Wb/nia/Yohane/3
Huhuo Yesu khö Nikodemo[edit | edit source]
I. 1 Ba so niha, farizaio, Nikodemo döinia, salaŵa ba niha Yehuda. [1]
2 Da'ö zi möi khö Yesu ba zi bongi, imane khönia: He samahaö? ma'ila, samahaö si otarai Lowalangi ndra'ugö, me samösa lö sangila mamazökhi tandra andrö, nifazökhiu, na lö itolo ia Lowalangi. [2]
3 Itema linia Yesu, imane khönia: Si ndruhu-ndruhu niŵa'ögu khöu, na lö tumbu moroi si yaŵa niha, ba tebai i'ila mbanua Lowalangi andrö. [3]
4 Imane khönia Nikodemo: He iwisa tumbu niha, na no atua ia? Hadia, i'ila ifuli ia ba dalu ninania, ba ifuli tumbu? [4]
5 Itema linia Yesu: Si ndruhu-ndruhu niŵa'ögu khöu, na lö tumbu moroi ba nidanö ba moroi ba Geheha niha, ba tebai möi la ba mbanua zorugo andrö. [5]
6 Ösi niha zi tumbu ba nösi niha, ba eheha zi tumbu khö Geheha. [6]
7 Böi ahöli-höli dödöu, me no uŵa'ö khöu, lö tola lö tumbu moroi si yaŵa ami.
8 Angi andrö, ba isaŵa zomasi ia, ba örongo höngö-höngönia, ba lö ö'ila, heza i'otarai, ba heza isaŵa. Si manö göi dozi si tumbu khö Geheha. [7]
9 Itema linia Nikodemo, imane khönia: He wisa lala da'ö? [8]
10 Itema linia Yesu, imane khönia: Samahaö Iraono Gizeraeli ndra'ugö, ba lö aboto ba dödöu da'ö? [9]
11 Si ndruhu-ndruhu niŵa'ögu khöu, saboto ba dödöma maŵa'ö, ba ni'ila höröma mafaduhu'ö, ba lö mirema wamaduhu'öma.
12 Na lö mamati ami, na uŵa'ö khömi zi so ba guli danö, ba he miwisa wamati, na uŵa'ö khömi zi so ba zorugo?
13 Ba lö si möi yaŵa ba zorugo, baero zi no möi tou, si otarai zorugo, Ono Niha andrö, si so ba zorugo. [10]
14 Ba hulö gulö andrö, nituwu Moze yaŵa, ba danö si mate, si manö göi te'alaŵa'ö yaŵa dania Nono Niha, lö tola lö'ö, [11] 15 ena'ö so wa'auri si lö aetu ba zamati khönia fefu. [12]
16 Si manö sa wa'omasi Lowalangi nösi guli danö, no ibe'e Nononia andrö, si ha sambua, ena'ö lö tekikö dozi samati khönia, ena'ö so khöra wa'auri si lö aetu. [13]
17 Tenga sa ba wanguhuku ösi guli danö ifatenge ba guli danö Nononia Lowalangi, afu-afunia te'orifi khönia nösi guli danö. [14]
18 Samati khönia ba lö lahuku, ba si no muhuku zi lö mamati, me lö mamati ia ba döi Nono Lowalangi andrö, si ha sambua. [15]
19 Da'ö wanguhuku; no möi ba guli danö haga andrö, ba no omasi niha da'ogömi-gömi, moroi ba haga, me si lö sökhi mbua-buara. [16]
20 Dozi lö omasi haga zamazökhi si lö sökhi, ba lö la'ondrasi haga, fa lö te'otu'ö ira ba nifazökhira andrö. [17]
21 Ba i'ondrasi haga samazökhi si duhu, ena'ö oroma mbua-buania, me nilau ba khö Lowalangi. [18]
Ifuli ifaduhu'ö Yesu Yohane[edit | edit source]
II. 22 Aefa da'ö, ba möi ba danö Yudaia Yesu, awö nifahaönia, ba da'ö so ia, ba soso ira khönia, ba mamayagö idanö ia. [19]
23 Ba Yohane göi, mamayagö idanö göi, ba Gaino, ba zi tambai Zalima, me ebua nidanö ba da'ö, ba möi ba da'ö niha lafabayagö'ö idanö ira.
24 Lö'ö na sa mube'e ba gurunga Yohane. [20]
25 Ba fagua-gua ira, nifahaö Yohane niha Yehuda, ba wangehao andrö.
26 Ba möi ira khö Yohane, ba lamane khönia: He samahaö! faigi da'ö, mamayagö idanö da'ö no, si no möi khöu, yefo Yoridano, nifaduhu'ömö, ba dozi niha zangondrasi ya'ia. [21]
27 Itema lira Yohane, imane: Tebai ihalö khönia hadia ia niha, na tenga nibe'e khönia moroi ba zorugo. [22]
28 Ya'ami zi so ba mbörö khögu, wa no uŵa'ö: Tenga Keriso andrö ndra'o, nifatenge ndra'o fönania. [23]
29 Ha ökhö so nono nihalö, da'ö zangowalu, ba omuso sibai dödö zi fahuwu khö zangowalu andrö, si so ba da'ö ba wamondrondrongo khönia, na irongo li zangowalu; ba na a'oi so wa'omuso dödö andrö khögu. [24]
30 Lö tola lö manöi ia, ba lö töla lö awuwu ndra'o.
31 No föna danö bö'ö fefu zi otarai si yaŵa. Moroi ba guli danö, zi otarai guli danö, ba moroi ba guli danö hedehe-denia. Ba si otarai zorugo, [25]
32 ba ni'ila hörönia, awö nirongonia, ifaduhu'ö, ba lö samati famaduhu'önia. [26]
33 Samati famaduhu'önia, ba i'a'aro'ö, wa no si ndruhu Lowalangi. [27]
34 Li Lowalangi wedehe nifatenge Lowalangi, me no tenga nisu'a Geheha, nibe'e Lowalangi. [28]
35 I'omasi'ö Nono Ama, ba no ahori ibe'e ba dangania fefu hadia ia. [29]
36 Khö zamati khö Nono andrö so wa'auri si lö aetu; lö i'ila dania wa'auri si lö mamati khö Nono andrö, lö tebulö wönu Lowalangi khönia. [30]
Famotokhi ba gahe[edit | edit source]
- ↑ Faigi 7:50. 19:39
- ↑ Faigi 9:24-33; HalZin 10:38; Luk 20:21
- ↑ Faigi 1:13; YohI 3:9
- ↑ KorII 5:17
- ↑ Hes 36:25 b. t; Tit 3:5
- ↑ MozI 5:3; 6:3; Sin 51:7
- ↑ Sangomb 11:5
- ↑ Luk 1:34-35
- ↑ MozV 30:6; Sin 51:12; Hes 11:19.
- ↑ Faigi 6:38; 62; Efes 4:9 b.t.
- ↑ MozIV 21:8-9; Faigi 12:32-33
- ↑ Mar 16:16; Rom 3:25
- ↑ YohI 4:9; Rom 8:32
- ↑ Faigi 12:47; Luk 9:56; Mat 18:11
- ↑ Faigi 5:24; TesII 2:12
- ↑ Faigi 1:4 b.t.
- ↑ Efes 5:13; Yob 24:13—16
- ↑ Mat 5:16
- ↑ Faigi 4:1-2
- ↑ Mat 14:3
- ↑ Faigi 1:25—34; Mat 3:11-13 b.t.
- ↑ KorI 4:7
- ↑ Faigi 1: 20-30
- ↑ Mat 9:15
- ↑ Faigi 3:23; KorI 15:47
- ↑ Faigi 3:11; 1:11
- ↑ YohI 5:10
- ↑ Sin 45:8; Kol 1: 19
- ↑ Faigi 5:22; 13:3; Mat 11:27
- ↑ YohI 5:12
Fabaliŵa lala[edit source]
Olayama Zura Yohane: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö