Wb/nia/Mareko/7
Fanegu ndra farizaio[edit | edit source]
I. 1 Ba owulo khönia Farizaio ba sangila amakhoita ösa,[1] si otarai Yeruzalema. 2 Ba me la'ila nifahaönia ösa, si manga manö lö mombanö.[2] 3 Lö'ö sa manga warizaio, awö niha Yehuda fefu, na lö muforege wanasai tanga, wolo'ö oroisa zatua andrö, 4 ba na la'otarai kade, ba lö manga ira, na lö si mondri, ba oya ngawalö tanö bö'ö, nifaema khöra, ni'o'ö, fanaisai mako ba fanasai migö ba fanasai bowoa.[3]
5 Ba lasofu khönia farizaio andrö, awö zangila amakhoita andrö, lamane: Hana wa lö latörö lala goroisa zatua andrö ira nifahaömö, hana wa manga manö ira lö mombanö?
6 Ba imane khöra: Si duhu nifa'ele'ö Yesaya andrö ba khömi, samini tödö andrö, si mane ba zura: "Lafosumange ndra'o bewera niha andre, ba tödöra, ba no aröu khögu.[4] 7 Si lö guna wamosumangera ya'o, me nifakhoi dödö niha wamahaöra. 8 Oroisa Lowalangi mi'erogö, ba mi'o'ö goroisa niha.
9 Ba imane khöra: Si ndruhu wangositengagömi oroisa, ba wolo'ö nifakhoi dödömi. 10 Noa sa iwa'ö Moze: "Fosumange namau, awö ninau," ba: "Na so zangelifi amania, ba ma inania, ba simate."[5] 11 Ba ya'ami miŵa'ö: Na so niha sanguma'ö khö namania, ba ma khö ninania: "Korban", ame'ela, sumange, geluahania, zinemau khögu ena'ö, 12 ba lö'ö sa'ae ömönia khö namania, ba ma khö ninania, miŵa'ö. 13 Ba tobali lö guna daroma li Lowalangi sa'ae, mibe'e, ba nifakhoimi andrö, nikhoi dödömi; ba oya ngawalö na zi manö milau.
14 Ba ifuli humede ba niha sato, imane khöra: Mifondrondrongo khögu, dozi ami, ba ya'aboto ba dödömi! 15 Tebai ita'unöi niha hadia ia moroi baero, si möi ba dalunia; da'ö sa zana'unöi niha, si otarai moroi bakha dödö niha.[6] 16 Si so tögi dalinga, ba wamondrongo, ba yamufondrondrongo!
17 Ba me no möi ia yomo, me no iröi niha sato andrö, ba lasofu khönia nifahaönia ba gamaedola andrö no mege.
18 Ba imane khöra: Hadia, lö'ö na göi saboto ba dödömi? Lö mi'ila, wa tebai ita'unöi niha si otarai moroi baero, si möi ba dalunia, me tenga tödönia isaŵa, 19 me ba dalu möi, ba me aheta ba dögi-tögi, ba nihaögö fefu, hadia ia, ngawalö gö?
20 Ba imane: Si otarai niha, moroi bakha, da'ö wana'unöi niha. 21 Moroi bakha sa, moroi ba dödö niha, i'otarai era-era si lö sökhi, ba fohorö ba fanagö ba fange'e, 22 ba fohoröni donga zodonga ba fa'omasi gana'a ba fa'afaito ba falimosa ba femabu-mabu ba fa'afökhö dödö ba fanandraŵaisi niha bö'ö ba fayaŵasa ba fa lö tödö. 23 Fefu zi lö sökhi andrö, ba moroi bakha i'otarai ba ita'unöi niha.
Fangorifi nono ndrawa Kana'ana[edit | edit source]
II. 24 Ba maoso ia, iheta ia ba da'ö,[7] isaŵa danö Diro. Ba möi ia yomo ba nomo, ena'ö lö la'ila niha bö'ö, dödönia; ba tebai tobini ia.
25 I'anema'ö no irongo ia ira alawe, si so ono alawe sobekhu si ra'iö, ba möi yomo da'ö, ituhi danö fönania. 26 Ba Dawa Heleni ndra alawe andrö, ba Ziria Wönikia mbanuara. Ba i'andrö khönia, ena'ö ifofanö mbekhu andrö khö nononia.
27 Ba imane khönia: Akha abuso ndraono ua; lö'ö sa sökhi, na lahalö gö ndraono ba na labe'e ö nasu.
28 Ba itema linia, imane khönia: E, Tua; ba la'a göi asu barö meza gakhökhöla ba ndraono.
29 Ba imane khönia: Ba limö andrö, fuli'ö, no aheta mbekhu andrö khö nonou.
30 Ba mofanö ia khöra, ba no mörö-mörö ba gaso nono, i'ila, ba no aheta mbekhu andrö.
Famadöhö fökhö zafiso ba si lö hede[edit | edit source]
III. 31 Ba mofanö zui Yesu, iröi danö Diro, itörö Zidona, isaŵa, mbaŵa Galilaia, itörö danö zi fulu banua.[8] 32 Ba la'ohe khönia zafiso, si no abe'e lela, la'andrö khönia, ena'ö itufa tanga.
33 Ba i'ohe ba zi lö niha ba ibe'e duturunia ba dalinga, mangendrilo ia ba ibabaya lela.[9] 34 Ifaöga hörönia miyaŵa ba zorugo, ihasugö ia ba imane khönia: Efata! yateboka'ö geluhania.[10]
35 Ba teboka dögi dalingania, ba i'anema'ö aefa wesu lelania andrö, ba atulö wehedenia. 36 Ba iwa'ö khöra, böi la'ombakha'ö, gofu ha ökhö; ba ihötöi fanenaŵa ya'ira, ba lahötöi fangombakha. 37 Ba tobali sibai dödöra ba lamane: Oi nihaogö manö wolaunia, safiso ibali'ö samondrongo li niha, ba si lö hede, ba ibali'ö sihede.[11]
Famotokhi ba gahe[edit | edit source]
Fabaliŵa lala[edit source]
Olayama Zura Mareko: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö