhi ba gahe[edit | edit source]
Fabaliŵa lala[edit source]
Olayama Yosua: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö