Wb/nia/Sura Ni'amoni'ö/Sura Moze si föföna/Faza 7

From Wikimedia Incubator
FAZA 7

I. Fe'amöi ba nowo yaŵa. II. Böröta wa'anönö danö. III. Ahori mate hadia ia zauri

I. Ba imane Yehowa khö Noakhi: Ae baowo, ya'ugö ba soroiyomou fefu, me no satulö ndra'ugö fönagu, u'ila, ba niha andrö. Ba zaliŵa-liŵa ba danö, si lö si lö sökhi, ba fitu-fitu halö, si matua ba si alawenia; ha ba zi so si lö sökhi ba dua-dua, si matua ba si alawenia. Ba si manö ba wofo ba dalu mbanua, fitu-fitu, si matua ba si alawenia, ba wangorifi tanömö ba guli danö ma'asagörö. Hatö fitu bongi sa, ba moteu ba guli danö ube'e, öfa wulu ngaluo ba öfa wulu mbongi, ba uhori ba guli danö fefu zi so andrö, nifazökhigu. Ba i'o'ö sibai Noakhi niŵa'ö Yehowa khönia. Ba no 600 fakhe Noakhi, me anönö danö idanö. Ba möi ba nowo Noakhi, awö nononia ba fo'omonia ba umönönia, föna wa'anönö danö andrö. Ba saliŵa-liŵa ba danö, si lö hadia ia si lö sökhi, ba si so si lö sökhi ba fofo ba sanana-nana ba guli danö, ba faedo we'amöi baowo khö Noakhi, sara-sara zi matua ba sara-sara zi alawe, si mane niŵa'ö Lowalangi khö Noakhi.

II. Ba me no aefa zi fitu bongi andrö, ba ibörötaigö wa'anönö danö andrö. Me 600 fakhe Noakhi, me baŵa si dua, ba zi mewelewitu, da'ö mbaŵa, ba zangumbu-ngumbu manö nidanö moroi ba namö sabakha, ba teboka zandrela mbanua si yaŵa. Ba abölö-bölö sibai deu ba guli danö, öfa wulu ngaluo ba öfa wulu mbongi. Ba me luo da'ö möi baowo Noakhi ba Semi ba Khamo ba Yafeti, ono Noakhi ba fo'omo Noakhi ba umönönia andrö si datölu, ba fao, ya'ira ba utu ndru'u andrö fefu ba urifö niha fefu, ngawa-ngawalö ba kuö-kuö fefu, sanana-nana ba danö, ngawa-ngawalö, awö ngawalö wofo, fefu zo'afi. Da'ö zi möi khö Noakhi, baowo, dua-dua, fefu nösi guli danö, si so noso. Ba si möi yaŵa, ba sara-sara zi matua ba sara-sara zi alawe, fefu nösi guli danö, si mane niŵa'ö Lowalangi khönia. Ba ikusi mbawandruhö Yehowa, furinia.

... tobali hatö Noakhi zi tosai, awö hadia ia zi fao khönia baowo

III. Ba ibörötaigö wa'anönö danö andrö, öfa wulu ngaluo. Ba tedou-dou molö, ifazaŵa nowo, alaŵa yaŵa danö. Ba itugu ebua sibai molö, tedou-dou sibai ba guli danö, ba hulö zoloyo nowo ba molö andrö. Itugu ebua sibai nidanö ba guli danö, tobali anönö hili salaŵa fefu, ba guli danö. Felelima si'u inönöi hili idanö, tobalu manö. Ba tekiko nösi guli danö fefu, saliŵa-liŵa ba guli danö, he fofo ba he urifö niha ba he utu ndru'u, fefu hadia ia zanana-nana ba guli danö, ba dozi niha. Fefu zi so noso ba nikhu, si so ba danö yaŵa, ba mate. Si manö wangohorinia fefu zi so ba guli danö, he niha, ba he urifö niha ba kuökuö ba fofo ba dalu mbanua; tehori ba danö, tobali hatö Noakhi zi tosai, awö hadia ia zi fao khönia baowo. Ba lö alö-alö nidanö ba guli danö, 150 wongi.



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Efeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior