Wb/nia/Halöŵö Zinenge/22
Fehede Waulo ba niha sato[edit | edit source]
I. 1 "He ya'ami, ira talifusö ba ira amagu, mifondrondrongo wamu'agu ba hulugu khömi iada'e.[1]
2 Ba me larongo,[2] ilau khöra li Heberaio, ba tedou na wa'ahonora, ba imane:[3]
3 Niha Yehuda ndra'o, banua Dareso, ba Gilikia, ba ba mbanua da'e ebua ndra'o, ono zekola Gamalieli, no la'o'ö wa'abe'e goroisa khö ndra tua, wamahaö ya'o, hulö zolohu ndra'o ba ngawalö hadia ia khö Lowalangi, si mane ya'ami fefu na, ma'ökhö andre.[4] 4 No u'osisi lala andrö, irugi wamunu, no uböbö ndra matua, awö ndra alawe, ba no u'ohe ba gurunga.[5] 5 No si so ba mbörö khögu gere sebua, awö zatua mbanua fefu, ba nitemagu sura ba dalifusö, we'amöi ba Ndramaseko, ba wolohe ba Yeruzalema göi si so ba da'ö, niböbö, ena'ö te'otu'ö ira.
6 Ba ba wofanö andrö, me no ahatö ndra'o ba Ndramaseko, ba i'ozumagö göna ndra'o haga sabölö-bölö, moroi ba mbanua si yaŵa, so laluo. 7 Ba alau tou ndra'o, ba danö, ba urongo li, imane khögu: He Saulo! He Saulo! hana wa ögohido? 8 Ba umane: Ha niha ndra'ugö, Tua? Ba imane khögu: Yesu ndra'o, banua Nazareta andrö, nigohiu.
9 Ba la'ila sa haga andrö, awögu fao, ba lö larongo li zihede khögu andrö.
10 Ba umane: He uwisa, Tua? Ba imane So'aya khögu: Faoso, ae ba Ndramaseko, ba da'ö dania laŵa'ö khöu fefu nihonogöi khöu, nilaumö. 11 Ba lö u'ila niha, ba wa'abölö haga no mege, la'ohe dangagu awögu ba lala, ba urugi Ndramaseko.
12 Ba so niha, Anania döi, sangata'ufi Lowalangi, solo'ö oroisa, si sökhi turia ba niha Yehuda fefu, si no fatewu ba Ndramaseko. 13 Ba möi khögu da'ö, i'ondrasi ndra'o, ba imane khögu: He Saulo, talifusö, yagö mu'ila zui niha! Ba i'otarai da'ö, ba u'ila ia.
14 Ba imane: Föna sa'ae ihonogöi Lowalangi ndra tuada, ena'ö aboto ba dödöu zomasi ia, ba ena'ö ö'ila zatulö andrö, ba ena'ö örongo linia, na muhede ia. 15 Me samaduhu'ö ndra'ugö khönia dania ba niha fefu, öfaduhu'ö ni'ila höröu ba nirongo dögi dalingau. 16 Ba iada'e, ba hana wa ara'ö? Faoso, fabayagö'ö idanö ndra'ugö ba fasasai'ö horöu, we'angaröfi li töi Zo'aya andrö.
17 Ba me no ufulido ba Yeruzalema, me mangandrö ndra'o ba gosali, ba abeta nosogu,[6] 18 ba u'ila ia, ba imane khögu: Ta'i-ta'i, aliogö, heta'ö ba Yeruzalema, me lö'ö sa atö latema wamaduhu'ömö ya'o. 19 Ba umane: He Tua, no la'ila, sokuru samati khöu ndra'odo, samöbözi ya'ira, ba zekola misa,[7] 20 ba no la'ila, sodo ba ngai, me labunu Zitefano andrö, samaduhu'ö ya'ugö, ba omasido da'ö, ba u'irö'ö nukha zamunu ya'ia andrö.[8] 21 Ba imane khögu: Ae'e, ba niha baero ufatenge ndra'ugö, ba zaröu."[9]
Ifuli maoso dödöra khönia[edit | edit source]
II. 22 Ba lafondrondrongo khönia irege da'ö, ba mu'ao ira, lamane: Nitibo'ö, niheta ba guli danö niha si manö! tenga sa si nangea auri ia.[10] 23 Ba mu'ao-ao ira, latibo'ö tou nukhara ba lafazaumba gawu-gawu ba dalu mbanua.
24 Ba iŵa'ö kumandra, la'ohe ba hati ia, i'oroi'ö, labözi, ba wanekhegö ya'ia, ena'ö irongo, hadia mbörö, wa lamanö we'ao-ao ba khönia andrö.
Labözi ia me banua Roma ia[edit | edit source]
III. 25 Ba me no laböbö ia ba geu, ba wamözi ya'ia, ba imane Faulo khö gumandra zi otu, si so ba da'ö: Hadia, tola mibözi manö mbanua Roma, he lö muhuku?[11]
26 Ba me irongo da'ö kumandra zi otu andrö, ba möi ia mu'ombakha'ö khö gumandra zi hönö, imane: Hadia nilaumö? 27 Banua Roma sa niha da'ö.
Ba möi gumandra zi hönö andrö, imane khö Waulo: Ombakha'ö khögu, hadia, banua Roma ndra'ugö?
Ba imane: Ya'ia.
28 Ba imane kumandra: Ya'odo andre, ba no ebua ube'e ana'a, fa banua andrö ndra'o.
Ba imane Faulo: Ba ya'odo, ba i'otarai tumbu ndra'o.
29 Ba i'anema'ö laböhöi ia sanekhegö ya'ia ena'ö. Ba ata'u göi gumandra, me no irongo, wa banua Roma ba me no irate.
30 Ba mahemolu ö, me edöna irongo zi ndruhu, hadia nibe'e niha Yehuda horönia, wangadugö ya'ia, ba ifa'efa'ögö rate, ba i'oroi'ö falukha gere sebua, awö zalaŵa rafe sebua fefu, ba i'ohe mitou Waulo, ifasao khöra.
Famotokhi ba gahe[edit | edit source]
Fabaliŵa lala[edit source]
Olayama Zura Halöŵö Zinenge: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö