Jump to content

Wb/nia/Moze I/45

From Wikimedia Incubator
< Wb‎ | nia‎ | Moze I
Wb > nia > Moze I > 45

I. I'ombakha'ö ia khö ndra talifusönia Yosefo

[edit | edit source]

1 Ba tebai sa'ae itaha dödönia Yosefo, wamaigi si so ba ngainia, ba imane: Ndramöi baero fefu! Ba tobali lö niha bö'ö, me i'ombakha'ö ia ba dalifusönia Yosefo.[1] 2 Ba mege-ege sibai ia, irege larongo Dawa Miserayi andrö, awö ngoni-ngoni Wara'o andrö.

3 Ba imane Yosefo ba dalifusönia: Yosefo ndra'o! Hadia, lö si mate namada? Ba tebai latema linia ira talifusönia, ba wa'atobali dödöra khönia. 4 Ba imane Yosefo khö ndra talifusönia: Ba mihatö'ö ami khögu! Ba me lahatö'ö ira, ba imane: Talifusömi Yosefo ndra'odo, ni'amawami ba danö Miserayi![2] 5 Ba böi abu dödömi ba da'ö, ba böi maoso dödömi, me no mi'amawa ndra'o ba da'e; ba wangorifi sa ifowaö-waö ndra'o fönami Lowalangi.[3] 6 No mendrua fakhe sa'ae wamakao andrö ba danö, lofo andrö, ba melima fakhe tö na fönada, si lö fananö ba si lö famasi. 7 Ba no ifowaö-waö ndra'o fönami Lowalangi ba wamaigi lala, fa böi aetu nga'ötömi, ena'ö auri ösa ami, ba wangorifi sebua. 8 Tobali tenga ya'ami zamatenge ya'odo ba da'e, no Lowalangi zamatenge. No ya'ia zamali'ö anofula Wara'o ndra'odo ba mandru ba nomonia ma'asambua ba samatörö tanö Miserayi ma'asagörö.[4]

9 Ba mi'aliogö mi'ae khö namada ba mimane khönia: Da'ö niŵa'ö nonou Yosefo khöu: No ibali'ö samatörö tanö Miserayi ma'asagörö ndra'odo Lowalangi; ae khögu, böi radö'ö![5] 10 Ba danö Gozena nahau dania, ba sahatö khögu ndra'ugö, awö nonou ba ma'uwumö ba biri-biri khöu ba saŵiu ba hadia ia na fefu zi so khöu. 11 Ba ya'o zi'onoro tödö balazou ba da'ö; melima fakhe tö na lofo andre: ma dania numana ndra'ugö, awö zoroiyomou fefu ba awö zi so khöu fefu. 12 Hörömi sa'ae zangila ba hörö nakhigu Beniyami zangila, wa ya'odo zihede khömi. 13 Ba ahori mi'ombakha'ö khö namada wa'asalaŵagu andre ba danö Miserayi, awö ni'ilami andrö fefu, ba mita'i-ta'i mi'ohe ba da'e namada.

14 Ba italagui mbagi nakhinia Beniyami ba mege-ege; ba Beniyami göi, ba mege-ege ba mbaginia. 15 Ba fa'ago bawa ia ba dalifusönia fefu ba mege-ege wanalagui ya'ira; ba fahuhuo khönia dalifusönia.

Ba no ifowaö-waö ndra'o fönami Lowalangi ba wamaigi lala, fa böi aetu nga'ötömi, ena'ö auri ösa ami, ba wangorifi sebua

II. I'oro'ö khöra zoguna khöra Fara'o

[edit | edit source]

16 Ba terongo khö Wara'o ba nomonia duria da'ö: no so dalifusö Yosefo! Ba omuso dödö Wara'o, awö zi soso khönia. 17 Ba imane Fara'o khö Yosefo: ömane ba dalifusöu andrö: Mifonoro sa'ae galidemi, ba mi'ae ba danö Gana'ana, 18 mihalö namami ba soroiyomomi fefu, ba mi'ae ba da'e khögu, ba ube'e khömi hadia zi sökhi nisöndra ba danö Miserayi, ba mi'a zatabö, si falukha ba danö. 19 Ba ya'ugö, ba öŵa'ö khöra: mimanö! Mi'ohe gureta, moroi ba danö Miserayi andre, lala ndraono sawuyu khömi ba lala wo'omomi ba mifa'amöi yaŵa namami ba mi'ae ba da'e. 20 Ba böi afökhö khömi gama-gamami yomo, hadia sa zi sökhi ba danö Miserayi, ba khömi dania.

III. Mangawuli ndraono Yakobo

[edit | edit source]

21 Ba la'o'ö da'ö iraono Gizeraeli, ba ibe'e khöra gureta Yosefo, dali niŵa'ö Wara'o, ba ibe'e göi khöra nifatö'ö ba lala. 22 Ba idozigö ira baru luo, buala, ba khö Mbeniyami, ba 300 rufia ba lima nga'örö baru luo ibe'e buala. 23 Ba khö amania, ba fulu nga'eu kalide göi ifa'ohe'ö, sonoro fondrege zi sökhi mbua danö, ba fulu nga'eu kalide si alawe, sonoro fakhe ba roti ba nifatö'ö khö namania dania ba lala. 24 Awena dania ifofanö dalifusönia ba mangefa ira, me no ibe'e na li khöra, imane: Böi fasoso ami ba lala!

25 Ba mofanö ira, laröi danö Miserayi ba larugi danö Gana'ana, namara Yakobo. 26 Ba la'ombakha'ö khönia, lamane: Lö si mate Yosefo; samatörö tanö Miserayi ma'asagörö ia a'ine.

Ba lö'ö manö möi ba dödönia, me tebai faduhu dödönia khöra.[6]

27 Ba me ahori la'ombakha'ö khönia niŵa'ö Yosefo khöra, ba me i'ila gureta andrö, nifa'ohe'ö Yosefo, ba wolohe ya'ia, ba ifuli auri dödö namara Yakobo.

28 Ba imane Izeraeli: Noa sa'ae — tenga si no mate nonogu Yosefo! Möido falukha khönia, gasa-gasa wa'amategu!

Famotokhi ba gahe

[edit | edit source]
  1. HalZin 7:13
  2. Faigi 37:28
  3. Faigi 50:20
  4. Faigi 41:40
  5. HalZin 7:14
  6. Luk 24:41

Fabaliŵa lala

[edit source]

Olayama Moze I: 1234567891011121314151617181920212223242526272829303132333435363738394041424344454647484950

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö