Wb/nia/Moze I/22
I. Itandraigö Gaberahamo Lowalangi
[edit | edit source]1 Ba me no aefa da'ö, ba itandraigö Gaberahamo Lowalangi, imane khönia: He Aberahamo!
Imane: Ya'e ndra'o![1]
2 Ba imane: Halö nonou andrö si ha sambua, somasi ndra'ugö, Iza'aki andrö, ba ae ba danö Moriya, ba be'e sumange nitunu ia ba da'ö ba hili, niŵa'ögu khöu dania.
3 Ba mahemolu ö, ba ihulö wongi Aberahamo, ifosela galidenia, i'ohe zawuyunia, darua, ba ononia Iza'aki, isisila geu, fanunu zumange, ba maoso ia, isaŵa naha andrö, niŵa'ö Lowalangi khönia.[2]
4 Ba dua wongi, ba ifaöga hörönia Aberahamo, ifakhölö ia, ba faoro khönia naha andrö, aröu na.
5 Ba imane Aberahamo ba zawuyunia: Mi'iagö da'e, awö galide, möiga misa mangandrö, daruaga ono, ba na noa da'ö, ba mafuliga khömi.
6 Ba ihalö geu andrö, fanunu zumange, ibe'e noro nononia Iza'aki ba ituyu galitö ba si'öli fanaba, ba mofanö ira, darua ira.
7 Ba humede Giza'aki khö namania Aberahamo, imane: He Ama!
Imane: Ya'e ndra'o onogu!
Ba imane: Alitö ba eu, ba no so, ba heza so mbiri-biri, sumange nitunu?
8 Imane Aberabamo: Ifaigi sa dania Lowalangi mbiri-biri, sumange nitunu, onogu! Ba mowaö-waö ira, darua ira.
9 Ba me no larugi naha andrö, niŵa'ö Lowalangi khönia, ba ifa'anö naha wame'e sumange Aberahamo ba eu andrö, ba ifa'anö göi; ba i'amöbö'ö nononia Iza'aki ba ibe'e ba naha wame'e sumange andrö, ba dete geu.[3]
10 Ba i'oro'ö dangania Aberahamo, ituyu zi'öli, ba wanaba ononia.
11 Ba mu'ao khönia mala'ika Yehowa moroi ba mbanua si yaŵa, imane: He Aberahamo! He Aberahamo!
Ba imane: Ya'e ndra'odo!
12 Ba imane: Böi babaya nono andrö, böi fakao ia! Awena sa u'ila, wa no sangata'ufi Lowalangi ndra'ugö, me lö alimagö khöu nonou andrö, si ha sambua, ölulu khögu.[4]
13 Ba ifaöga hörönia Aberahamo ba i'ila zi matua mbiri-biri, si no tokhai ba ndru'u tandrunia. Ba möi Gaberahamo, ihalö mbiri-biri andrö ba ibe'e sumange nitunu, salahi nononia.
14 Ba ibe'e töi naha andrö Aberahamo "Zanehe Yehowa". Andrö wa laŵa'ö na ma'ökhö: "Ba hili andrö, ba ni'oroma'ö Yehowa ya'ia."
He Ama! Alitö ba eu, ba no so, ba heza so mbiri-biri, sumange nitunu?
II. Tohu-tohu gamabu'ula li Lowalangi khö Gaberahamo
[edit | edit source]15 Ba ifuli mu'ao mala'ika Yehowa khö Gaberahamo, i'oroi mbanua si yaŵa, imane:
16 Fahölu ndra'o ba khögu, iŵa'ö Yehowa: Me no ölau da'ö, ba me lö salimagö khöu nonou andrö si ha sambua, ölulu khögu,[5] 17 ba uhöna khöu howu-howu, ba ato sibai dania ma'uwumö ube'e, fa'oya ndröfi ba mbanua si yaŵa ba fa'oya ngawua nene ba mbewe nasi, ba sokhö bawa göli ba nemalira ma'uwumö dania. 18 Ba moroi ba ma'uwumö tefahowu'ö dania fefu soi ba guli danö, böli gölöu, me no ö'o'ö niŵa'ögu andrö.[6]
19 Ba ifuli ia ba zawuyunia Aberahamo, ba maoso ira ba fao ira ba Mbereseba, ba ba Mbereseba ahono Gaberahamo.
III. Nga'ötö Nakhori andrö
[edit | edit source]20 Ba me aefa da'ö, ba te'ombakha'ö khö Gaberahamo: Noa göi mo'ono Milika andrö khö nakhiu Nakhori, Usi, si a'a, 21 ba akhi da'ö, Busi ba Kemueli, furugö Ndrawa Garamo andrö, 22 ba Khesudi ba Haso ba Filida ba Yidilafa ba Betueli; 23 ba ono Mbetueli Rebeka andrö. Si daŵalu andrö nono Milika khö Nakhori, akhi Gaberahamo. 24 Ba so na zambua tö ndrongania ba döi, Roima döi; ba mo'ono göi da'ö khönia: Teba ba Gahamo ba Tahasi ba Ma'akha.
Famotokhi ba gahe
[edit | edit source]Fabaliŵa lala
[edit source]Olayama Moze I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö