Wb/nia/Moze I/38
I. Fangowalu Yuda
[edit | edit source]1 Me luo da'ö, ba tobali ifabali ia ba dalifusönia Yuda, ba i'olembai mbanua Gadula samösa, Hira döi. 2 Ba da'ö dania i'ila Yuda nono Ndrawa Gana'ana alawe, Sua döi nama; da'ö ihalö ba orudu ia khönia.[1]
3 Ba manabina ba mo'ono, ono matua, ba ibe'e töinia Geri. 4 Ba ifuli manabina, ba mo'ono, ono matua, ba Onani ibe'e töi da'ö. 5 Ba furi ö, ba samuza tö mo'ono ia, ono matua, ba Sela döi da'ö khönia. Ba ba Gezibi so Yuda, me tumbu khönia da'ö.
6 Ba ifatunö Geri, ononia si a'a, Yuda, Tamara döi nihalönia. 7 Ba si lö omasi Yehowa nilau-lau Geri andrö, si a'a nono khö Yuda, andrö ibe'e mate ia Yehowa.
8 Ba iŵa'ö khö Gonani Yuda: Ae khö ndronga ga'au ba törö khönia gömöu, ömö zi fatalifusö, ena'ö öfonga'ötö ga'au.[2]
9 Ba me no i'ila Onani, tenga khönia dania ndraono andrö, ba itema ifiligö, ero na orudu ia khö ndronga ga'ania andrö, fa böi ifonga'ötö ga'ania.
10 Ba lö omasi Yehowa wolau si manö, andrö ibe'e mate ia göi.
11 Ba ibe'e li Yuda khö numönönia Tamara andrö, imane: Iagö lakha baomo khö namau, irege ebua nonogu Sela! Ata'u ia, ma mate da'ö göi, si mane ira ga'ania. Ba itema i'iagö baomo khö namania Tamara andrö.
II. Ihoröni Damara andrö Yuda
[edit | edit source]12 Ba me no ara ma'ifu, ba itema mate nono Zua andrö, fo'omo Yuda. Ba me no ahöwö mbongi wange'esi khö Yuda, ba möi ia khö zi fahuwu khönia andrö, banua Gadula andrö, Hira, misi yaŵa ba Dimena, ba wamaigi soguti bu mbiri-birinia.
13 Ba me te'ombakha'ö khö Damara: Hiza, möi misi yaŵa ba Dimena namau, ba woguti bu mbiri-biri!
14 Ba iheta mbarunia, baru lakha mbanua, ba ibalugö mbawania, i'olohuni ia, ba mudadao ba zinga lala ba Gena'i, lala ba Dimena. Noa sa i'ila, wa no ebua Zela andrö, ba lö'ö zui mube'e dongania ia.
15 Ba me i'ila ia Yuda, ba iwai ira alawe sabao; me no ibalugö mbawania. 16 Ba ihole'ö ia khönia ba zinga lala, ba imane: Da'orududo khöu! Lö'ö sa i'ila, wa umönönia.
Ba imane: Hadia nibe'eu khögu, fa tola orudu'ö khögu?
17 Imane: ufa'ohe'ö dania khöu nono nambi si matua, na urugi ngawawa!
Ba imane: Na öbe'e khögu gade, irege öfa'ohe'ö ia.
18 Ba imane: Hadia gade, nibe'egu khöu?
Imane: Laedurumö andrö ba sinali andrö khöu ba si'o andrö, ba dangau.
Ba ibe'e khönia ba orudu ia khönia, ba manabina ia khönia.[3]
19 Ba mofanö ia, möi muheta mbalu-balu mbawania ba ifuli i'obaru mbarunia, baru lakha mbanua.
20 Ba ifa'ohe'ö, nono nambi andrö Yuda khö zi fahuwu khönia andrö, banua Gadula andrö, ba wanabusi gade no mege ba ndra alawe andrö; ba lö isöndra ia. 21 Ba isofu ba mbanua da'ö, imane: Heza so galawe sabao andrö, sidao-dao no ba zinga lala ba Gena'i andre? Ba lamane: Lö si möi ba da'e ira alawe sabao.
22 Ba ifuli ia khö Yuda, i'ombakha'ö khönia: Lö si falukhado ia, ba lamane banua da'ö: Lö si möi ba da'e ira alawe sabao.
23 Imane Yuda: Ba alakha so khönia, asala lö la'igi-igi'ö ita. No atulö ufa'ohe'ö nono nambi andrö, ba lö nisöndrau ya'ia!
24 Ba mato tölu waŵa, ba te'ombakha'ö khö Yuda: No mohorö numönöu Tamara, ba hiza, no abeto ia ba da'ö.
Ba iŵa'ö Yuda: Mi'ohe baero ia, ena'ö latunu auri.
25 Ba me no la'ohe baero ia, ba ifatenge khö namania, imane khönia: Niha sokhö da'ö zi abetosi ya'odo; ba imane na khönia: Faigi we, ha ökhö laeduru andrö ba sinali andrö ba si'o!
26 Ba me no ifaigi sibai Yuda, ba imane: Tenga sala niŵa'önia khögu; Hana sa göi, wa lö ube'e ia donga nonogu Sela! Ba lö'ö sa'ae orudu ia khönia.
III. Ono Damara, si faero
[edit | edit source]27 Ba me no irugi baŵa wadono khönia, ba hiza zi faero ba dalunia. 28 Ba ba wadononia andrö, ba i'oro'ö baero dangania si sara ono si sambua andrö. Ba ihalö mbana soyo sangamöi talu, ifali'ö ba danga andrö, imane: Da'e zi oföna möi baero!
29 Ba ifuli iböda dangania, ba awena böla dalifusönia. Ba imane [sangamöi talu]: Ha lö abölö öfolala ndra'ugö! Andrö wa labe'e töinia Weresi.[4]
30 Ba awena böla nakhinia, si so bana soyo andrö ba danga; ba labe'e töinia Zera.
Famotokhi ba gahe
[edit | edit source]Fabaliŵa lala
[edit source]Olayama Moze I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö