Wb/nia/Yosua/20

From Wikimedia Incubator
< Wb‎ | nia‎ | Yosua
Wb > nia > Yosua > 20

Fangohonogöi banua saŵatö, faoma fatambai Yoridano[edit | edit source]

1 Ba humede Yehowa khö Yosua, imane: 2 Ömane ba Ndraono Gizeraeli: Mihonogöi mbanua saŵatö andrö, ni'oroi'ögu khö Moze, niŵa'ö khömi:[1] 3 Ena'ö isaŵa da'ö na so zi no mamunu niha si tenga ni'odödögö, si lö mudöna-döna, ena'ö saŵatömi ba zolau balö. 4 Ba sanaŵa banua da'ö, ba yamu'iagö zinga mbawa göli mbanua ba yamu'ombakha'ö ba zatua mbanua andrö huhuonia ba ndramufa'amöi ia yomo khöra, ndramutehe khönia nahia, ba wangiagö da'ö khöra. 5 Ba na igohi ia solau balö, ba lö tola labe'e ba dangania zange'e andrö, me tenga ni'odödögö wamununia awönia, me tenga fatiusa mege mbörö. 6 Ba yamu'iagö mbanua andrö, irege no mu'ohe ia ba walukhata mbanua, ba wangetu'ö hukunia — irege mate gere sebua, ere sebua na luo da'ö. Awena dania tola mangawuli zange'e andrö ba mbanuara ba ba nomonia, ba mbanua ba zi otorai ia mege woloi.

7 Ba la'amoni'ö Gedesi ba Galilaia, ba hili mado Nafetali ba Sikhema ba hili mado Geferayi ba Kiriati Garaba, Heberona andrö, ba hili mado Yuda. 8 Ba yefo Yoridano, ba gamaudu Yerikho, tanö ba gatumbukha, lahonogöi Mbeseri ba danö si mate, ba zalo'o, banua mado Rubeno, ba Ramoti ba danö Gileadi, banua mado Gado, ba Golana, ba danö Mbazana, banua mado Manase.

9 Da'ö mbanua andrö, nihonogöi ba Ndraono Gizeraeli fefu ba ba niha bö'ö, si fatewu gana khöra, ena'ö ba da'ö lasaŵa dozi samunu niha, si lö mu'odödögö, ena'ö lö ibunu ira solau balö, lö mu'ohe ba walukhata mbanua.

Famotokhi ba gahe[edit | edit source]

  1. MozII 21:13; MozIV 35:10 b.t.

Fabaliŵa lala[edit source]

Olayama Yosua: 123456789101112131415161718192021222324

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö