Wb/nia/Halöŵö Zinenge/12
Labunu Yakobo
[edit | edit source]I. 1 Me luo da'ö ibabaya ösa, mbanua Yesu, razo, Herode, ba wamakao ya'ira.[1] 2 Ba ibunu si'öli Yakobo, talifusö Yakobo.[2]
Lakuru Wetero ba te'efa'ö
[edit | edit source]II. 3 Ba me i'ila omasi niha Yehuda, ba itohugö, ifara'u'ö Wetero göi (Ba baŵa roti si lö mu'aisöni).[3] 4 Ba me no ifara'u'ö, ba ifabe'e'ö ba gurunga, ibe'e ba danga zaradadu si mendröfa wa daöfa, ba wanaro ya'ia, edöna ifa'ele'ö ba niha sato, na aefa wasa. 5 Ba latarogö sa'ae Wetero ba gurunga.
Ba mangandrö khö Lowalangi mbanua, ba khönia, moroi si'aikö ba dödöra.[4]
6 Ba me ifa'ele'ö ena'ö Herode, ba ba gotalua zaradadu si darua mörö Wetero, ba zi bongi andrö, dua rozi rate mbilagunia, ba so zanaro ba ngai mbawandruhö gurunga.
7 Ba hiza, so mala'ika Zo'aya, ba so haga, sihaga ba mbate'e andrö. Ba ibözi ngai Wetero, isusugi, imane: Faoso, aliogö! Ba atoru mbilagu ba dangania.[5] 8 Ba imane khönia mala'ika andrö: Amöbö talu ba amadagahe mbadagahemö! Ba i'o'ö da'ö. Ba imane khönia: Amaru mbarumö sebua, ba o'ö ndra'o!
9 Ba möi ia baero, i'o'ö, lö i'ila wa si duhu nilau mala'ika andrö, iwai sa angilata ni'ilania. 10 Ba me no latörö naha zanaro, si föföna larugi, awö naha wanete da'ö, ba larugi mbawandruhö si'öli andrö, lala ba newali, ba teboka manö da'ö fönara; ba möi ira baero, latörö newali si sara, ba i'anema'ö iheta ia khönia mala'ika andrö.
11 Ba imane Fetero, me i'era-era tödönia: Awena u'ila, si ndruhu-ndruhu, no ifatenge mala'ikania So'aya, ba no i'efa'ö ndra'o ba danga Herode ba ba nibalo-baloi niha Yehuda fefu.[6]
12 Ba me no aboto ba dödönia da'ö, ba irugi nomo Maria andrö, ina Yohane, nifotöi Mareko; ba no ato zowulo ba da'ö, mangandrö.[7]
13 Ba me ibökö mbawandruhö föna, ba so nono alawe, Rode döinia, ba wamondrongo, 14 ba me irongo li Wetero, ba lö ibokai mbawandruhö, ba wa'omuso dödö, fagohi ia, isaŵa yomo, i'ombakha'ö, so baero Wetero. 15 Ba lamane khönia: Owöhö'ö! Ba lö iböhöli, si duhu iŵa'ö. Ba lamane: Mala'ikania.[8]
16 Ba itohugö wamökö Fetero; ba me labokai, ba la'ila ia, ba tobali dödöra. 17 Ba ifazaŵa dangania khöra, böi humede ira, ba idunö-dunö, heiwisa So'aya, wangefa'ö ya'ia ba gurunga, ba imane: Mi'ombakha'ö khö Yakobo ba ba dalifusö. Ba mofanö ia, isaŵa naha bö'ö.[9]
18 Ba me moluo, ba tenga ha ma'ifu ŵa'abu dödö zaradadu andrö, hadia khö Wetero andrö. 19 Ba me isofu ia Herode ba me lö isöndra, ba isekhegö zanaro, ba iŵa'ö labunu.
Ba möi ia misi tou, iröi Yudaia, isaŵa Kaizaria, ba da'ö soso ia.
Fa'amate Herode
[edit | edit source]III. 20 Ba so wönunia sabölö-bölö ba mbanua Diro ba ba mbanua Zidona. Ba möi ira khönia, ha sara dödö, lafawe'e Mbalaso andrö, mandru yomo khö razo ba la'andrö wangatulö, me ba danö razo andrö lasöndra mbalazora.[10]
21 Ba ha samuza mo'ökhö, ba i'obaru mbaru razo Herode mudadao ia ba dadaomania andrö, ba muhede ia khöra. 22 Ba mu'ao niha sato khönia: Li Lowalangi da'ö, ba tenga li niha. 23 Ba i'anema'ö ibözi ia mala'ika Zo'aya, me tenga Lowalangi ifosumange; ba mate ia, ni'a gukuö.[11]
24 Ba monönö-nönö li Lowalangi, tobali ato ira.[12] 25 Ba mangawuli Mbaranaba, awö Zaulo, moroi ba Yeruzalema, me no la'asiwai wame'e tolo-tolo andrö, ba la'ohe awöra Yohane andrö, nifotöi Mareko.[13]
Famotokhi ba gahe
[edit | edit source]Fabaliŵa lala
[edit source]Olayama Zura Halöŵö Zinenge: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö