Wb/nia/Moze I/37

From Wikimedia Incubator

I. Fa'omasi Yakobo Yosefo[edit | edit source]

1 Ba ahono Yakobo ba danö, ba zi fatewu mege namania, ba danö Gana'ana andrö.[1] 2 Ba da'ö khö Yakobo andrö: Me no mewelewitu fakhe Yosefo, ba möi-möi ia kubalo mbiri-biri, awö ndra ga'ania — ba iraono na ia — awö nono ndra Biliha Silifa, donga ba döi khö namania, ia; ba na so duria si lö sökhi khöra, ba i'ombakha'ö khö namara Yosefo.

3 Ba omasi Gizeraeli Yosefo, moroi ba wa'omasinia nononia bö'ö fefu, me no si tumbu khönia ba wa'atuania, ba ifafazökhi'ö khönia mbaru sota'io.[2] 4 Ba me la'ila ira ga'ania i'omasi'ö ia amara, moroi ba wa'omasinia nononia bö'ö fefu, ba fatiu dödöra khönia ba tebai lahaogö wehedera khönia.

II. Fangifi Yosefo[edit | edit source]

5 Ba samuza ma'ökhö, ba so wangifi Yosefo, ba itunö khö ndra ga'ania; ba tedou na watiusara khönia. 6 Imane khöra: Mifondrondrongo we, hadia wangifigu andrö! 7 Halöŵöda, ba mamöbö töla wakhe ita baero ba nowi. Ba ifasindro ia ngamböbö khögu ba sumindro, ba lafasui ia ngamböbö khömi ba lafalögu tou ira, föna ngamböbö khögu. 8 Ba lamane khönia ira ga'ania: Hadia, salaŵama dania ndra'ugö, samatörö ya'aga?

Ba i'otarai da'ö, ba tedou na watiusara khönia, ba wangifinia andrö ba ba niŵa'önia.

9 Ba samuza tö zui, ba ifuli mangifi, ba itunö khö ndra ga'ania, imane: Mifondrondrongo, no ifuli mangifido! So luo ba baŵa ba felendrua ndröfi, ba lafalögu tou ira fönagu. 10 Ba me itunö da'ö khö namania, ba khö ndra ga'ania, ba itegu ia amania, imane khönia: Hadia wangifi da'ö, ni'ifiu andrö! Hadia, möiga inau ba ira ga'au, ba wamalögu tou ya'aga ba danö, fönau?

11 Ba afökhö dödö ndra ga'ania khönia, ba amania, ba itanö ba dödönia.

Ba itegu ia amania imane: Hadia wangifiu andrö! Hadia möiga inau ba ira ga'au ba wamalögu tou ya'aga ba danö fönau?

III. Fa'afökhö dödö ndra ga'ania khönia; la'amawa sawuyu ia[edit | edit source]

12 Ba samuza, me no möi ndra ga'ania mokubaloi biri-biri namara ba Zikhema, 13 ba imane Izeraeli khö Yosefo: Ba Zikhema la'ohe mbiri-biri ira ga'au; labu, da'ufatenge ndra'ugö khöra! Imane: Ya'e ndra'odo! 14 Ba imane khönia: Ae'e, ba faigi, na lö hadia ia khö ndra ga'au ba ba mbiri-biri, ba fuli'ö, ba wangombakha khögu!

Ba ifatenge ia moroi ba ndraso andrö ba Heberona, ba irugi Zikhema. 15 Ba falukha khönia niha, me selungu-lungu ia ba danö, imane khönia: Ha niha ni'aluimö? 16 Imane: Ira ga'agu ni'aluigu; ombakha'ö khögu, heza lakubaloi mbiri-biri iya'e! 17 Imane niha andrö: No laheta ira ba da'e, noa sa urongo, me lamane: Tasaŵa Ndrotana!

Ba i'o'ö ndra ga'ania Yosefo ba falukha ia khöra ba Ndrotana.

18 Ba me la'ila ia moroi ba zaröu na, me lö niruginia ya'ira na, ba mamagölö ira, ba wamunu ya'ia, 19 ba faoma lamane khö nawöra: Hiza moroi sa zangifi-ngifi andrö! 20 Talabu, tabunu ia ba tatibo'ö ia ba goho-koho danö ba tamane dania: No i'a ia utu ndru'u; awena dania oroma geluaha wangifinia andrö.

21 Ba me irongo da'ö Rubeno, ba edöna i'efa'ö ia ba dangara ba imane: Böi! böi tabunu ia. 22 Ba imane na khöra Rubeno: Böi mibe'e aduwa ndro! Mitema mitibo'ö ia ba goho-koho danö andrö ba mbenua, ba böi sa mibabaya ia, wamunu ya'ia! Ba wangefa'ö ya'ia ba dangara, ba wamuli ya'ia khö namania.

23 Ba me no irugi ndra ga'ania Yosefo, ba laheta khönia mbarunia — baru sota'io andrö, ni'obarunia —, 24 latuyu ia ba latibo'ö ba goho-koho danö andrö; ba si lö ösi goho-koho andrö, lö idanö bakha.

25 Ba me no mudadao ira, ba wemanga, ba la'ila moroi sa zambawa Ndraono Zima'eli si otarai Gileadi; noro gondra khöra, ba gitö ba dalu-dalu, ni'ohe ba danö Miserayi.

26 Ba imane Yuda khö ndra talifusönia: Hadia hareda, na tabunu nakhida ba na tabini'ö wamunuda ya'ia? 27 Talabu, ta'amawa ia ba Ndraono Zima'eli andrö, ba böi tahalö tangada wamunu ya'ia; noa sa akhida ia, föfö nösida. Ba latehe ira talifusönia.

28 Ba me latörö Iraono Midiano andrö, saniaga andrö, ba ladöni yaŵa Yosefo moroi ba goho-koho andrö ba la'amawa ba Ndraono Zima'eli andrö, 20 rufia; ba la'ohe ba danö Miserayi Yosefo. 29 Ba me möi zui ba goho-koho andrö Rubeno, ba lö'ö sa'ae bakha Yosefo. 30 Ba itika nukhania, ba ifuli ia khö ndra akhinia, imane: No taya nakhida! Heza usaŵa!

31 Ba lahalö mbaru Yosefo andrö, ba lataba zi matua nambi ba la'ungugö ba ndro mbaru andrö. 32 Ba lafa'ohe'ö khö namara mbaru sota'io andrö, lamane: Da'ö nisöndrama; faigi na baru nonou, ba na tenga.

IV. Fange'esi Yakobo Yosefo[edit | edit source]

33 Ba me no ifaigi sibai, ba mu'ao ia: Baru nonogu! No i'a ia utu ndru'u, si manga niha! Si ndruhu, no tesasawi Yosefo! 34 Ba itika nukhania Yakobo ba i'olembe goni, ba i'aragö wange'esi ononia. 35 Ba ahori möi nononia matua, awö nononia alawe, ba wondrara tödönia, ba lö edöna ia nirara tödö, imane sa: Möido mitou khö nonogu ba mbanua tou, abu dödö! Si manö wange'esi namania ya'ia.

36 Ba Iraono Midiano andrö, ba la'amawa ia ba danö Miserayi, khö Wotifa, mandru yomo khö Wara'o, högö wazuri.

Famotokhi ba gahe[edit | edit source]

  1. Heb 11:9
  2. Baru sota'io eluahania ba da'a baru sebua nifola'a-la'a. Fakhili ira toga ni'owaru ndra hakim ma zui baru ndra suster ba Gereja Katolik. Amaehutania, nukha niha föna andre lö mutaba ma mutagu. Hulö nifali'ö manö ba mboto. Ba li khöda tola tetötöi mbaru Yosefo andre lembe sola'a-la'a ma zui baru sanau nifali'ö sola'a-la'a.

Fabaliŵa lala[edit source]

Olayama Moze I: 1234567891011121314151617181920212223242526272829303132333435363738394041424344454647484950

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö