Jump to content

Wb/nia/Yohane/1

From Wikimedia Incubator
< Wb‎ | nia‎ | Yohane
Wb > nia > Yohane > 1

Fa'asalaŵa Keriso ba fa'atobalinia niha[edit | edit source]

I. 1 Ba mböröta so daroma li andrö, ba khö Lowalangi daroma li andrö, ba taroma li andrö, ba no Lowalangi.[1]

2 Khö Lowalangi so ia ba mböröta.[2] 3 Khönia mböröta hadia ia fefu. Sambalö lö'ö, si so, si tenga khönia mböröta.[3]

4 Khönia so wa'auri, ba haga ba niha wa'auri andrö.[4] 5 Ba humaga haga andrö, ba zogömi-gömi, ba lö ihalö ia sogömi-gömi.[5]

6 So niha, nifatenge Lowalangi, Yohane döinia.[6] 7 Da'ö zi möi mamaduhu'ö, ena'ö ifaduhu'ö haga andrö, ena'ö dozi mamati khönia.[7]

8 Tenga ya'ia haga andrö, ha ba wamaduhu'ö haga andrö.[8]

9 Möi sa'ae ba guli danö haga si ndruhu andrö, sohagaini niha fefu.[9] 10 No so Ia ba guli danö, ba khö-Nia mböröta hadia ia, fefu, ba lö aboto Ia ba dödö niha ba guli danö.[10] 11 No khö-Nia ba zi möi Ia, ba lö lafonaha ia khöra banua-Nia.[11]

12 Ba ha wa'ato zamonaha Ya'ia, khöra itehe, tobali ono Lowalangi ira, khö zamati ba döi-Nia andrö.[12]

13 Tenga moroi ba ndro tumbu ira, ba tenga moroi ba wa'edöna nösi niha ba tenga moroi ba wa'edöna ndra matua, moroi ba Lowalangi tumbu ia.[13]

14 Ba no tobali ösi niha daroma li andrö, ba no so ia khöda, ba no anehega lakhömi-Nia, hulö lakhömi Nono, si ha sambua khö Nama, si no a'oi so fa'ebua dödö, awö wa'aduhu.[14]

15 Ifaduhu'ö Ia Yohane, mu'ao ia, imane: Ya'ia da'ö, niŵa'ögu: Fönagu zi so furigu dania, me no oföna Ia moroi khögu.[15]

16 Me no manema ita fefu fa'ebua dödö si lö aetu-aetu moroi ba zi no a'oi so khö-Nia.[16]

17 Sama'ema oroisa Moze, ba khö Yesu Keriso mböröta wa'ebua dödö ba böröta wa'aduhu.[17]

18 Lö irai i'ila Lowalangi niha, da'ö zanutunö khöda, Ono andrö, si ha sambua, si so ba gaheta Nama.[18]

Ifaduhu'ö ia Yohane[edit | edit source]

II. 19 Ba da'ö wamaduhu'ö Yohane, me lafatenge khönia gere, awö nono Lewi, niha Yehuda, banua Yeruzalema, ba wanofu khönia: Ha niha ndra'ugö?[19]

20 Ba i'ombakha'ö: tenga Keriso andrö ndra'o.[20]

21 Ba lasofu khönia: Ba hadia? Eliya ndra'ugö? Imane: Tenga. Lamane: Ya'ugö zama'ele'ö andrö? Imane: Tenga.[21]

22 Ba lamane khönia: Ba ha niha ndra'ugö? Ena'ö maŵa'ö khö zamatenge ya'aga. Hadia niŵa'öu ba khöu andrö?

23 Imane: "Li zi'ao ba danö si mate ndra'o: Mifadaya lala Zo'aya, si mane niŵa'ö Yesaya andrö, sama'ele'ö".[22]

24 Ba sinenge warizaio zinenge andrö. 25 Ba lasofu khönia, lamane khönia: Ba hana wa mamayagö idanö ndra'ugö na tenga Keriso andrö ndra'ugö, ba tenga Eliya, ba na tenga sama'ele'ö andrö?

26 Itema lira Yohane, imane: Samayagö idanö ndra'o; no so khömi zi lö mi'ila,[23] 27 si so furigu; no ambö ndra'o khönia, utoto'ö mböbö mbadagahenia.[24]

28 Ba Mbetania da'ö, yefo Yoridano, ba da'ö mamayagö idanö Yohane.[25]

Famaduhu'ö Yohane[edit | edit source]

III. 29 Ba sara wongi aefa da'ö, ba i'ila Yesu, si möi khönia, ba imane: Hiza nono mbiri-biri andrö khö Lowalangi, sangeheta horö nösi guli danö.[26] 30 Da'ö niŵa'ögu: Furigu so dania niha, si no fönagu, me no oföna ia moroi khögu. 31 Ba lö aboto ba dödögu ia, ba ena'ö oroma ia ba Ndraono Gizeraeli, andrö möi ndra'o, mamayagö idanö.

32 Ba mamaduhu'ö Yohane, imane: No u'ila Geheha, si möi tou, moroi ba zorugo, hulö marafadi ia ba ahono ia khönia.[27] 33 Ba lö aboto ba dödögu ia, ba samatenge ya'o, ba wamayagö idanö, da'ö zanguma'ö khögu: ni'ilau si möi tou Eheha, ba ahono khönia, da'ö zamayagö Eheha ni'amoni'ö niha.[28] 34 Ba no u'ila ia ba no ufaduhu'ö, wa Ono Lowalangi da'ö.[29]

Ira nifahaö si föföna: Andrea ba Fetero[edit | edit source]

IV. 35 Ba sara wongi aefa da'ö, ba so zui Yohane, awö nifahaönia, darua. 36 Ba inehegö Yesu, sanörö, ba imane: Hiza nono Mbiri-biri andrö, khö Lowalangi.[30]

37 Larongo niŵa'önia nifahaönia, si darua andrö, ba la'o'ö Yesu.

38 Ba ibali'ö ia furi Yesu, ifaigi ira, solo'ö ba imane khöra: Hadia ni'aluimi?

39 Ba lamane khönia: Hezo nahiau omo, Rabi? samahaö geluahania.

40 Imane khöra: Mi'ae mifaigi.

Möi ira, lafaigi nahiania, ba la'iagö khönia si ma'ökhö andrö; so labözi öfa.[31]

41 Samösa Gandrea, talifusö Zimoni Fetero, samondrongo khö Yohane, solo'ö Yesu. 42 Ba oföna falukha da'ö khö dalifusönia Simoni andrö, ba imane khönia: No masöndra Mesia andrö; nibayoini (Keriso) geluahania.[32]

43 Ba i'ohe khö Yesu.

Ba inehegö ia Yesu, ba imane: Simoni ndra'ugö, ono Yohane, labe'e töimö Kefa; gowe (Fetero) geluahania.[33]

Filifo ba Natana'eli[edit | edit source]

V. 44 Ba mahemolu ö, ba mofanö Yesu, ena'ö isaŵa Galilaia, ba falukha ia Wilifo. Ba imane khönia Yesu: O'ö ndra'o.

45 Ba banua Mbetisa'ida Wilifo andrö, banua ndra Andrea Fetero. 46 Falukha khö Natana'eli Wilifo andrö, ba imane khönia: No masöndra nisura Moze ba zura goroisa, nisura zama'ele'ö, Yesu andrö, ono Yosefo, banua Nazareta.[34]

47 Imane khönia Natana'eli: So zi sökhi, si otarai Nazareta? Imane khönia Filifo: Ae faigi.[35]

48 I'ila Natana'eli andrö, si möi khönia, Yesu, ba imane khönia: Hiza zi ndruhu Ndraono Gizeraeli, si lö falimosa ba dödö.

49 Imane khönia Natana'eli: He moroi ö'ila ndra'o? Itema linia Yesu, imane khönia: Me lö nikaoni Wilifo ya'ugö na, me so'ö ba mbörö marafala andrö, ba no u'ila'ö.[36].

50 Imane khönia Natana'eli: He Rabi, ono Lowalangi ndra'ugö, razo Ndraono Gizeraeli![37]

51 Itema linia Yesu, imane khönia: Me no uŵa'ö khöu, no u'ila'ö, ba mbörö marafala andrö, andrö mamati ndra'ugö! So dania ni'ilau, sebua moroi andrö. 52 Ba imane na khönia: Si ndruhu-ndruhu niŵa'ögu khömi, mi'ila dania, teboka mbanua si yaŵa, ba mangörö-ngörö miyaŵa ba mitou mala'ika Lowalangi, khö Nono Niha.[38]

Famotokhi ba gahe[edit | edit source]

  1. Faigi 17:5; 8:58; YohI 1:1 b.t.; 5:20; Fam 19:19
  2. Amaed 8:22 b.t.
  3. KorI 8:6; Kol 1:16; Heb 1:2; 11:3; Sin 33:6
  4. Faigi 5:26; 14:6; 8:22; YohI 5:11–12
  5. KorII 4:6; Luk 1:78 b.t.; Faigi 3:19; 9:5
  6. Luk 3:2 b.t.
  7. Faigi 5:33 b.t.
  8. Faigi 3:28
  9. Faigi 12:46
  10. Ayati 3–5
  11. Faigi 19:15; Mat 13: 57; Sin 69:9
  12. Hos 1:10; YohI 3:1; Gal 3:26
  13. Faigi 3:3 b.t.; Zak 1:18; FetI 1:23; YohI 5:1–4
  14. Ayati 1; Faigi 11:40; YohI 4:2–9; Mat 17:2; TimI 3:16; FetII 1:16 b.t.
  15. Mat 3:11
  16. Kol 1:19; 2:9
  17. HalZin 7:38; Sin 89:3-15
  18. Faigi 6:46; MozII 33:20; Mat 11:27
  19. Faigi 5:33
  20. Faigi 3:28; HalZin 13:25
  21. Mat 11:14
  22. Yes 40:3
  23. Mat 3:11
  24. Ayati 15; Mal 3:1
  25. Faigi 10:40
  26. Yes 53:5–7 b.t.
  27. Mat 3:16 b.t.
  28. HalZin 1:5
  29. Faigi 3:34–36
  30. FetI 1:18
  31. Mat 4:18
  32. Dan 9:25; Sin 2:2
  33. Mat 16:18; Mar 3:16
  34. Faigi 21:2; Luk 24:27; 3:33; Yes 7:14; Yer 23:5 b.t
  35. Faigi 7:41–52
  36. Sin 139:1 b.t.
  37. Faigi 12:13; Mat 16:16
  38. Faigi 3:13; MozI 28:12

Fabaliŵa lala[edit source]

Olayama Zura Yohane: 123456789101112131415161718192021

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö