Jump to content

Wb/nia/Halöŵö Zinenge/20

Add links
From Wikimedia Incubator

Itörö Makedonia Faulo isaŵa Wilifi

[edit | edit source]

I. 1 Ba me no muhonogö wagua-guasa andrö, ba ifakaoni'ö khönia nifahaö Faulo ba ifarou dödöra, ba me no i'angonasi ira, ba mofanö ia, ba we'amöi ba Makedonia. 2 Ba itörö danö tanö ba da'ö, ba oya niŵa'önia khöra famarou dödö, ba irugi danö Hela. 3 Ba tölu waŵania ba da'ö. Ba me lafagönaisi ia niha Yehuda, me moloyo ia ba Ziria mena'ö, ba iŵa'ö tödönia, sökhi na itörö Makedonia wangawuli. 4 Ba awönia Zofatera, ono Wiro, banua Mberoia ba Arisaro ba Sekundro, banua Desalonika, ba Gayo, banua Ndrarebe, ba Timoteo, ba moroi ba Azia, ba Tikhiko ba Terofimo.[1] 5 Ba mowaö-waö da'ö ba labaloi ndra'aga ba Deroa.[2] 6 Ba me aefa mbaŵa roti si lö mu'aisöni andrö, ba moloyo ndra'aga, maröi Wilifi, ba lima bongi ndra'aga, ba makhamö ira ba Deroa, ba fitu bongima ba da'ö.

Isusugi Oitikho

[edit | edit source]

II. 7 Ba me luo migu, me owulo ndra'aga, ba wamoboto roti, ba fahuhuo Waulo khöra, sara wongi aefa ö edöna mofanö ia; ba i'aragö huhuonia, irege talu mbongi.[3] 8 Ba oya wandru ba mbate'e andrö, ba zi sagötö yaŵa, ba zowulo ira.

9 Ba dumadao ba zandrela nono matua, Oitikho döi, ba mörö sibai, me i'aragö huhuonia Faulo, ba me no abölö mörö ia, ba aekhu tou ia, dua götö wa'alaŵa; ba lafazaŵa ia, no mate.

10 Ba möi tou Waulo, ifalögu ia ba dotonia, italagui, imane: Böi mifagua-gua, so sa nosonia.[4]

11 Ba ifuli ia yaŵa, iboboto roti, ba manga, ba ara na fahuhuo ia, irege moluo, ba mofanö ia. 12 Ba la'ohe nono matua no mege, auri, ba tenga ha ma'ifu terara dödö.

13 Ba ya'aga, ba mowaö-waö baowo, moloyo ndra'aga ba Gaso, ba wangai khöma Faulo, ba da'ö, me no imanö wangohonogöi, me edöna itörö tanö. 14 Ba me ikhamö ndra'aga ba Gaso, ba matema ia, ba marugi Mitilene. 15 Ba moloyoga moroi ba da'ö, ba mahemolu ö, ba marugi gamaudu Khio; ba sara wongi aefa da'ö, ba masaŵa Zamo, ba mahemolu ö, ba marugi Mileti. 16 Noa sa ihonogöi Faulo, italu'i Nefeso, fa lö arörö ia ba Azia; aösö ia; omasi ia ba Yeruzalema so ia na luo wendrakose, na tola ikhamö.[5]

I'angonasi zatua mbanua ba Nefeso ba Mileti

[edit | edit source]

III. 17 Ba moroi ba Mileti, ba ifatenge ba Nefeso, ifakaoni'ö zatua mbanua.

18 Ba me no möi ira khönia ba imane khöra: Mi'ila, he uwisa ba khömi, ero ma'ökhö, iotarai luo me uhundragö danö Azia.[6] 19 Enoni Zo'aya ndra'o, ma'ifu lö si fayaŵa ndra'o, mowöi daŵa hörögu, ba so wanandraigö, si göna ndra'o, ba wamagönaisi niha Yehuda ya'o.[7] 20 Mi'ila he uwisa, wa lö nitahagu soguna khömi, si lö u'ombakha'ö khömi, si lö ufobawa lala khömi, ba zi so niha sato ba yomo göi, 21 wamaduhu'ö ba niha Yehuda ba ba Ndrawa Heleni famalalini era-era khö Lowalangi, awö wamati khö Zo'aya ya'ita, Yesu Keriso.

22 Ba hiza iada'e, usaŵa Yeruzalema, amaedola zi so ba wesu dödögu; hadia zi göna ndra'o ba da'ö, ba lö u'ila,[8] 23 baero nifaduhu'ö Geheha ni'amoni'ö khögu, ba mbanua misa, iŵa'ö, ibalo-baloi ndra'o böbö ba famakao.[9] 24 Ba lö ba dödögu nosogu, lö itörö ligu na i, ba wango'ozui lalagu, awö halöŵögu andrö, nitemagu khö Zo'aya, Yesu, famaduhu'ö turia somuso dödö, turia wa'ebua dödö Lowalangi andrö.[10]

25 Ba hiza sa, u'ila, lö'ö sa'ae fa'ila bawa ita, dozi ami nitörögu, wangombakha banua Lowalangi andrö. 26 Andrö ufaduhu'ö khömi ma'ökhö andre, lö horögu ba ndrora fefu. 27 Lö'ö sa nitahagu, fa lö u'ombakha'ö khömi gera-era Lowalangi fefu. 28 Andrö mifaigi-faigi dödömi, ba mifaigi-faigi nikubaloi andrö fefu, ba nifataro Geheha ni'amoni'ö ya'ami samaigi-maigi, ba wokubaloi banua Zo'aya andrö, nihölinia khönia donia.[11] 29 u'ila, na no mofanö ndra'o, ba so moroi baero nasu gatua samara'u, si möi khömi, ba lö alimagö khöra nikubaloi andrö.[12]

30 Ba so göi niha si otarai khömi, solau huhuo si tefuyu, ba wondrönisi khöra nifahaö. 31 Andrö, böi miförö, mitörö-törö tödömi: medölu fakhe wa'ara, bongi ma'ökhö, ba lö nibatogu wamarou tödömi dozi ami, mowöi daŵa hörögu ba da'ö.[13]

32 Ba iada'e, ba utou'ö ami ba danga Lowalangi ba ba daroma li fa'ebua dödönia andrö, khönia, sangila manga'aro'ö tödömi, sangila mame'e khömi ondröita andrö, awö ni'amoni'ö andrö fefu.[14] 33 Samösa lö ni'aluigu firö, ba ma ana'a, ba ma nukha.[15] 34 Mi'ila ae, tangagu andre zangalui soguna khögu, awö zoguna ba nawögu.[16] 35 Fefu gofu heza, ba no u'oroma'ö khömi, si manö wohalöŵö, ba nitolo zambö fa'abölö, ba böi olifu ita niŵa'ö Zo'aya, Yesu, me imane: "Ohahau dödö ba wame'e, moroi ba wanema."

36 Ba me aefa iŵa'ö da'ö, ba ibalö duhini tou danö, mangandrö ia, ba fao ira fefu.[17] 37 Ba tobali abölö-bölö wege-egera fefu, ba latalagui mbagi Waulo, fa'ago bawa ira khönia. 38 Abölö abu dödöra ba niŵa'önia andrö, wa lö'ö sa'ae fa'ila bawa ira. Ba lafasao ia baowo.[18]

Famotokhi ba gahe

[edit | edit source]
  1. ↑ Faigi 17:10; 19:29
  2. ↑ Faigi 16:8
  3. ↑ KorI 16:2; Faigi 2:42,46
  4. ↑ SalI 17:21
  5. ↑ Faigi 18:21; 21:4,12
  6. ↑ Faigi 18:19; 19:10
  7. ↑ Ayati 3
  8. ↑ Faigi 18:21; 19:21
  9. ↑ Faigi 9:16; 21:4,11
  10. ↑ Faigi 21:13
  11. ↑ TimI 4:16; FetI 5:2
  12. ↑ Mat 7:16
  13. ↑ Heb 13:7
  14. ↑ Faigi 14:3
  15. ↑ KorI 9:12; MozIV 16:15; SamI 12:3
  16. ↑ Faigi 18:3; KorI 4:12; TesI 2:9
  17. ↑ Faigi 21:5
  18. ↑ Ayati 25

Fabaliŵa lala

[edit source]

Olayama Zura Halöŵö Zinenge: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Halöŵö_Zinenge/20&oldid=6229754"