Wb/nia/Moze I/36

I. Fo'omo Gezau ba ononia. Ifabali ia khö Yakobo

1 Da'e nga'ötö Gezau andrö, ya'ia Gedomo andrö. 2 Ira alawe Ndrawa Gana'ana nihalö Gezau: Ada, ono Ndraono Kheti andrö, Elono, ba Oholibama, ono Ana andrö, ono Zibeona, Iraono Hori andrö alawe; 3 ba Basamata, ona Zima'eli, akhi Nebayoti andrö. 4 Ba ono Gada andrö khö Gezau, ba Elifasi, ba ono Mbasamata, ba Regueli, 5 ba ono Goholibama, ba Yehusi ba Ya'ela ba Kora. Da'ö nono Gezau andrö si tumbu khönia ba danö Gana'ana.

6 Ba ihalö wo'omonia Ezau, awö nononia matua ba ononia alawe, awö zawuyu fefu, si so baomonia, ba urifönia fefu, awö fefu zi so khönia nisöndrania ba danö Gana'ana, ba iheta ia khö nakhinia Yakobo, isaŵa danö Ze'ira. 7 Noa sa abölö ebua gokhötara, fa tola orudu ira mena'ö, ba ambö tanö, ba zi so ira, si fatewu, börö wa'oya guriföra andrö.

8 Ba i'iagö hili Ze'ira andrö Ezau, Edomo andrö. 9 Da'e nga'ötö Gezau, furugö Ndraono Gedomo andrö, ba hili Ze'ira. 10 Da'e döi nono Gezau andrö: Elifasi, ono Gada andrö, fo'omo Gezau; ba Regueli, ono Mbasamata andrö, fo'omo Gezau. 11 Ba ono Gelifasi andrö, ba Tema ba Omara ba Sefo ba Ga'etama ba Kena. 12 Ba Tima ndronga ba döi khö Gelifasi andrö, ono Gezau; ba mo'ono da'ö khö Gelifasi, Amaleki döi nononia. Da'ö ndraono Gada andrö, fo'omo Gezau. 13 Ba da'e nono Regueli andrö: Nahata ba Sera ba Sama ba Misa. Da'ö ndraono Mbasamata andrö, fo'omo Gezau. 14 Ba da'e nono Goholibama andrö, ono Ana, ono Zibeona andrö alawe, fo'omo Gezau: ononia khö Gezau, ba Yehusi ba Ya'ela ba Kora.

15 Ba da'e zalaŵa ba ndraono Gezau: Ono Gelifasi andrö, si a'a nono khö Gezau, ba salaŵa Tema ba salaŵa Omara ba salaŵa Sefo ba salaŵa Kena, 16 ba salaŵa Kora ba salaŵa Ga'etama ba salaŵa Amaleki. Da'ö zalaŵa andrö, nga'ötö Gelifasi andrö, ba danö Gedomo. Da'ö nono Gada andrö. 17 Ba da'e nono Regueli andrö, ono Gezau: Salaŵa Nahata ba salaŵa Sera ba salaŵa Sama ba salaŵa Misa. Da'ö zalaŵa andrö, nga'ötö Regueli andrö ba danö Gedomo. Da'ö ndraono Mbasamata andrö, fo'omo Gezau. 18 Ba da'e nono Goholibama andrö, fo'omo Gezau: salaŵa Yehusi ba salaŵa Ya'ela ba salaŵa Kora. Da'ö zalaŵa andrö, madou Goholibama andrö, ono Ana, fo'omo Gezau. 19 Da'ö ndraono Gezau ba da'ö zalaŵara; ya'ia Gedomo andrö.

II. Nga'ötö Ze'ira andrö

20 Ba da'e nono Ze'ira, Iraono Hori, niha si tohöna ba danö: Lotana ba Sobala ba Sibeona ba Ana, ba Disona ba Eseri ba Disano. 21 Da'ö zalaŵa Ndraono Hori andrö, ono Ze'ira, ba danö Gedomo. 22 Ba ono Lotana andrö, ba Hori ba Hemama; ba talifusö Lotana alawe, ba Tima. 23 Ba da'e nono Zobala andrö: Alawana ba Manahata ba Ebala ba Sefa ba Onama. 24 Ba ono Zibeona andrö, ba Aya ba Ana. Da'ö Ana andrö, sanöndra gumbu nidanö aukhu andrö ba danö si mate, me ikubaloi galide namania Zibeona andrö. 25 Ba da'e nono Ana andrö: Disono; ba ono Ana alawe Goholibama andrö. 26 Ba da'e nono Disono andrö: Hemeda ba Esibano ba Yitera ba Kerano. 27 Ba da'e nono Geseri andrö: Bilihano ba Sawano ba Akano. 28 Ba da'e nono Disano andrö: Usi ba Arano. 29 Ba da'e zalaŵa Ndraono Hori: salaŵa Lotana ba salaŵa Sobala ba salaŵa Sibeona ba salaŵa Ana. 30 Ba salaŵa Disona ba salaŵa Eseri ba salaŵa Disano. Da'ö zalaŵa Ndraono Hori ba wa'asalaŵara, ba danö Ze'ira andrö.

III. Salaŵa Ndraono Gedomo

31 Ba da'e zalaŵa andrö, samatörö banua Gedomo, me lö'ö na razo Ndraono Gizeraeli: 32 salaŵa ba danö Gedomo, ba Bela, ono Mbeori; ba nahiania banua, ba Dinihaba. 33 Ba me no mate Mbela andrö, ba salaŵa, fangalinia Yobaba, ono Zera, banua Mbosera. 34 Ba me no mate Yobaba andrö, ba salaŵa, fangalinia, Husama, Iraono Dema. 35 Ba me no mate Husama andrö, ba salaŵa, fangalinia, Hadadi, ono Mbedadi; ya'ia zi fasuwö ba Ndraono Midiano, ba zalo'o andrö, ba danö Ndraono Moabi: ba nahiania banua, ba Awiti. 36 Ba me no mate Hadadi andrö, ba salaŵa, fangalinia, Zamela, banua Masereka. 37 Ba me no mate Zamela andrö, ba salaŵa, fangalinia, Zaulo, banua Rehoboti, ba mbewe Oiferati. 38 Ba me no mate Zaulo andrö, ba salaŵa, fangalinia, Mba'alihana, ono Nakhibori. 39 Ba me no mate Mba'alihana andrö, ono Nakhibori, ba salaŵa, fangalinia, Hadaro; ba töi nahiania banua, ba Fagu, ba töi wo'omonia, ba Mehetabe'eli, ono Materedi ono Mesahaba alawe. 40 Ba da'e döi zalaŵa ba ma'uwu Gezau, ba nga'ötöra ba ba mbanuara ba ba döira andrö: salaŵa Timena ba salaŵa Alawa ba salaŵa Yeteti, 41 ba salaŵa Oholibama ba salaŵa Ela ba salaŵa Fino, 42 ba salaŵa Kena ba salaŵa Tema ba salaŵa Mibesaro, 43 ba salaŵa Magedieli ba salaŵa Iramo. Da'ö zalaŵa Ndraono Gedomo, ba nahiara ba danö, ni'okhögöra. Da'ö nga'ötö Gezau andrö, furugö Ndraono Gedomo.

Famotokhi ba gahe

Fabaliŵa lala

Olayama Moze I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö