Wb/nia/Sura Ni'amoni'ö/Sura Moze si föföna/Faza 8

From Wikimedia Incubator
FAZA 8.

I. Alö nidanö. II. Itandra-tandraigö Noakhi he wisa wa'alö. III. Laheta ira baowo. IV. Sumange fangandrö saoha gölö. Amabu'ula li Lowalangi.

I. Ba itorö tödö Lowalangi Noakhi ba utu ndru'u andrö fefu ba urifö niha fefu, si no fao khönia baowo. Ba ifatörö nangi ba guli danö Lowalangi, ba alö nidanö. Ba teduhö gumbu andrö ba namö, ba sandrela andrö ba mbanua si yaŵa, ba tetaha deu si oroi mbanua si yaŵa. Ba itugu alö nidanö ba guli danö, ogo'ö, me no irugi 150 wongi. Ba ba zi mewelewitu ba mbaŵa si fitu, ba tosake nowo ba hili Gararata. Ba itugu alö-alö nidanö, irugi mbaŵa si fulu. Ba me tesa'a ba mbaŵa si fulu, ba oroma zuzu hili misa.

II. Ba 40 wongi aefa da'ö, ba ibokai zandrela nowo Noakhi, sandrela andrö nifazökhinia, ba ifoloi gaga, ba manörö-nörö manö da'ö, irege ogo'ö nidanö ba guli danö. Aefa da'ö, ba ifoloi marafadi, ba wamaigi, na no ogo'ö nidanö ba guli danö. Ba lö isöndra dugela, solombase ia, marafadi andrö, ba mangawuli ia baowo khö Noakhi, me lö saefa na wa'anönö guli danö ma'afefu;, ba i'oro'ö dangania Noakhi, ifuli ihalö baowo khönia marafadi andrö. Ba fitu bongi tö ifuli ibase'ö, ba ifuli ifoloi marafadi, moroi ba nowo. Ba mangawuli khönia da'ö me tanö owi, ba hiza ba mbawania mbadö-badö falo, sawena ifatö. Ba aboto ba dödö Noakhi, wa no ogo'ö nidanö ba guli danö. Ba ibase'ö zui, fitu bongi tö, ba ifuli ifoloi marafadi, ba lö mangawuli khönia da'ö.

...ihalö ngawalö zaliŵa-liŵa ba guli danö fefu, si lö hadia ia zi lö sökhi, awö ngawalö wofo fefu, si lö si lö sökhi, ba ibe'e sumange nitunu, ba naha andrö.


III. Ba me no sara töra 600 fakhe Noakhi, me tesa'a ba mbaŵa si föföna, ba no ogo'ö nidanö ba guli danö. Ba ibeta zagö nowo Noakhi ba ifakhölö ia, ba no otufo guli danö. Ba ba zi dua wulu a fitu ba mbaŵa si dua, ba alua otufo guli danö. Ba humede Lowalangi khö Noakhi, imane: Heta'ö baowo, ya'ugö ba fo'omou ba onou ba umönöu, awöu. Ba fefu zaliŵa-liŵa ba danö, si no fao khöu, fefu nösi guli danö, he fofo ba he urifö niha ba he kuö-kuö fefu, sanana-nana ba danö, ba fao khöu we'amöi tou, ena'ö maliŵa-liŵa ba guli danö ba ena'ö mo'ono-ono ba wangoya'ö ya'ira ba guli danö. Ba möi tou Noakhi ba ononia ba fo'omonia ba umönönia. Fefu zi öfa ahe, fefu kuö-kuö ba fefu wofo, fefu zaliŵa-liŵa ba guli danö, ngawa-ngawalö, ba aheta baowo.

IV. Ba ifa'anö naha wame'e sumange khö Yehowa Noakhi, ihalö ngawalö zaliŵa-liŵa ba guli danö fefu, si lö hadia ia zi lö sökhi, awö ngawalö wofo fefu, si lö si lö sökhi, ba ibe'e sumange nitunu, ba naha andrö. Ba me i'ago hua omasiö andrö Yehowa, ba imane dödönia: Lö utohugö wangelifi tanö ha niha andrö, me no si lö sökhi gera'era dödönia, i'otarai iraono ia; ba lö utohugö wamubunu fefu zi so noso, si mane folaugu mege. Sagötö tanö dania, ba böi ya'aetu-aetu wananö ba famasi ba fa'okafu ba fa'aukhu zino ba baŵa lökhö ba baŵa deu ba si ma'ökhö ba si bongi.



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Efeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior