Jump to content

Wb/nia/Mareko/16

Add links
From Wikimedia Incubator
< Wb‎ | nia‎ | Mareko
Wb > nia > Mareko > 16

Femaosonia

[edit | edit source]

I. 1 Ba me no aefa luo sabato, ba la'öli dalu-dalu ira Maria, banua Magadala ba Maria, ina Yakobo andrö, ba Salome andrö, ena'ö möi ira mombayoini ya'ia.[1]

2 Ba ahulö sibai, me luo migu, möi ira ba lewatö, me tumbu luo.[2] 3 Ba faoma lamane khö nawöra: Ha niha zamagaölö khöda gowe andrö, wangeheta ya'ia ba mbawa lewatö? 4 Ba me lafaigi, ba laila, no mufagaölö gowe andrö; ebua sibai sa.[3]

5 Ba möi ira ba lewatö,[4] ba la'ila nono matua, samösa, si dadao ba gambölö, sobaru sanau, safusi; ba tokea ira.[5]

6 Ba imane khöra: Böi tokea ami. Yesu, banua Nazareta andrö ni'aluimi, niforöfa andrö, no maoso ia, lö ya'ia ba da'e; hiza naha, ba nibe'era ya'ia. 7 Ba mi'ae'e, miŵa'ö ba nifahaönia ba khö Wetero andrö, mowaö-waö ia fönami, we'amöi ba Galilaia; ba da'ö mi'ila ia dania, itörö dania niŵa'önia khömi.[6]

8 Ba möi ira yaŵa, fulöi ira, wondröi lewatö; noa sa manizi-nizi ira ba no tobali dödöra; ba lö hede-hedera, me ata'u ira.

9 Ba me no maoso ia, si hulö wongi, me luo migu, ba oföna i'oroma'ö ia khö Maria andrö, banua Magadala, ba nifofanönia bekhu andrö, si dafitu.[7]

10 Möi da'ö, i'ombakha'ö ba zi no fao-fao khönia, si no abu tödö, sege-ege. 11 Ba ya'ira, me larongo, no auri ia ba no i'ila ia Maria, ba lö faduhu dödöra.[8]

12 Ba aefa da'ö, ba i'oroma'ö ia ba nawöra, darua, ba lala me möi ira ba mbanua bö'ö, bö'ö nga'eunia ha da'ö.[9] 13 Ba möi da'ö, la'ombakha'ö ba danö bö'ö andrö, ba ba khöra göi, ba lö faduhu dödöra.[10]

Fangona ndra nifahaö

[edit | edit source]

II. 14 Furi ö i'oroma'ö ia ba zi felezara, me manga ira, ba itegu wa lö mamati ira ba fa'abe'e dödöra, wa lö si faduhu dödöra ba zangila ya'ia, me no maoso ia.[11]

15 Ba imane khöra: Mi'ae mitöröi guli danö ma'afefu, mituriagö duria somuso dödo andrö, midozigö niha.[12] 16 Ha niha zamati, nibayagö idanö, da'ö zi falukha fa'auri, ba mbanua furi, ba nitibo'ö zi lö mamati.[13] 17 Ba da'ö dandra, si fao ba zamati andrö: Ba döigu lafofanö mbekhu; molau li si bohou ira,[14] latuyu gulö, 18 ba na labadu langu, famunu, ba lö te'ala ira; latufa tangara zofökhö, ba döhö wökhö.[15]

Fanahae ba zorugo

[edit | edit source]

III. 19 Ba me aefa fahuhuo khöra Zo'aya, ba tefazaŵa ia miyaŵa ba zorugo, ba mudadao ia ba gambölö Lowalangi.[16]

20 Ba ya'ira, ba mofanö mangombakha, fefu gofu heza, ba itolo So'aya, ifaduhu'ö daroma li tandra andrö, si fao khönia.[17]

Famotokhi ba gahe

[edit | edit source]
  1. ↑ Faigi 15:40; Luk 23:56
  2. ↑ Mat 28:1; Luk 24:1; Yoh 20:1
  3. ↑ Mat 28:2; Luk 24:2
  4. ↑ Ayati 5–8: Mat 28:5–8; Luk 24:3–9
  5. ↑ Luk 24:4
  6. ↑ Faigi 14:28
  7. ↑ Yoh 20:11–18; Luk 8:2
  8. ↑ Luk 24:10,11
  9. ↑ Luk 24:13–25
  10. ↑ Luk 24:37,41
  11. ↑ Luk 24:36 b.t.; Yoh 20:19,20,27 b.t.
  12. ↑ Mar 13:10; Mat 28:19 b.t.; Kol 1:23
  13. ↑ Yoh 3:18; 5:24; HalZin 2:38
  14. ↑ HalZin 16:18; 8:7; 2:4; 19:6
  15. ↑ Luk 10:19; HalZin 28:58; 9:17
  16. ↑ Luk 24:50 b.t.; Yoh 6:62; HalZin 1:9; Sin 110:1; Heb 1:3,13
  17. ↑ HalZin 3:16; 5:15; 14:3; Heb 2:4

Fabaliŵa lala

[edit source]

Olayama Zura Mareko: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Mareko/16&oldid=6229686"