Wb/nia/Yosua/17

From Wikimedia Incubator
< Wb‎ | nia‎ | Yosua
Wb > nia > Yosua > 17

I. Tana ba zi matonga mado Manase[edit | edit source]

1 Ba latema dana khöra mado Manase, me no si a'a ndraono Yosefo Manase andrö. Tana khö Makhiro, si a'a ndraono Manase, ama Gileadi, ba tanö Gileadi ba tanö Mbazana, me no sabölö ba wanuwö ia. 2 Ba dozi ma'uwu Manase, si tosai, ba latema dana khöra, balazi wabaliŵara: ma'uwu Gabiezeri ba ma'uwu Heleki ba ma'uwu Gazerieli ba ma'uwu Zekhema ba ma'uwu Heferi ba ma'uwu Zemida. Da'ö ndra matua, ma'uwu Manase, ono Yosefo, ba wabaliŵara. 3 Ba khö Zelofadi, ono Heferi ono Gileadi ono Makhiro ono Manase, ba lö ono matua, ha ono alawe; ba da'e döi nononia alawe: Mala ba Noa ba Hogela ba Milika ba Tirisa.[1] 4 Ba möi ira khö Geleazari ere andrö ba khö Yosua, ono Nuni, ba ba zalaŵa andrö, lamane: No iŵa'ö Yehowa, labe'e dana khöma göi, ba ngai ndra talifusöma. Ba ibe'e khöra, dali goroisa Yehowa andrö, dana khöra, ba ngai ndra talifusö namara. 5 Tobali dafulu mo'urakha ba mado Manase, lö lai danö Gileadi ba tanö Mbazana, yefo Yoridano, 6 me latema göi dana khöra ma'uwu Manase ono alawe, ba ngai mi'uwunia ono matua. Ba tanö Gileadi andrö, ba tana ba zi tosai ma'uwu Manase. 7 Ba ola danö mado Manase, ba i'otarai danö Mado Gaseri, numalö ba Mikhimeta, tanö ba gatumbukha i'otarai Zikhema. Ba isaŵa gambölö ba mbanua Neni Dafua. 8 Tanö Dafua andrö, ba ba mado Manase ba banua Dafua, ba nola Manase, ba ba mado Geferayi. 9 Ba itohugö mitou ola, ba mbombo Kana, bewe nidanö tanö raya; banua da'ö, ba gotalua mbanua mado Manase, ba tana ba mado Geferayi. Ba i'ötö nidanö ola mado Manase, ihene mbewenia tanö yöu ba aetu ba mbewe nasi. 10 Tanö raya, ba ba mado Geferayi, ba tanö yöu, ba ba mado Manase, ba ola mbewe nasi. Ba tanö yöu, ba faola ba mado Gaseri, ba tanö ba gatumbukha, ba ba mado Isasari. 11 Ba ba danö mado Isasari ba ba danö mado Gaseri, ba banua Manase na Mbeti Zeana ba si fahalama khöra, ba Yibelea ba si fahalama khöra ba banua Dora ba si fahalama khöra ba banua Neni Dora ba si fahalama khöra ba banua Da'anakhi ba si fahalama khöra, ba si tölu hili banua Megido ba si fahalama khöra andrö. 12 Ba tebai latimba mbanua da'ö no mege mado Manase, ba tobali falukha Ndrawa Gana'ana lö tebulö ira ba danö da'ö. 13 Ba me itugu abölö Ndraono Gizeraeli, ba labe'e sangai halöŵöra Ndrawa Gana'ana andrö: ba lö alua latimba.

II. Fekökö-kökö Ndraono Yosefo ba dana khöra andrö[edit | edit source]

14 Ba humede Ndraono Yosefo andrö khö Yosua, lamane: Hana wa ha sambua mado motanö, ha sambua mado mo'urakha öbe'e khöma, ba no ato ndra'aga, me no ifahowu'ö ndra'aga Yehowa, irugi ma'ökhö andre?

15 Ba imane khöra Yosua: Na no ato ami, ba mi'ae miyaŵa ba hili ba zatua eu, molahoi khömi ba da'ö, ba danö Ndraono Weresi ba ba danö Ndrawa Refa'i, na ambö tanö khömi ba hili mado Geferayi!

16 Ba lamane Iraono Yosefo: Ambö tanöma hili andrö, ba no mokureta si'öli Ndrawa Gana'ana andrö fefu, ba ndraso andrö ba banua Mbeti Zeana, awö zi fahalama khöra ba ba ndraso Yezere'eli andrö.

17 Ba imane Yosua ba ma'uwu Yosefo andrö, mado Geferayi, ba ba mado Manase: Ato ami ba sabölö, böi ha sambua mado motanö khömi; 18 labe'e khömi zambua hili: na no satua eu, ba mi'obö, ba khömi göi zi faola ba da'ö. Mitimba sa'ae Ndrawa Gana'ana andrö, me no mokureta si'öli ira ba me no sabölö.

Famotokhi ba gahe[edit | edit source]

  1. MozIV 27:1 b.t.

Fabaliŵa lala[edit source]

Olayama Yosua: 123456789101112131415161718192021222324

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö