Wb/nia/Halöŵö Zinenge/18
Fe'aso Waulo ba Gorindro
[edit | edit source]I. 1 Aefa da'ö iröi Natena Faulo, möi ia ba Gorindro. 2 Ba falukha ia niha Yehuda, Akila döi, banua Wondro mböröta; bohou na me i'otarai Gitalia, awö wo'omonia, Ferikila döi, me no ibe'e goroisa kaizaro Kalaudio, laheta ira ba Roma niha Yehuda fefu; ba möi ia khöra.[1] 3 Ba me no faoma halöŵöra, ba i'iagö khöra, ba mohalö-halöŵö ira; sanoso oloso nose ira.[2]
4 Ba fahuhuo ia ba zekola, ero na luo sabato, ifaduhu'ö dödö niha Yehuda, awö dödö Ndrawa Heleni.
5 Ba me so Zila ba Timoteo, si otarai Makedonia, ba lö aefa Waulo ba wamahaö, wamaduhu'ö ba niha Yehuda, wa Keriso Yesu.[3] 6 Ba me mamadaö ira ba me manandraŵa, ba i'anotogö nukhania, imane khöra: Yamöi ba hulumi ndromi! Aefado; i'otarai da'e, ba möido ba niha baero.[4]
7 Ba mofanö ia ba da'ö, isaŵa nomo niha, sotöi Titio Yuso, sangata'ufi Lowalangi, si no fasinga ba nomo zekola nomonia.
8 Ba mamati khö Zo'aya Gerifo, satua zekola, awö zoroiyomonia fefu; ba ato mbanua Gorindro, samondrongo, mamati ba lafabayagö'ö idanö ira.
9 Ba imane So'aya ba zi bongi, ba gangilata, khö Waulo: Böi ata'ufi! hede manö ba böi bato, 10 me fao-fao ndra'o khöu, ba lö sombambaya ya'ugö, ba wamakao ya'ugö, me no ato khögu niha ba mbanua da'e.[5]
11 Ba döfi a matonga i'iagö da'ö, wamahaö ya'ira ba daroma li Lowalangi.
12 Ba me kumandru ba Nakhaya Galio, ba maoso niha Yehuda, ba khö Waulo, ha sara dödö, la'ohe ia ba gödo, 13 lamane: Lö i'o'ö goroisa da'e wondrönisi niha ba wangata'ufi Lowalangi.
14 Ba me muhede ena'ö Waulo, ba imane Galio ba niha Yehuda: Na so hadia ia zi lö atulö, ba ma hadia ia horö, ya'ami, niha Yehuda, ba lö zi lö ufondrondrongo khömi.[6] 15 Ba na fasosota ba wamahaö ba ba döi niha ba ba goroisa andrö khömi, ba ya'ami zamaigi; lö edönado uhuhuo'ö zi manö.[7]
16 Ba ifofanö ira ba gödo. 17 Ba dozi lara'u Zotene, satua zekola, ba labago ia ba gödo; ba lö'ö manö ihalö khönia Galio.
Mofanö ia isaŵa Nefeso ba Andriokhia
[edit | edit source]II. 18 Ba me no ara na ma'ifu Waulo, ba i'angonasi dalifusö ba moloyo, isaŵa danö Ziria ba awönia Werikila andrö ba Akila, me no itöwö mbunia ba Gengerea; so gamabu'ula linia.[8]
19 Ba irugi Nefeso, ba iröi ira ba da'ö, ba ya'ia, ba möi ba zekola ba fahuhuo ba niha Yehuda. 20 Ba me la'andrö i'aragö ia ba da'ö, 21 ba lö i'o'ö; i'angonasi sa ira ba imane: ufulido zui khömi, na omasi Lowalangi; ba moloyo ia, iröi Nefeso.[9]
22 Ba me no irugi si tou Kaizaria, ba möi ia misi yaŵa, i'owai mbanua, ba möi ia misi tou ba Gandriokhia.[10]
23 Ba me no ara ia ma'ifu ba da'ö, ba mofanö ia, ifadoro wanörö tanö Galatia ba Ferigia, wanga'aro'ö tödö nifahaö fefu.
Möi Afolo ba Nefeso
[edit | edit source]III. 24 Ba möi ba Nefeso niha Yehuda, banua Alesandria mböröta, Afolo döinia, niha satutua, sabölö ba zura.[11] 25 No tefahaö ia ba lala Zo'aya; ba me no satarö tödö ia, ba fahuhuo ia, i'ombakha'ö sibai hadia ia khö Zo'aya, Yesu, ba ha famayagö idanö andrö khö Yohane nirongonia.
26 Ba ibörötaigö mangombakha ba zekola, lö aiŵö.
Ba me no larongo ia Ferikila andrö ba Akila, ba la'ohe ia khöra ba lahaogö na wamotokhi khönia huku Lowalangi.
27 Ba me edöna isaŵa Nakhaya, ba lafarou dödö nifahaö talifusö, lafa'ohe'ö zura, ena'ö lafa'amöi ia khöra. Ba me no irugi, ba itolo sibai zi no mamati, ba wa'ebua dödö andrö; 28 noa sa abölö ia wamu'a niŵa'ö niha Yehuda, ba zanehe niha sato, ba i'oroma'ö moroi ba zura, wa Keriso Yesu.[12]
Famotokhi ba gahe
[edit | edit source]Fabaliŵa lala
[edit source]Olayama Zura Halöŵö Zinenge: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö