Wb/nia/Moze I/48
I. Isou ononia nono Yosefo andrö, si dombua, Yakobo
[edit | edit source]1 Aefa da'ö, ba te'ombakha'ö khö Yosefo: Mofökhö namau!
Ba i'ohe nononia andrö, si dombua, Manase ba Eferayi.
2 Ba me tefarongogö khö Yakobo: No so nonou Yosefo, ba i'abe'e'ö ia Izeraeli, mudadao ia ba gasonia.
3 Ba imane Yakobo khö Yosefo: No i'oroma'ö ia khögu Lowalangi si lö ambö fa'abölö, ba Lusi, ba danö Gana'ana, no ifahowu'ö ndra'o, 4 ba no imane khögu: "Ufo'ono ndra'ugö ba ato ma'uwumö ube'e, ŵalo soi zi otarai ba khöu ube'e, ba tanö da'e, ba ube'e okhöta ma'uwumö, si lö tebulö". 5 Ba onou andrö, si dombua, si no tumbu khöu ba danö Miserayi andre, me lö si möido khöu na, ba danö Miserayi, ba khögu da'ö: Eferayi andrö ba Manase — si mane Rubeno ba Simeoni ira khögu dania.[1] 6 Ba iraono andrö, nisöndrau akhira, ba khöu, ba töi ga'ara dania döira ba dana khöra andrö. 7 Me mangawulido moroi ba Mezofotamia, ba mate khögu [ninau] Rakhela, ba lala, ba danö Gana'ana, me lö aröu tö irege Geferata, ba no uko'o ia ba ngai lala ba Geferata, ya'ia Mbetilekhema andrö.[2]
II. Ifahowu'ö ira
[edit | edit source]8 Ba me i'ila ndraono Yosefo andrö Izeraeli, ba imane: Ha niha da'ö?
9 Imane Yosefo khö namania: Onogu da'ö, nibe'e Lowalangi khögu ba da'e.
Ba imane: Ohe ira khögu, ena'ö ufahowu'ö ira.[3] 10 Ba no abösi hörö Gizeraeli, ba wa'atua, fa lö i'ila niha. Ba me no ihatö'ö ira khönia, ba fa'ago bawa ia khöra ba i'omösi ira.[4] 11 Ba imane Izeraeli khö Yosefo: Lö'ö manö faduhu dödögu mege, ifuli fa'ila ita, ba iya'e, ba noa na ifa'ila'ö khögu nga'ötömö Lowalangi!
12 Ba ifuli iwuwu ira Yosefo, ba ifaöndrö tou ia föna namania. 13 Ba ituyu zi darua andrö Yosefo, ba dangania kambölö, ba Eferayi, tobali ba gabera Gizeraeli so da'ö, ba ba dangania kabera, ba Manase, tobali ba gambölö Gizeraeli so da'ö, ba ihatö'ö ira khönia.
14 Ba i'oro'ö gambölönia Izeraeli, itufa högö Geferayi, lö lai wa no si akhi ia, ba ba högö Manase, ba tangania kabera, tobali ifariŵa dangania; si a'a sa Manase. 15 Ba ifahowu'ö Yosefo, imane: Lowalangi andrö, ni'ata'ufi ndra amagu, Aberahamo ba Iza'aki, Lowalangi andrö, si no kubalogu, i'otarai iraono sawena si'ai tumbu ndra'o, irege ma'ökhö andre, mala'ika andrö, 16 si no mangefa'ö ya'odo ba wamakao fefu, ba yamufahowu'ö ndraono andre, ba khöra yamonga'ötö döigu ba töi ndra amagu, Aberahamo ba Iza'aki ba ya ato sibai ma'uwura ba guli danö!
17 Ba me i'ila Yosefo, wa tanga namania kambölö wanufa högö Geferayi, ba tetutu ba dödönia; andrö ituyu danga namania ba wameta ya'ia ba högö Geferayi ba ba wame'e ba högö Manase. 18 Imane Yosefo khö namania, ba da'ö: Böi, ama, da'e sa zi a'a, kambölöu be'e ba högönia.
19 Ba itimba amania, imane: u'ila sa, onogu, u'ila sa! ya'ia göi zi tobali soi sebua dania ba ya'ia göi zabölö dania. Ba lö lai da'ö, ba abölö zui nakhinia, moroi khönia, ba ma'uwunia, ba si ndruhu ŵalo soi dania. 20 Ba ifahowu'ö ira, me luo da'ö, imane: Töimö andrö nitötöi Ndraono Gizeraeli dania, na mamahowu, wanguma'ö: yamufagölö-gölö ndra'ugö khö Geferayi ba khö Manase Lowalangi; tobali föna Manase ibe'e Geferayi.[5]
21 Aefa da'ö, ba imane Izeraeli khö Yosefo: Lö ara tö, ba mate ndra'o, ba itolo ami Lowalangi ba i'ohe mangawuli ami ba danö duami. 22 Ba utehe khöu mboto hili, mifasöbigu ba Ndraono Gamori si'öli ba fana, hudeu föna ndra talifusöu.[6]
Famotokhi ba gahe
[edit | edit source]Fabaliŵa lala
[edit source]Olayama Moze I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö