Jump to content

Wb/nia/Moze I/5

From Wikimedia Incubator

I. Böröta niha[edit | edit source]

1 Sura nga'ötö duada Adamo da'e. Me ifazökhi Gadamo andrö Lowalangi, ba famaedo Lowalangi womböinia ya'ia; 2 ira matua ba ira alawe wamazökhinia ya'ira, ba ifahowu'ö ira ba ibe'e töira niha, me luo tefazökhi ira.

II. Nga'ötö ndra tua ba fa'atulö dödö Khenoki[edit | edit source]

3 Ba me no 130 fakhe Gadamo, ba tumbu khönia nono, si fakhili-khili khönia, famaedonia, ba ibe'e töinia Zeti. 4 Ba me no tumbu khönia Zeti andrö, ba 800 fakhe tö wa'anau noso Gadamo, ba tumbu-tumbu khönia ndraono, ono matua ba ono alawe.

5 Ba fa'anau noso Gadamo fefu, fa'arania ba guli danö, ba 930 fakhe; ba mate ia.

6 Ba no 105 fakhe Zeti, ba tumbu khönia Genosi andrö. 7 Ba me no tumbu khönia Genosi, ba 807 fakhe tö Zeti, ba tumbu-tumbu khönia ndraono, ono matua ba ono alawe. 8 Ba fa'anau noso Zeti fefu, ba 912 fakhe, ba mate ia.

9 Ba 90 fakhe Genosi, ba tumbu khönia Genana andrö. 10 Ba me no tumbu khönia Genana andrö, ba 815 fakhe tö Genosi andrö, ba tumbu-tumbu khönia ndraono, ono matua ba ono alawe. 11 Ba fa'anau noso Genosi fefu, ba 905 fakhe, ba mate ia.

12 Ba me no 70 fakhe Genana andrö, ba tumbu khönia Mahalaleli. 13 Ba me no tumbu khönia Mahalaleli, ba 840 fakhe tö Genana ba tumbu-tumbu khönia ndraono, ono matua ba ono alawe. 14 Ba fa'anau noso Genana fefu, ba 910 fakhe, ba mate ia.

15 Ba me no 65 fakhe Mahalaleli andrö, ba tumbu khönia Yaredi. 16 Ba me no tumbu khönia Yaredi andrö, ba 830 fakhe tö Mahalaleli, ba tumbu-tumbu khönia ndraono, ono matua ba ono alawe: 17 Ba fa'anau noso Mahalaleli fefu, ba 895 fakhe, ba mate ia.

18 Ba me no 162 fakhe Yaredi, ba tumbu khönia Khenoki.[1] 19 Ba me no tumbu khönia Khenoki andrö, ba 800 fakhe tö Yaredi, ba tumbu-tumbu khönia ndraono, ono matua ba ono alawe. 20 Ba fa'anau noso Yaredi fefu, ba 962 fakhe, ba mate ia.

21 Ba me no 65 fakhe Khenoki, ba tumbu khönia Metusala. 22 Ba me no tumbu khönia Metusala andrö, ba 300 fakhe tö Khenoki, lö aefa-aefa khönia Lowalangi ba döröŵania ba guli danö, ba tumbu-tumbu khönia ndraono, ono matua ba ono alawe.[2] 23 Ba fa'anau noso Khenoki fefu, ba 365 fakhe. 24 Ba me no lö saefa-aefa khönia Lowalangi ba lalania, ba samuza ma'ökhö, ba taya manö ia, noa sa iheta Lowalangi.

25 Ba me no 187 fakhe Metusala, ba tumbu khönia Lameki. 26 Ba me no tumbu khönia Lameki andrö, ba 782 fakhe tö Metusala, ba tumbu-tumbu khönia ndraono, ono matua ba ono alawe. 27 Ba fa'anau noso Metusala fefu, ba 969 fakhe, ba mate ia.

28 Ba me no 182 fakhe Lameki andrö, ba tumbu khönia nono matua. 29 Ba ibe'e töinia Noakhi, imane: Da'e dania zondrara tödöda ba wa'erege dödöda ba ba wa'akao dangada andre, ba danö, ni'elifi Yehowa. 30 Ba me no aefa tumbu khönia Noakhi andrö, ba 595 fakhe tö Lameki, ba tumbu-tumbu khönia ndraono, ono matua ba ono alawe. 31 Ba fa'anau noso Lameki fefu, ba 777 fakhe, ba mate ia.

32 Ba me no 500 fakhe Noakhi, ba tumbu khönia Zemi ba Khamo ba Yafeti.

Famotokhi ba gahe[edit | edit source]

  1. Yuda 14
  2. Heb 11:5

Fabaliŵa lala[edit source]

Olayama Moze I: 1234567891011121314151617181920212223242526272829303132333435363738394041424344454647484950

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö