Wb/nia/Sura Ni'amoni'ö/Sura Moze si föföna/Faza 3

From Wikimedia Incubator
FAZA 3

I. Böröta horö. II. Huku andrö nifatörö Lowalangi ba böröta wamabu'u sangorifi. III. Niheta ba kabu faradaiso ira.

I. Ba no sonekhe gulö, moroi ba zaliŵa-liŵa ba danö fefu nifazökhi Yehowa Lowalangi; ba imane ba ndra alawe: Hadia, duhu no iŵa'ö Lowalangi: Lö'ö manö mi'a mbua geu ba kabu? Ba imane ira alawe khö gulö: Tola sa ma'a mbua geu ba kabu, ba ba mbua geu andrö si so ba dalu kabu, ba no iŵa'ö Lowalangi: Lö tola mi'a ia, ba böi mibabaya, fa böi mate ami! Ba imane ulö ba ndra alawe: Ma'ifu sa lö mate ami; ba i'ila sibai sa Lowalangi: mi'a si'aikö ia, ba teboka hörömi, ba tobali si mane Lowalangi ami, saboto ba dödö si sökhi ba si lö sökhi. Ba me i'ila sa'ae ira alawe, wa sökhi ni'a mbua geu andrö, awö wa si sökhi famaigi, awö wa no omasiö geu da'ö, ba wanöndra fa'atuatua khönia, ba ihalö mbua, i'a, ba ibe'e göi ö ngambatönia si so ba ngainia, ba i'a göi. Ba teboka höröra, darua ira, ba oroma khöra, wa lö balu-balura; ba lafatagu lae-lae, u'ira.

II. Ba me larongo ruru Yehowa Lowalangi sanörö kabu, tanö owi, me okafu zino, ba i'alui wamini'ö ya'ia khö Yehowa Lowalangi niha, awö ngambatönia barö ndraha geu ba kabu. Ba humede Yehowa Lowalangi ba niha, imane khönia : Heza so ndra'ugö? Ba imane: Urongo wehozi-hozi gaheu ba kabu, ba ata'udo, me lö balu-balugu, ba ubini'ö ndra'o. Ba imane: Ha niha zanguma'ö khöu, wa lö balu-balumö? Hadia, no ö'a mbua geu andrö niŵa'ögu khöu: Böi a da'ö? Ba imane niha: Alawe andrö, nibe'eu awögu, da'ö zame'e ögu, mbua geu andrö, ba no u'a. Ba imane Yehowa Lowalangi ba ndra alawe: Hadia nilaumö andrö? Imane ira alawe: Ulö zamowöhö ya'o, fa u'a. Ba imane Yehowa Lowalangi khö gulö: Me no ölau da'ö, ba ni'elifi ndra'ugö föna gurifö niha fefu ba föna gutundru'u fefu; ö'anana'ö talu wofanö-fanö ba ö'a danö, götö wa'anau nosou! Ba ufa'udu ami ndra alawe ba ufa'udu ira ma'uwumö ma'uwunia, da'ö zomama högöu dania, ihundragö, ba sondrou börö sisinia ndra'ugö.

Aböböi dania mbawau ba wemanga göu, irege mangawuli ndra'ugö ba danö tou, ba nihalö ya'ugö.

Ba ba ndra alawe, ba imane: Erege sibai dödöu ba dabi-dabina ube'e, afökhö dania wadono khöu, ba ö'isö [sa atö] ngambatöu ba samatörö ya'ugö ia! Ba ba niha, ba imane: Me no ö'o'ö niŵa'ö ngambatöu ba me no ö'a mbua geu andrö, niŵa'ögu khöu wanguma'ö: Böi a ia, ba ni'elifi mbenua, börö ndra'ugö; ya'erege dödöu wemanga göu khönia, götö wa'anau nosou. Doi ba du'u zilua khönia khöu, ba si manga gule-gule ba nowi ndra'ugö. Aböböi dania mbawau ba wemanga göu, irege mangawuli ndra'ugö ba danö tou, ba nihalö ya'ugö. Tanö sa atö ndra'ugö ba si tobali tanö zui dania! Ba ibe'e töi ngambatönia Khawa niha, me ma'uwunia fefu zauri dania. Ba ifobaru niha Lowalangi baru uli gutu ndru'u, awö ngambatönia.

III. Ba imane Yehowa Lowalangi: Hiza, no tobali si mane ya'ita niha, me no aboto ba dödönia hadia zi sökhi ba hadia zi lö sökhi. Ba me si manö, ba fa böi i'oro'ö dangania, ba wangai bua geu fangorifi andrö, ba wanöndra fa'auri si lö aetu! Ba iheta ba kabu Edena niha Yehowa Lowalangi, ena'ö mangahalö ia ba danö, ba nihalö ya'ia. Ifofanö niha ba ifataro Kerubi föna kabu Edena, tanö ba gatumbukha luo khönia, Kerubi si so föda si takile, nifaligoi, ba wanaro lala ba geu fangorifi andrö.



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Efeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior