Wb/nia/Sura Ni'amoni'ö/Sura Moze si föföna/Faza 9

From Wikimedia Incubator
FAZA 9

I. Ifahowu'ö niha andrö, sauri, Lowalangi. II. Fawu'u li Lowalangi ba niha. Tandra wawu'usa li andrö ndrumi. III. Femabu Noakhi. Fangelifiba famahowu, nilaunia khö nononia.

I. Ba ifahuwu'ö Noakhi ba ononia Lowalangi, imane khöra: Mi'o'ono ba mi'oya'ö ami, mifo'ösi guli danö! Ndramu'ata'ufi ami, yamuhokha mbu zaliŵa-liŵa ba danö fefu, awö wofo ba dalu mbanua fefu, awö zanana-nana ba danö fefu, ba awö gi'a ba nasi, fefu: barö mbawami tebe'e. Fefu zaliŵa-liŵa, si so noso, ba ömi: simane fame'egu bulu ndru'u andrö ube'e khömi, fefu. Ha nagole si so noso na bakha, si so donia na, ba lö tola mi'a. Ba ulau mbalö ndromi; ba zaliŵa-liŵa ba danö fefu ulau, ba ba niha fefu, ulau mbalö noso niha, me no si fatalifusö; me no ibe'e famaedonia niha Lowalangi, wamazökhi ya'ia. Na so zame'e aduwa ndro niha, ba niha zui zame'e aduwa ndronia, me no ibe'e famaedonia niha Lowalangi, wamazökhi yaia. Ba ya'ami, ba mi'o'ono, mi'oya'ö ami; mi'aliŵa-liŵa ba guli danö ba mi'oya'ö ami ba detenia.

II. Ba imane na Lowalangi khö Noakhi ba ba nononia, si so ba ngainia: Hiza, fawu'u li ndra'odo khömi, ba ba ma'uwumi, ba ba zi so noso fefu, awömi, he fofo ba he urifömi andrö ba utu ndru'u fefu, si fao-fao khömi, fefu gofu hadia zaliŵa-liŵa ba danö, si oroi nowo andrö. Fawu'usa li andrö khögu khömi: tenga sa'ae nihori hadia ia nifazökhi, ba nidanö andrö, si nönöi tanö, ba lö'ö sa'ae itörö fa'anönö danö, ba wamakiko uli danö. Ba imane Lowalangi: Da'ö dandra wawu'usa li andrö, fawu'usa li khögu khömi ba ba zi so noso fefu, awömi, ba nga'ötö fefu mitou. Dumi andrö khögu, ba ube'e ba lawuo, ena'ö tandra wawu'usa li ia ba gotaluama danö. Ba na so uhöna lawuo, yaŵa danö, ba na te'ila ndrumi andrö, ba itörö tödögu wawu'usa li andrö, fawu'usa li khögu khömi ba ba zonoso fefu ba nösi guli danö ma'afefu; fa böi sa'ae anönö danö idanö andrö, ba wamakiko ösi guli danö fefu. Ba na no so ba lawuo ndrumi andrö, ba ufaigi ia, ena'ö itörö tödögu wawu'usa li andrö, si lö tebulö, nilau Lowalangi ba zonoso fefu ba nösi guli danö ma'afefu. Ba imane Lowalangi khö Noakhi: Ya da'ö dandra wawu'usa li andrö, fawu'usa li andrö khögu ba nösi guli danö fefu.

Dumi andrö khögu, ba ube'e ba lawuo, ena'ö tandra wawu'usa li ia ba gotaluama danö

III. Ba ono Noakhi si oroi nowo andrö, ba Semi ba Khamo ba Yafeti; ba Khamo andrö, ba ama Gana'ana andrö. Da'ö nono Noakhi si datölu andrö, ba ya'ira wurugö niha ba guli danö fefu. Ba ibörötaigö Noakhi ifazökhi kabu nagu, sangahalö ia. Ba me ibadu nagu, ba mabu ia, ba mörö-mörö tou ia ba nosenia, lö balu-balu zaila ia. Ba me i'ila Khamo andrö, ama Gana'ana, lö balu-balu namania, ba möi ia muŵa'ö khö ga'ania si darua andrö, baero. Ba lahalö mbaru sebua ira Semi Yafeti, la'angalisigö, la'erogö we'amöi khö namara ba labulugö zaila ia; noa sa la'erogö, fa böi la'ila zaila namara. Ba me tokea Noakhi, me döhö wemabunia ba me irongo nilau nononia si akhi andrö khönia, ba imane: Ni'elifi Gana'ana, ya sawuyu zawuyu ia ba khö ga'ania andrö! Ba imane na: Nisuno Yehowa Lowalangl Zemi, ba ya sawuyura Gana'ana! Yamufonaha sebolo Yafeti Lowalangi ba yamonahia [Yafeti] ba nose Zemi; ba sawuyura dania Gana'ana! Ba 350 fakhe tö na Noakhi, me no aefa wa'anönö danö andrö, ba 950 fakhe wa'anau noso Noakhi fefu, ba mate ia.



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Efeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior