Wb/nia/Yosua/21

From Wikimedia Incubator
< Wb‎ | nia‎ | Yosua
Wb > nia > Yosua > 21

I. Tana ba gere ba ba mado Lewi[edit | edit source]

1 Ba la'ondrasi Geleazari ere andrö ba Yosua, ono Nuni, ba satua mado Ndraono Gizeraeli satua mado Lewi, 2 lamane khöra ba da'ö ba Zilo ba danö Gana'ana: No iŵa'ö Yehowa, nifa'ema Moze tebe'e khöma mbanua, nahiama, awö mbenua ba ngai, ba nikubaloi uriföma.[1]

3 Ba labe'e ba mado Lewi Iraono Gizeraeli dana khöra ösa, mbanua andrö, awö mbenua ba ngai, ba nikubaloi uriföra, la'o'ö niŵa'ö Yehowa.[2]

4 Ba alua dahö-dahö ba nga'ötö Gahati andrö; ba tebe'e ba ndraono Ga'aroni ere andrö, mado Lewi, ba feledölu banua, nilau dahö-dahö; banua mado Yuda ba banua mado Zimeoni ba banua mado Mbeniyami. 5 Ba ba ma'uwu Gahati tanö bö'ö, ba fulu banua, nilau dahö-dahö, banua wabaliŵa mado Geferayi ba banua mado Dano ba banua zi matonga mado Manase. 6 Ba ba ma'uwu Gereso, ba feledölu banua, nilau dahö-dahö, banua wabaliŵa mado Isasari ba banua mado Gaseri ba banua mado Nafetali ba banua zi matonga mado Manase ba Mbazana. 7 Ba ba wabaliŵa ma'uwu Merari, ba felendrua banua, banua mado Rubeno ba banua mado Gado ba banua mado Zebuloni.

8 Ba latehe ba mado Lewi andrö Iraono Gizeraeli mbanua no mege, fabaya benua ba ngai, dali dahö-dahö, la'o'ö ni'oroi'ö Yehowa khö Moze.

II. Töi mbanua gere[edit | edit source]

9 Ba latehe mbanua mado Yuda andrö ba banua mado Zimeoni andrö, nitötöi töi. 10 Ba tetehe ba ndraono Ga'aroni, nga'ötö Gahati, ono Lewi, khöra sa dahö-dahö si föföna. 11 Latehe khöra mbanua Garaba andrö, ama Genoki, ya'ia Heberona, ba hili mado Yuda, awö mbenua si tefasui ya'ia. 12 Ba naha zinanö ba ngai mbanua, awö halama, si faböbö khönia, ba labe'e khö Galebi, ono Yefune, tana khönia, si lö tebulö.[3] 13 Ba ba ma'uwu Ga'aroni, ere andrö, ba latehe mbanua saŵatö zange'e andrö, Heberona andrö, fabaya benua ba ngai ba Libena, fabaya benua, 14 ba Yatiro, fabaya benua ba Esemoa, fabaya benua, 15 ba Holona, fabaya benua, ba Debira, fabaya benua, 16 ba Asana, fabaya benua, ba Yuta, fabaya benua, ba Beti Zemesi, fabaya benua — siŵa banua, banua mado no mege, si dombua. 17 Ba banua mado Mbeniyami: Gibeona, fabaya benua ba ngai, ba Geba, fabaya benua, 18 ba Anatoti, fabaya benua, ba Alamo, fabaya benua — öfa banua. 19 Tobali tetehe ba ma'uwu Ga'aroni, ere andrö, ba feledölu banua fefu, fabaya benua ba ngai.

III. Banua ndraono Gahati[edit | edit source]

20 Ba ba wabaliŵa ma'uwu Gahati, mado Lewi, ba zi tosai nga'ötö Gahati, ba si göna ba dahö-dahö khöra, ba banua mado Geferayi. 21 Latehe khöra mbanua saŵatö zange'e andrö, Sikhema, fabaya benua ba ngai, ba hili mado Geferayi ba Geseri, fabaya benua, 22 ba Kibisa'i, fabaya benua, ba Beti Horona, fabaya benua — öfa banua. 23 Ba banua mado Dano: Eliteke, fabaya benua, ba Gibetona, fabaya benua, 24 ba Ayalona, fabaya benua, ba Gata Rimono, fabaya benua — öfa banua. 25 Ba banua zi matonga mado Manase: Ta'anakhe, fabaya benua, ba Yibelea, fabaya benua — dombua banua. 26 Tobali tetehe ba wabaliŵa ma'uwu Gahati, si tosai andrö, ba fulu banua fefu, fabaya benua ba ngai.

IV. Banua ndraono Gereso[edit | edit source]

27 Ba ba ma'uwu Gereso andrö, fabaliŵa mado Lewi, ba dombua tetehe banua zi matonga mado Manase: banua saŵatö zange'e andrö, Golana ba Mbazana, fabaya benua, ba Be'eseri, fabaya benua. 28 Ba banua mado Isasari: Kisiona, fabaya benua, ba Daberata, fabaya benua, 29 ba Yaramuta, fabaya benua, ba Eni Gani, fabaya benua — öfa banua. 30 Ba banua mado Gaseri: Mizeali, fabaya benua, ba Abedono, fabaya benua. 31 Ba Helikata, fabaya benua ba Rehobo, fabaya banua — öfa banua. 32 Ba banua mado Nafetali: banua saŵatö zange'e andrö, Kedesi ba Galilaia, fabaya benua, ba Hamoti Dora, fabaya benua ba Karatana fabaya benua — tölu banua. 33 Tobali tetehe ba wabaliŵa ma'uwu Gereso andrö feledölu banua, fabaya benua ba ngai.

V. Banua ndraono Merari[edit | edit source]

34 Ba ba wabaliŵa ma'uwu Merari andrö, si tosai mado Lewi, ba tetehe, banua mado Zebuloni, Yokenea, fabaya benua, ba Karata, fabaya benua, 35 ba Dimena, fabaya benua, ba Nahalala, fabaya benua — öfa banua. 36 Ba banua mado Rubeno: banua saŵatö zange'e andrö, Beseri andrö, ba danö si mate, fabaya benua, ba Yasa, fabaya benua. 37 Ba Kedemoti, fabaya benua, ba Mefa'ata, fabaya benua — öfa banua. 38 Ba banua mado Gado: banua saŵatö zange'e andrö, Ramoti ba danö Gileadi, fabaya benua, ba Mahana'i, fabaya benua, 39 ba Hesibona, fabaya benua, ba Ya'ezeri, fabaya benua — öfa banua fefu. 40 Tobali tetehe ba wabaliŵa ma'uwu Merari andrö, si tosai fabaliŵa mado Lewi, felendrua banua fefu, tana khöra, nilau dahö-dahö. 41 Ba banua mado Lewi andrö, ba no öfa wulu a ŵalu, fabaya benua, si te'u'u ba dana Ndraono Gizeraeli [bö'ö]. 42 Ba banua no mege, ba sambu-sambua banua, fabaya benua, si tefasui ya'ia; dozi banua no mege, ba si manö.

VI. Fangasiwai wangai tanö Gana'ana[edit | edit source]

43 Ba ibe'e ba danga Ndraono Gizeraeli danö ma'asagörö Yehowa, si no fahölu ia khö ndra tuara, ba wame'e khöra; ba lahalö khöra ba mowanua ira ba da'ö. 44 Ba tefasui danöra, ba ahono ibe'e Yehowa, itörö nifabu'unia, khö ndra tuara, fahölusa. Lö si lö te'ala khöra emalira; ibe'e ba dangara nemalira fefu Yehowa. 45 Sambua lö aekhu ba danö taroma li si sökhi andrö, niŵa'ö Yehowa ba ma'uwu Gizeraeli; ahori itörö.[4]

Famotokhi ba gahe[edit | edit source]

  1. MozIV 35:2 b.t.
  2. Nga'ötI 6:54 b.t.
  3. Yos 14:14; 15:13
  4. Faigi 23:14

Fabaliŵa lala[edit source]

Olayama Yosua: 123456789101112131415161718192021222324

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö