Wb/nia/Yosua/14

From Wikimedia Incubator
< Wb‎ | nia‎ | Yosua
Wb > nia > Yosua > 14

I. Tefaosa danö Gana'ana, fadahö-dahö ira[edit | edit source]

1 Da'ö nitema Ndraono Gizeraeli tana khöra, ba danö Gana'ana, nifaosa Geleazari ere andrö ba Yosua, ono Nuni, ba satua zalaŵa mado Ndraono Gizeraeli khöra. 2 Me lafaosa khöra, me fadahö-dahö, si mane niŵa'ö Yehowa, nifa'ema Moze, ba wame'e ba madora andrö si siŵa a matonga.[1] 3 Ba ba zi dombua a matonga mado andrö, ba noa sa'ae ibe'e Moze dana khöra, yefo Yoridano. Ba ba mado Lewi, ba lö ibe'e dana khöra tanö, ba ngaira. 4 Me no dombua mado Ndraono Yosefo, Manase ba Eferayi. Andrö lö labe'e ba mado Lewi dana khö ba danö, ha banua, nahiara, ba benua, ba nikubaloi urifö, ba gama-gamara.[2] 5 Si mane niŵa'ö Moze, si manö lafatörö Iraono Gizeraeli, ba lafaosa danö.

II. Tana khö Galebi andrö[edit | edit source]

6 Ba la'ondrasi Yosua ba Giligala, Iraono Yuda ba imane khönia Kalebi andrö, ono Yefune, ma'uwu Genasi andrö: Ö'ila niŵa'ö Yehowa khö Moze, enoni Lowalangi andrö, ba Gadesi Mbarenea, ba khögu andre ba ba khöu.[3] 7 Öfa wulu fakhe ndra'o, me ifatenge ndra'odo Moze, enoni Yehowa andrö, moroi ba Gadesi Mbarenea, ba wamauze tanö, ba u'ombakha'ö khönia zi faduhu dödögu. 8 Ba talifusögu andrö, si möi awögu misi yaŵa, ba atalö dödö mbanuada labe'e, ba ya'odo, ba no u'o'ö sibai khö Lowalangigu, Yehowa. 9 Ba fahölu Moze, me luo da'ö, imane: Si ndruhu-ndruhu, khöu ba khö ma'uwumö danö andrö, nihundragö gaheu, tana khömi, si lö tebulö, irugi zi lö aetu, me no ö'o'ö sibai khö Lowalangiu, Yehowa! 10 Ba faigi iada'e, no i'orifi ndra'odo Yehowa, itörö niŵa'önia, si öfa wulu a lima fakhe andrö, i'otarai me iŵa'ö da'ö khö Moze Yehowa götö wangörö-ngörö Ndraono Gizeraeli ba danö si mate, ba tobali ŵalu ngafulu a lima fakhe ndra'odo iada'e. 11 Ba fa'abölögu na ma'ökhö, ba si mane me luo ifatenge ndra'o Moze; faoma wa'abe'e mbotogu, he me luo da'ö, ba he ma'ökhö andre, ba wasöndrata ena'ö ba ba wofanö-fanö heza möi. 12 Ba iada'e, ba tehe khögu hili andre, nitörö li Yehowa, me luo da'ö; noa sa örongo, me luo da'ö, wa so Ndraono Genaki ba da'ö, si so banua sebua ba saro. Te itolodo Yehowa, ba wanimba ya'ira, si mane niŵa'ö Yehowa.[4]

13 Ba ifahowu'ö ia Yosua ba itehe khö Galebi andrö, ono Yefune, Heberona andrö, tana khönia, si lö tebulö mitou.[5] 14 Ba tobali khö Galebi, ono Yefune, ma'uwu Genasi, Heborona andrö, tana khönia si lö tebulö, irugi ma'ökhö andre, börö me no i'o'ö sibai khö Yehowa, Lowalangi Ndraono Gizeraeli. 15 Ba töi Heberona andrö föna, ba Kiriati Garaba (banua Garaba); fondrege zabölö ba ndraono Genaki Garaba andrö. Ba lö'ö sa'ae fanuwö ba danö, no ahono.

Famotokhi ba gahe[edit | edit source]

  1. MozIV 26:55
  2. MozIV 35:2
  3. MozIV 14:24
  4. MozIV 13:23
  5. Sanguhuk 1:20

Fabaliŵa lala[edit source]

Olayama Yosua: 123456789101112131415161718192021222324

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö