Jump to content

Wb/nia/Moze I/2

From Wikimedia Incubator
< Wb‎ | nia‎ | Moze I
Wb > nia > Moze I > 2

I. Fangoroi'ö luo wolombase andrö[edit | edit source]

1 Si manö wangasiwai banua si yaŵa ba tanö, awö nösi fefu. 2 Ba me luo si fitu i'o'ozui womböinia andrö Lowalangi, nifazökhinia andrö; ba molombase ia me luo si fitu, me no awai womböinia andrö fefu, nifazökhinia.[1] 3 Ba ifahowu'ö Lowalangi luo si fitu, ni'amoni'ö iŵa'ö, me no molombase ia ba da'ö, me no awai halöŵönia andrö fefu, niwöwöinia ba nifazökhinia.

II. Fomböi niha[edit | edit source]

4 Da'ö mböröta mbanua si yaŵa, fabaya tanö, me tefazökhi: Me luo ifazökhi Yehowa Lowalangi danö, awö mbanua si yaŵa, 5 ba lö eu-eu na ba mbenua ba lö sinanö na ba mbolo mbenua; lö'ö na nifoteu Yehowa Lowalangi tanö, ba lö niha na, sonowi mena'ö. 6 Ba sau zi möi miyaŵa moroi ba danö, inamoi guli danö ma'asagörö. 7 Ba iwöwöi niha Yehowa Lowalangi, tanö mböröta, nihalö ba mbenua ba iwuwusi ba dögi nikhunia hanu-hanu fangorifi ba tobali sonoso niha andrö.[2]

III. Nahia niha[edit | edit source]

8 Ba ifazökhi kabu Yehowa Lowalangi, ba Gedena, tanö ba gatumbukha luo, ba ifa'aso ba da'ö niha andrö, nifazökhinia. 9 Ba ifatumbu'ö moroi ba danö ngawalö geu sowua Lowalangi, eu somasi ita famaigi ba sami bua, ba eu fangorifi ba dalu kabu ba eu famotokhi ba dödö si sökhi ba si lö sökhi.[3] 10 Ba sara nidanö si otarai Gedena, ba wamo'idanö kabu andrö; ba si fabali dania ia, tobali öfa rozi; si sara, ba Fizona döi; 11 da'ö zamasui tanö Hewila andrö ma'afefu, ba nisöndra balaki. 12 Ba balaki ba danö andrö, ba no si sökhi. Ba tesöndra göi ba da'ö mbaluri ba feremata una. 13 Ba töi nidanö si sara, ba Gihona, samasui tanö Gusi da'ö. 14 Ba si sara zui, ba Hideke döi, ya'ia föna-föna danö Asiria; ba si sara, ba Oiferati. 15 Ba ihalö niha no mege Yehowa Lowalangi, ifa'aso ba kabu Edena andrö, ba wangehao ba ba wanaro.

IV. Oroisa[edit | edit source]

16 Ba ibe'e li ba niha Yehowa Lowalangi, imane: Ö'a sa'ae mbua geu ba kabu fefu, 17 ba bua geu famotokhi ba dödö si sökhi ba si lö sökhi, ba lö tola ö'a; ö'a si'aikö da'ö, ba mate ndra'ugö![4]

Tola ö'a fefu mbua geu ba kabu. Ha bua geu famotokhi ba dödö si sökhi ba si lö sökhi zi tebai ö'a. Na ö'a da'ö ba mate ndra'ugö!

V. Famazökhi ira alawe. Fanguma'ö farongasa andrö[edit | edit source]

18 Ba imane Yehowa Lowalangi: Lö sökhi ba niha, na ha ya'i-ya'ia; da'ufazökhi khönia nawö, si fabohö khönia. 19 Me noa sa'ae ifazökhi Yehowa Lowalangi moroi ba danö fefu zaliŵa-liŵa ba danö, awö wofo ba dalu mbanua, ba i'ohe ba niha, ena'ö ifaigi, hadia döi ibe'e, ba hadia si'ai nibe'e niha töi zonoso andrö, da'ö döira dania. 20 Ba ifotöi niha fefu gurifö niha, awö wofo ba dalu mbanua, awö gutu ndru'u fefu; ba ba niha, ba lö falukha nawö, si faböbö khönia. 21 Ba ifaförö niha Yehowa Lowalangi, femörö sabölö, ba me no mörö ia, ba ihalö zara döla nosunia ba ifo'ösi nagole nahania. 22 Ba ibali'ö ira alawe Yehowa Lowalangi döla nosu andrö, nihalönia ba niha, ba ifasao ba niha. 23 Ba imane niha: Töla föfö dölagu da'ö ba nagole föfö nagolegu; labe'e töinia ndra alawe, me no ba ndra matua tehalö ia.[5] 24 Andrö i'erogö ndra amania inania niha, ba molemba ia ba ngambatönia, ba tobali ha sambua boto ira.[6] 25 Ba si lö nukha ira, darua ira niha ngambatönia, ba lö'ö sa aila ira.

Famotokhi ba gahe[edit | edit source]

  1. MozII 20:21; MozV 5:14; Heb 4:4
  2. KorI 15:45; Yob 33:4; Fangomb 12:7
  3. Faigi 3:22; Fam 2:7; 22:2
  4. Rom 5:12
  5. KorI 11:8
  6. Mat 19:5; KorI 6:16; Efes 5:31

Fabaliŵa lala[edit source]

Olayama Moze I: 1234567891011121314151617181920212223242526272829303132333435363738394041424344454647484950

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö