Wb/nia/Yosua/16

I. Tana ba ma'uwu Yosefo

1 Ba latema dana khöra Iraono Yosefo, i'otarai Yoridano ba gamaudu Yerikho, tanö ba gatumbukha, i'otarai nidanö andrö ba Yerikho, tanö si mate andrö miyaŵa, i'otarai Yerikho, numalö ba hili Mbetieli andrö. 2 Ba i'otarai Mbetieli [ola andrö] isaŵa Lusi ba misa ba danö Gareki, ba Gataroti. 3 Ba isaŵa mitou ba gaekhula luo, ba danö Ndraono Yefeleti, irugi danö Mbeti Horona tou ba irege Geseri ba aetu ba mbewe nasi. 4 Da'ö nitema Ndraono Yosefo andrö, Manase ba Eferayi, tana khöra ba ndraono mitou.

II. Tana ba mado Geferayi

5 Ba da'e nola Ndraono Geferayi, ba wabaliŵara: Ola danöra tanö ba gatumbukha, ba Ateroti Adara, ba numalö ba Mbeti Horona yaŵa, ba itohugö irugi mbewe nasi. 6 Ba ola tanö yöu, ba Mikhemeta ba isaŵa tanö ba gatumbukha ba Da'anata Silo ba itörö zinga da'ö, tanö ba gatumbukha, i'otarai Yanoha. 7 Ba i'otarai Yanoha, ba numalö mitou ba Gataroti ba ba Na'arata ba faola ba danö Yerikho andrö ba aetu ba mbewe Yoridano. 8 Ba i'otarai Dafua, ba ituturu gaekhula luo, numalö ba mbombo Kana ba aetu ba mbewe nasi. Da'ö dana ba Ndraono Geferayi, ba wabaliŵara, si lö tebulö ba Ndraono mitou. 9 Ba banua andrö, ni'oniagö banua Ndraono Geferayi ba danö Ndraono Manase, banua andrö fefu, awö zi fahalama khöra. 10 Ba lö latimba Ndrawa Gana'ana ba Geseri. Ba tobali orudu ba Ndraono Geferayi Ndrawa Gana'ana, irugi ma'ökhö andre, ba tobali sangai halöŵö khöra.

Fabaliŵa lala

Olayama Yosua: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö