Wb/nia/Mareko/8

Fame'e gö zi öfa ngahönö

I. 1 Me luo da'ö,^[1] ba ato sibai zui niha, ba ma'ifu lö öra, ba humede Yesu ba nifahaönia, imane khöra: 2 Ahakhö dödögu niha andrö; noa sa'ae tölu bongi lö si tebulö ira khögu, ba ma'ifu lö öra. 3 Ba na ufofanö ira ba khöra, lö manga, ba mate ira olofo ba lala; banua saröu na i ösa.

4 Ba latema linia nifahaönia, lamane: He moroi tahalö gö, ba wangabusoi'ö niha andrö, ba da'e, ba danö si mate?

5 Ba isofu khöra: Hauga khömi roti ? Ba lamane: Fitu.

6 Ba iŵa'ö ba niha, mudadao ira ba danö.

Ba ihalö roti andrö, si fitu, i'aohasi gölö Lowalangi, iboboto roti ba ibe'e khö ndra nifahaönia, ba wamaosa; ba lafaosa ba zato. 7 Ba so khöra gi'a ma'ifu, ba ifahowu'ö ba ifaosa göi.

8 Ba manga ira, ba abuso, ba la'ozaragö zi töra, akhökhöla, fitu kude. 9 Ba so öfa ngahönö ira; ba ifofanö ira.

Tandra ba mbanua si yaŵa

II. 10 Ba idölö ia baowo, awö nifahaönia ba irugi danö Dalamanuta.

11 Ba so moroi yomo warizaio,^[2] labörötaigö fahuhuo khönia, la'andrö khönia dandra, moroi yaŵa ba mbanua, ba wanandraigö ya'ia.^[3]

12 Ba ihasugö ia, tödönia, ba imane: Hana wa la'andrö dandra niha andrö? Si ndruhu niŵa'ögu khömi, lö'ö manö labe'e dandra ba niha andrö.^[4] 13 Ba iröi ira, ifuli ia baowo, isaŵa si yefo.

Tanömö roti Farizaio

III. 14 Ba no olifu ira wolohe roti; lö baowo khöra, ha sambua roti.

15 Ba ifangelama ira, imane: Mifaigi, böi mibabaya danömö roti andrö ba warizaio, awö danömö roti khö Herode andrö.

16 Ba fahuhuo ira, lamane: Me lö khöda roti.

17 Ba i'ila ba imane khöra: Hadia wa fahuhuo ami, wa lö roti khömi? Hadia, lö'ö na mi'ila hadia ia, ba lö'ö na saboto ba dödömi? Lö mamalö-malö wa'abe'e dödömi? ^[5] 18 Mohörö ami, ba lö mi'ila hadia ia, ba no so dögi dalingami, ba lö mirongo hadia ia, ba lö mi'era-era tödömi. 19 Me uboboto roti no si lima, ba zi lima ngahönö niha, ba ha uga kude ni'ozaragömi akhökhöla? Lamane khönia: Felendrua.^[6] 20 Ba ba zi fitu no, ba zi öfa ngahönö niha, ba ha uga kude ni'ozaragömi akhökhöla? Ba lamane: Fitu.^[7] 21 Ba imane khöra: Hadia, lö'ö na aboto ba dödömi?

Famadöhö zau'a

IV. 22 Ba larugi Mbetisa'ida. Ba la'ohe khönia zau'a, la'andrö khönia, ena'ö ibabaya.

23 Ba i'ohe danga zau'a andrö, ifasao baero mbanua, idiloi hörönia, itufa ia tanga, isofu khönia, na so ni'ilania.^[8]

24 Ba ifaöga hörönia, ba imane: U'ila niha; möwaö-waö ira, u'ila sa, hulö döla geu.

25 Ba ifuli itufa hörönia tanga ba itöngö ba te'azökhi ia, ba atöla wamaiginia fefu hadia ia.

26 Ba ifofanö ia ba khöra, imane: Böi ae miyomo ba mbanua andre.^[9]

Famaduhu'ö Wetero

V. 27 Ba mofanö Yesu,^[10] awö nifahaönia, lasaŵa mbanua misa, sahatö ba Kaizaria Wilifo.

Ba me so ira ba lala, ba isofu ba nifahaönia, imane khöra: Hadia laŵa'ö niha, ha niha ndra'odo?

28 Ba lamane khönia: Laŵa'ö Yohane, samayagö idanö, ndra'ugö, ba so zanguma'ö Eliya ba so zanguma'ö fasamösa zama'ele'ö andrö.^[11]

29 Ba isofu khöra: Ba ya'ami, ha miŵa'ö, ha niha ndra'o?

Itema linia Fetero, imane khönia: Keriso andrö ndra'ugö.^[12]

30 Ba itenaŵa ira, fa böi la'ombakha'ö ia ba niha bö'ö.

Fangombakha si föföna wamakaonia

VI. 31 Ba ibörötaigö ibokai khöra,^[13] wa lö tola lö oya dania itaha famakao Ono Niha, latibo'ö dania ia satua andrö ba sangila amakhoita; labunu ia ba na no irugi tölu ngaluo, ba ifuli auri.^[14] 32 Lö'ö sa aiŵö ia wangombakha.

Ba isöbi ia khönia Fetero, ibörögö itenaŵa.

33 Ba ibali'ö ia, ba me i'ila nifahaönia, ba itenaŵa Wetero andrö, imane: Ae furigu, Satana! Lö'ö sa ö'era-era hadia khö Lowalangi, ha hadia ba niha.

Famobawa lala khö zolo'ö khönia

VII. 34 Ba humede ia ba niha sato,^[15] awö ba nifahaönia, imane khöra: Na so zedöna molo'ö ya'o, ba yamu'ositengagö ia, yamulu'i röfania ba yamu'o'ö ndra'o.^[16] 35 Na so sa zedöna manganau'ö nosonia, da'ö zaetu noso, ba na so zaetu noso, na börö ndra'o ba turia somuso dödö andrö, ba da'ö zanganau'ö. 36 Hadia sa guna ba niha, na isöndra ena'ö harenia fefu hadia ia zi so ba guli danö, ba na te'ala ia nosonia? 37 Hadia sa ena'ö, nibe'e niha höli nosonia ? 38 Na so sa zaila ba khögu andre, ba ba daroma ligu, ba niha sohorö-horö andre, solalö, da'ö göi zaila dania Nono Niha, na so ia, na so khönia lakhömi Nama andrö, ba na awönia mala'ika ni'amoni'ö andrö.^[17]

Famotokhi ba gahe

↑ Ayati 1–10: Mat 15:32–39
↑ Ayati 11–21: Mat 16:1–12
↑ Luk 11:16,29
↑ Yoh 11:33
↑ Faigi 6:52
↑ Faigi 6:41
↑ Faigi 8:5
↑ Faigi 7:33; Yoh 9:6
↑ Mat 9:30
↑ Ayati 27–30 : Mat 16, 13–20. Luk 9. 18–21
↑ Faigi 6:15
↑ Yoh 6:69
↑ Ayati 31–38: Mat 16:21–27; Luk 9:22–26
↑ Faigi 10:32 btn
↑ Ayati 31–38: Mat 16:21–27; Luk 9:22–26
↑ Mat 10:38 btn
↑ Mat 10:33; Luk 9:26

Fabaliŵa lala

Olayama Zura Mareko: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

[1] Ayati 1–10: Mat 15:32–39

[2] Ayati 11–21: Mat 16:1–12

[3] Luk 11:16,29

[4] Yoh 11:33

[5] Faigi 6:52

[6] Faigi 6:41

[7] Faigi 8:5

[8] Faigi 7:33; Yoh 9:6

[9] Mat 9:30

[10] Ayati 27–30 : Mat 16, 13–20. Luk 9. 18–21

[11] Faigi 6:15

[12] Yoh 6:69

[13] Ayati 31–38: Mat 16:21–27; Luk 9:22–26

[14] Faigi 10:32 btn

[15] Ayati 31–38: Mat 16:21–27; Luk 9:22–26

[16] Mat 10:38 btn

[17] Mat 10:33; Luk 9:26

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]