Wb/nia/Yosua/18

I. Lafa'anö nose gamabu'ula li ba Zilo. Famaosa tanö si tosai

1 Ba owulo mbanua Ndraono Gizeraeli fefu, ba Zilo. Ba da'ö lafa'anö nose gamabu'ula li andrö, me no möi barö mbawara danö. 2 Ba fitu mado zi tosai Iraono Gizeraeli, ba zi lö mufaosa tanö na.

3 Ba imane Yosua ba Ndraono Gizeraeli: Ha wa'ara arörö manö ami, wa lö möi ami, ba wangai khömi tanö andrö, nibe'e Yehowa, Lowalangi ndra tuami, khömi? 4 Mi'ohe khögu niha, datölu zambua mado, ba da'ufatenge ira, ena'ö möi ira manöröi tanö, ena'ö labe'e ba zura he ndrege dana khöra, ba mangawuli ira khögu. 5 Ba ndramu'ofitu, wamaosa khöra. Ba mado Yuda dana khöra raya ba ba mado Yosefo dana khöra yöu, lö tebulö. 6 Ba ya'ami, na no mi'ofitu, ba mibe'e ba zura ba mi'ohe khögu ba da'e, ena'ö ulau dahö-dahö khömi ba da'e, föna Lowalangida Yehowa. 7 Ba mado Lewi sa, ba lö tana khöra tanö ba ngaimi; fa'a'ere andrö khö Yehowa dana khöra. Ba mado Gado andrö ba mado Rubeno ba si matonga mado Manase, ba no latema dana khöra yefo Yoridano, tanö ba gatumbukha, nihonogöi genoni Yehowa andrö, Moze, khöra.

8 Ba maoso ira, mofanö.

Ba ifobawa lala khöra Yosua, me mofanö ira, ba wame'e ba zura danö andrö, imane: Mi'ae'e, mitöröi danö, mibe'e ba zura ba mifuli ami khögu; ba ulau dania dahö-dahö khömi, föna Yehowa, ba da'e, ba Zilo.

9 Ba mofanö ira, latöröi danö, la'ofitu wame'e ba zura, lafaigi mbanua, ba lafuli ira khö Yosua ba golombaseŵa ba Zilo.

10 Ba ilau dahö-dahö khöra Yosua, föna Yehowa ba Zilo, ifaosa ba da'ö danö ba Ndraono Gizeraeli, dali wabaliŵara.

II. Tana ba mado Mbeniyami

11 Ba alua dahö-dahö ba mado Mbeniyami, ba wabaliŵara, ba tana khöra ba gotaluara mado Yuda mado Yosefo andrö.

12 Ba olara tanö yöu, ba i'otarai Yoridano, ba numalö miyaŵa ba mboto hili, yöu Yerikho, ba itohugö miyaŵa ba hili andrö, tanö ba gaekhula, ba numalö ba danö si mate andrö, ba Mbeti Awena. 13 Ba i'otarai da'ö, ba numalö ba Lusi, ihene danö raya mboto hili Lusi andrö, ya'ia Mbetieli andrö, ba numalö misi tou ba Gateroti Adara, ba hili andrö, raya Mbeti Horona tou. 14 Ba iköi'ö ia, ituturu misi tou, raya hili andrö, föna-föna Mbeti Horona, tanö raya, ba aetu tanö ba Giriati Mba'ali, ya'ia Giriati Yeari, banua Ndraono Yuda. Da'ö nola tanö ba gaekhula luo.

15 Ba ola tanö raya, ba i'otarai mbalö mbanua Giriati Yeari ba numalö misa, ituturu nasi, ba irugi gumbu nidanö Nefetoa andrö. 16 Ba numalö mitou ba mbalö hili andrö, ba ngai ndraso khö Mbeni Hinomo, tanö ba gatumbukha, yöu ndraso Refa'i. Ba isaŵa mitou ba ndraso khö Hinomo, raya mboto hili Ndrawa Yebusi andrö, ba itohugö mitou ba gumbu Rogeli. 17 Ba iköi'ö ia miyöu, isaŵa Neni Zemesi ba itohugö, irege Gelilota, ba gamaudu hili Gadumi. Ba numalö mitou ba gowe Mbohani andrö, ono Rubeno, 18 isaŵa mboto hili andrö ba gamaudu Garaba, tanö yöu, ba mitou ba Garaba. 19 Ba numalö misa, irugi yöu mboto hili Mbeti Hogela ba aetu ba mbalö zilua'asi nasio tanö yöu, ba luaha Yoridano. Da'ö nola tanö raya.

20 Ba tanö ba gatumbukha, ba Yoridano nola. Da'ö nola dana ba mado Mbeniyami, ba wabaliŵara. 21 Ba töi mbanua mado Mbeniyami, ba Yerikho ba Beti Hogela ba Emeki Kesisi, 22 ba Beti Garaba ba Semara'i ba Betieli, 23 ba Awimi ba Hafara ba Ofera, 24 ba Kefara Amoni ba Ofeni ba Geba — felendrua banua, awö zi fahalama khöra. 25 Ba Gibeona ba Rama ba Be'eroti 26 ba Misefe ba Kefira ba Mosa. 27 Ba Rekema ba Yirife'eli ba Tarala, 28 ba Sela ba Elefi ba banua ndraono Yebusi andrö, ya'ia Yeruzalema, ba Gibeati ba Kiriati — feleöfa banua, awö zi fahalama khöra. Da'ö dana ba mado Mbeniyami ba wabaliŵara.

Famotokhi ba gahe

Fabaliŵa lala

Olayama Yosua: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö