Wb/nia/Yohane/10
Tohu-tohu huhuo ba warizaio[edit | edit source]
I. 1 Si ndruhu-ndruhu niŵa'ögu khömi, si lö manörö bawandruhö andrö, we'amöi ba kandra mbiri-biri andrö, sanawö ba'a-ba'a, ba sanagö da'ö ba samara'u.[1] 2 Sanörö bawandruhö da'ö gubalo mbiri-biri. [2] 3 Khönia ibokai sanaro ba mbawadruhö andrö, ba lafondrondrongo linia biri-biri, ba humede ia ba mbiri-biri tana khönia itötöi döi, ba i'ohe baero.[3] 4 Ba na no ibe'e baero dana khönia fefu, ba mowaö-waö ia, ba la'o'ö ia mbiri-biri, noa sa la'ila linia. 5 Ba lö la'o'ö niha bö'ö, moloi sa ira khönia, me lö la'ila li niha bö'ö.
6 Amaedola andrö iŵa'ö khöra Yesu, ba lö aboto ba dödöra hadia ia, niŵa'önia khöra.
7 Ba imane Yesu: Si ndruhu-ndruhu niŵa'ögu khömi, ya'odo mbawandruhö ba mbiri-biri. 8 Dozi ira, ha wa'ato zi no möi, ba no sanagö ba no samara'u, ba lö lafondrondrongo khöra biri-biri.[4] 9 Ya'o mbawandruhö. Na so zanörö ya'o, we'amöi bakha, da'ö ni'orifi, ba möi ia bakha ba möi baero, ba isöndra gö.[5] 10 Lö möi zanagö, na tenga ba wanagö ba ba wamunu ba ba wamakiko. Ba da'ö möi ndra'o, ena'ö so khöra wa'auri ba ena'ö fahöna khöra wa'auri ba ena'ö fahöna khöra hadia ia andrö.[6]
Yesu kubalo si sökhi[edit | edit source]
II. 11 Ya'odo gubalo si sökhi andrö. Kubalo si sökhi ibelegö nosonia föna mbiri-biri.[7] 12 Moloi genoni, si tenga kubalo, si tenga sokhö mbiri-biri, na i'ila nasu gatua moroi sa, iröi mbiri-biri, ba ira'u asu gatua ba ifazawili.[8] 13 Me enoni ia, ba me lö ba dödönia mbiri-biri.
14 Ya'odo gubalo si sökhi andrö, ba no aboto ba dödögu dana khögu, ba no aboto ba dödö dana khögu ndra'odo.[9] 15 Si mane fa'aboto ba dödö Namagu ndra'o, ba si mane fa'aboto ba dödögu Namagu. Ba ubelegö nosogu föna mbiri-biri.[10]
16 Ba so khögu na mbiri-biri bö'ö, si tenga moroi ba kandra andre, ba lö tola lö uhalö ira, ba lafondrondrongo ligu dania ba tobali ha sambawa nikubaloi ba ha samösa gubalo.[11]
17 Andrö i'omasi'ö ndra'o Amagu, me ube'e nosogu, ba wanema ya'ia mangawuli.[12] 18 Lö sangai ya'ia khögu, ube'e sa'ae ia, nilau dödögu. Tola ube'e ia, ba tola ufuli uhalö. Oroisa andrö no utema khö Namagu.[13]
19 Ba fabö'ö zui dödö niha Yehuda, ba niŵa'önia andrö.[14] 20 Ba ato khöra zaguma'ö: Sobekhu, sowöhö, hana wa mifondrondrongo khönia?[15]
21 Ba lamane tanö bö'ö: Tenga fehede zobekhu wehede andrö. Hadia, i'ila ibokai hörö zau'a bekhu?[16]
22 Ba luo we'amoni'ö osali ba Yeruzalema, baŵa deu. 23 Ba manörö-nörö Yesu ba zinga gosali, baolayama Zelomo andrö.[17]
24 Ba lafasui ia niha Yehuda ba lamane khönia: Heza irugi lö ahono dödöma öbe'e? Na Keriso ndra'ugö, ba ŵa'ö khöma, böi aiŵö ndra'ugö.[18]
25 Itema lira Yesu, imane: No uŵa'ö khömi, ba lö faduhu dödömi; halöŵö andrö, nihalö-halögu ba döi Namagu, da'ö zamaduhu'ö ya'o.[19] 26 Ba lö faduhu dödömi, me tenga biri-birigu ami.[20]
27 Lafondrondrongo ligu biri-birigu, ba no aboto ba dödögu ira, ba la'o'ö ndra'o. 28 Ba ube'e khöra wa'auri si lö aetu, ba lö tekiko ira, götö-götö wa'ara ba lö sanöbi ya'ira ba dangagu.[21] 29 Ebua moroi ba danö bö'ö fefu Namagu, same'e ya'ira khögu, ba lö sangila manöbi ya'ira ba danga Namagu.[22] 30 Ha sambua ndra'aga Amagu.[23]
Latebu kara ia ena'ö[edit | edit source]
III. 31 Ba latuyu zui gara niha Yehuda, ba wanebu ya'ia.<Faigi 8:59</ref>
32 Humede khöra Yesu, imane: No oya halöŵö si sökhi, ni'oroma'ögu khömi, dali Namagu. Hezo mbörö ba halöŵö andrö, wa mitebu kara ndra'o?[24]
33 Latema linia niha Yehuda, lamane: Tenga ba halöŵö si sökhi andrö matebu kara ndra'ugö, ba wangaoha-ngaoha andrö, ba me öbali'ö Lowalangi ndra'ugö, ba no niha ndra'ugö.[25]
34 Itema lira Yesu, imane: Tenga no so ba zura goroisa khömi: "No uŵa'ö, Lowalangi ami?" [26] 35 Na ibe'e töi da'ö Lowalangi, ba nitandrösaigö li Lowalangi andrö — ba tebai tewu'ai zura [27] — 36 ba hadia, ba miŵa'ö ba ni'amoni'ö Nama andrö, ba nifatengenia ba guli danö: Mangaoha-ngaoha ndra'ugö, me no uŵa'ö: Ono Lowalangi ndra'o? [28] 37 Na lö uhalö halöŵö Namagu, ba böi mi'amati khögu. 38 Ba na uhalö ia, ba mi'amati ba halöŵögu, na lö mamati ami khögu, ena'ö mi'ila, ba ena'ö aboto ba dödömi, ba dödögu so Namagu ba ba dödö Namagu so ndra'o.[29]
39 Ba latandraigö zui, wondra'u ya'ia, ba iheta ia ba dangara.
40 Ba mofanö zui ia miyefo Yoridano, ba zi so Yohane, me awena mamayagö idanö ia. [30]
41 Ba ato zangondrasi ya'ia ba lamane: Lö'ö sa nifazökhi Yohane tandra: ba fefu niŵa'ö Yohane ba khö da'e, ba no si duhu.[31] 42 Ba ato zamati khönia ba da'ö.
Famotokhi ba gahe[edit | edit source]
- ↑ Yer 23:2 b.t.; Sin 23
- ↑ Ayati 7
- ↑ Yes 43:1
- ↑ Mat 7:15–23,13
- ↑ Faigi 14:6; MozIV 27:17,21
- ↑ Sin 23:1; FetI 2:25
- ↑ Yes 40:11; Hes 34:11 b.t.; YohI 3:16
- ↑ Sakh 11:16 b.t.
- ↑ TimII:2–19
- ↑ Mat 11:27; Mar 10:45
- ↑ Faigi 11:52; Mat 8:11; Yes 49:6; Sakh 14:9; Efes 2:14 b.t.
- ↑ Faigi 2:19; Yes 53:10
- ↑ Faigi 18:6; 14:31
- ↑ Faigi 7:43
- ↑ Faigi 7:20
- ↑ Faigi 9:30 b.t.; MozII 4:11
- ↑ HalZin 3:11; 5:12
- ↑ Faigi 8:25
- ↑ Faigi 5:36
- ↑ Faigi 8:45,47
- ↑ Faigi 8:51; 5:24; Rom 8:38 b.t.; FetI 1:5
- ↑ Faigi 14:28
- ↑ Faigi 10:37–38; 5:23; 17:10; 11:21
- ↑ Mar 7:37
- ↑ Faigi 5:18; Mat 26:65
- ↑ Sin 82:6
- ↑ Mat 5:18 b.t.
- ↑ Faigi 7:17–23
- ↑ Faigi 15:24; 14:9–11
- ↑ Faigi 1:28
- ↑ Faigi 1:26 b.t.; 3:27 b.t.
Fabaliŵa lala[edit source]
Olayama Zura Yohane: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö