Wb/nia/Halöŵö Zinenge/1

Add links
From Wikimedia Incubator

Famobörö[edit | edit source]

I. 1 No awai khögu zura si föföna andrö, ya'ugö Teofilo, no usura fefu nibörötaigö Yesu, folau ba famahaö,[1] 2 irugi luo tefazaŵa ia, me no ibe'e goroisa ba zinenge andrö, ni'anutuyu'önia Eheha ni'amoni'ö,[2] 3 ba ni'oya'önia tandra, wangoroma'ö wa no auri ia, me no aefa itaögö wamakao andrö; öfa wulu wongi wa'ara i'oroma-roma'ö ia khöra, i'ombakha'ö khöra ngawalö mbanua Lowalangi andrö.[3]

Fanahae Yesu[edit | edit source]

II. 4 Ba me orudu ira, me manga ira, ba iŵa'ö khöra, böi laröi Yeruzalema, labaloi gamabu'ula li Nama andrö, nirongomi khögu (iŵa'ö).[4] 5 Idanö sa nibayagö Yohane, ba nibayagö Eheha ni'amoni'ö ami, lö ara tö.[5]

6 Ba lasofu khönia si so ba da'ö, lamane: He Tua, hadia öfuli ö'a'azökhi iya'e dania nöri Ndraono Gizeraeli?[6]

7 Ba imane khöra: Tenga si nangea ya'ami zangila baŵa ba bu'u li, nihonogöi Nama ba wa'abölönia,[7] 8 ba mitema dania wa'abölö Geheha ni'amoni'ö, si möi khömi, ba samaduhu'ö ami khögu ba Yeruzalema, ba ba danö Yudaia, ma'asagörö, ba ba Zamaria, ba irugi wondrege danö.[8]

9 Ba me aefa iŵa'ö da'ö, ba tefazaŵa ia, anehe ira, ihalö ia lawuo, ba lö'ö sa'ae oroma ia khöra.[9].

10 Ba me latöngö mbanua si yaŵa, me mofanö ia, ba hiza, darua zi so ba da'ö khöra niha, sobaru safusi,[10] 11 sanguma'ö göi: Hana wa so ami ba da'e, wa mitöngö mbanua, ya'ami banua Galilaia? Mangawuli dania Yesu andrö, nihalö ba zorugo moroi ba khömi, si mane me mi'ila ia, me mofanö ia ba zorugo.[11]

12 Aefa da'ö, ba mangawuli ira ba Yeruzalema, moroi ba hili andrö, sotöi hili wanikha, ba ngai Yeruzalema, mato sambadu fofanö.

13 Ba me no larugi yomo, ba möi ira yaŵa ba mbate'e ba zi sagötö, ba da'ö soso ira, Fetero ba Yohane ba Yakobo ba Andrea ba Filifo ba Toma ba Batolomaio ba Mataio ba Yakobo, ono Galifaio, ba Simoni Selote ba Yuda, ono Yakobo.[12] 14 Da'ö fefu zi lö aefa-aefa mangandrö, ha sara dödö, awö ndra alawe andrö, ba awö Maria, ina Yesu, ba ira talifusönia.[13]

Lahalö awöra Matia andrö sinenge[edit | edit source]

III. 15 Ba me luo da'ö, ba maoso Wetero, me falukha dalifusö (ba so mato otu a dua wulu wa'ato niha, sowulo ba da'ö) imane:

16 He ya'ami, ira talifusö, lö tola lö itörö zi so ba zura andrö, si no ihönagö ifaŵa'ögö Eheha ni'amoni'ö, ni'ombakha'ö Dawido, ba khö Yuda andrö, si no tobali samasao sondra'u Yesu.[14] 17 Noa sa te'erai ia, awöda, ba no itema dana khönia, halöŵö andrö.[15] 18 Ba noa sa isöndra mbenua nibe'e böli luo walö'atulö andrö, ba no aekhu tou ia, ba no aboto dalu, ba no aduwa mbetu'ania ma'afefu.[16] 19 Ba no larongo fefu, banua Yeruzalema, andrö labe'e töi mbenua andrö Akhelidama, ba lira, benua ndro geluahania. 20 Noa sa musura ba zura zinunö: Sadudu nahania, ba böi i'onaha niha ba: Yamutema niha bö'ö halöŵönia andrö.[17]

21 Ba lö'ö sa tola lö tahalö niha, samösa, ba zi no fao-fao khöda, götö wa'ara wangörö-ngörö Zo'aya ya'ita, Yesu, khöda,[18] 22 ibörötaigö ba wamayagö idanö andrö khö Yohane, irugi luo tefazaŵa ia moroi ba khöda; samösa da'ö zamaduhu'ö femaosonia, awöda.

[19] 23 Ba lafa'aso zi darua, Yosefo, nifotöi Barasaba, si so töi Yuso na göi, ba Matia.

24 Ba mangandrö ira, lamane: He So'aya, sangila tödö niha fefu, oroma'ö nituyumö, samösa, ba zi darua andre,[20] 25 sanema naha andrö, ba halöŵö andrö, awö wamaigi-maigi, niröi Yuda, ba we'amöi ba nahania.

26 Ba lalau fadahö-dahö ba khöra andrö, ba göna Matia, ba tobali famönökhi zinenge andrö, si felendrua ia.[21]

Famotokhi ba gahe[edit | edit source]

  1. ↑ Luk 1:1–3
  2. ↑ Mat 28:19; Luk 24:44 b.t.
  3. ↑ Mar 16:14; Yoh 20:19–30
  4. ↑ Luk 24:49; Yoh 14:16
  5. ↑ Mat 3:11; Faigi 2:4; 11:15 b.t.
  6. ↑ Luk 19:11 b.t.; 24:21
  7. ↑ Mat 24:36
  8. ↑ Yoh 15:27; Faigi 5:32; Luk 24:47
  9. ↑ Mar 16:19
  10. ↑ Yoh 20:12
  11. ↑ Luk 21:27; Fam 1:7
  12. ↑ Mat 10:2 b.t.
  13. ↑ Luk 24:53; Yoh 7:5; Faigi 2:46
  14. ↑ Sin 41:10; Mat 26:47
  15. ↑ Luk 6:16
  16. ↑ Mat 27:3–10; Nga'ötII 25:12
  17. ↑ Sin 69:26; 109:8
  18. ↑ Yoh 15:27
  19. ↑ Faigi 2:32; 10:37–41
  20. ↑ Faigi 15:8; Yoh 21:17
  21. ↑ Amaed 16:33

Fabaliŵa lala[edit source]

Olayama Zura Halöŵö Zinenge: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Halöŵö_Zinenge/1&oldid=6229734"