Wb/nia/Yosua/5

From Wikimedia Incubator
< Wb‎ | nia‎ | Yosua
Wb > nia > Yosua > 5

I. Fa'ata'u Ndrawa Gana'ana me so Ndraono Gizeraeli[edit | edit source]

1 Ba tobali me larongo razo Ndraono Gamori fefu, yefo Yoridano, tanö ba nasi, ba razo Ndrawa Gana'ana, si hene asi wa no i'ogo'öisi Yehowa nidanö Yoridano föna Ndraono Gizeraeli, irege no la'ötö, ba atalö dödöra ba lö'ö sa'ae fa'abe'e dödö khöra, ba Ndraono Gizeraeli.[1]

II. Famoto Iraono Gizeraeli[edit | edit source]

2 Ba me luo da'ö, ba imane Yehowa khö Yosua: Fazökhi khöu wörögi kara, ba fuli boto Ndraono Gizeraeli, zamuza tö. 3 Ba ifazökhi khönia wörögi kara Yosua, ba iboto Ndraono Gizeraeli ba gahe hili-hili Garolati.

4 Ba da'e mbörö, wa iboto ira Yosua: Fefu niha, saheta mege ba danö Miserayi, ira matua, fefu zabölö, ba no mate ba danö si mate andrö, ba lala, me la'otarai danö Miserayi. 5 Noa sa muboto, ira, dozi ira, saheta andrö. Ba dozi si tumbu ba danö si mate, ba lala, me la'otarai danö Miserayi, ba lö muboto. 6 Öfa wulu fakhe sa'ae mowaö-waö Ndraono Gizeraeli ba danö si mate andrö, irege no ahori fefu niha sabölö, saheta mege ba danö Miserayi, me lö lafondrondrongo li Yehowa; da'ö mbörö wa fahölu khöra Yehowa, lö tola la'ila danö andrö, si möi ba hölu Yehowa khö ndra tuara, ba wame'e khöda, tanö si falawu susu ba ŵe ŵani[2] 7 Ba onora andrö, ba i'e'ebua, fangalira; da'ö niboto Yosua, me no si lö muboto; lö'ö sa muboto ba lala mege. 8 Ba me no ahori muboto ira ba la'iagö golombaseŵa, irege döhö wa'afökhö.

9 Ba imane Yehowa khö Yosua: Ma'ökhö andre no uheta khömi wa'aila andrö, si otarai danö Miserayi. Ba labe'e töi naha andrö Giligala (famagaölö), irugi ma'ökhö andre.

III. Fasa. Ö ba danö[edit | edit source]

10 Ba molombase Ndraono Gizeraeli ba Giligala ba lalau wasa andrö, ba zi mewele'öfa, ba ndraso ba Yerikho andrö. 11 Ba la'a mbua danö, me sara wongi aefa wasa, roti si lö mu'aisöni ba böra nifakoe, me luo da'ö.[3] 12 Ba tebato "mana" andrö, me sara wongi aefa da'ö, me la'a mbua danö, ba lö'ö sa'ae "mana" ba Ndraono Gizeraeli, ba la'a mbua danö Gana'ana, ba ndröfi andrö.

IV. Solohe sanuwö andrö, khö Yehowa[edit | edit source]

13 Ba me so ba zinga Yerikho Yosua, ba ifaöga hörönia, ifakhölö ia, ba hiza niha ba gamaudunia, sara wöda, si no idöni, ba dangania. Ba i'ondrasi ia Yosua, imane khönia: Hadia, awöma ndra'ugö, ma awö nemalima?[4]

14 Ba imane: Tenga, solohe sanuwö andrö, khö Yehowa, ndra'odo; awena si'ai sodo.

Ba ifalögu tou ia Yosua ba danö mangalulu ia khönia, imane khönia: Hadia niŵa'ö Dua khö genoninia?

15 Ba imane solohe sanuwö andrö, khö Yehowa, khö Yosua: Heta mbadagaheu ba gahemö, me no ni'amoni'ö naha andrö, ba zi so'ö. Ba i'o'ö da'ö Yosua.[5]

Famotokhi ba gahe[edit | edit source]

  1. MozII 15:15
  2. MozIV 14:22
  3. MozII 12:39
  4. MozII 23:23
  5. MozII 3:5

Fabaliŵa lala[edit source]

Olayama Yosua: 123456789101112131415161718192021222324

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö