Wb/nia/Halöŵö Zinenge/16
I'ohe Dimoteo Faulo
[edit | edit source]I. 1 Ba irugi si tou Ndrarebe ba Lisitera, ba hiza, so ba da'ö nifahaö, Timoteo döi, niha Yehuda ninania, samati, ba Dawa Heleni namania.[1] 2 Sökhi duriania ba dalifusö, ba Lisitera ba ba Nikonia.[2] 3 Ba omasi Waulo, na möi awönia da'ö. Ba ihalö, iboto, börö niha Yehuda, si so ba mbanua andrö, oi dozi sa la'ila, wa Dawa Heleni namania.[3]
4 Ba me latöröi mbanua, ba lafa'ema khöra goroisa andrö, ni'o'ö, nihonogöi zinenge ba satua, ba Yeruzalema.[4] 5 Ba itugu sa aro dödö mbanua, wamati, ba ero ma'ökhö tedou wa'atora.[5]
6 Ba latörö Wirigia, awö danö Galatia, me no itenaŵa ira Eheha ni'amoni'ö, fa böi ba Azia la'ombakha'ö daroma li.[6]
7 Ba me larugi tanö ba Mizia, ba latandraigö we'amöi ba Mbitinia, ba lö ifa'amöi ira Eheha Yesu. 8 Ba lahene Mizia, larugi si tou Deroa.
Isaŵa Makedonia
[edit | edit source]II. 9 Ba oroma khö Waulo gangilata, ba zi bongi, Dawa Makedonia. So ia, mangandrö ia khönia, imane: Ae si yefo, ba Makedonia, orifiga.[7] 10 Ba me aefa i'ila gangilata andrö, ba i'anema'ö ma'alui we'amöi ba Makedonia, me masöndra tödöma, Lowalangi zogaoni ya'aga, ba wangombakha turia somuso dödö khöra. 11 Moloyo ndra'aga, maröi Deroa, madölöga ba Zamoterake, ba mahemolu ö, ba marugi Neafoli. 12 Moroi ba da'ö masaŵa Wilifi, sebua mbanua ba Makedonia tanö andrö, banua nifataro. Ba ara ma'ifu ndra'aga ba mbanua andrö. 13 Ba me luo sabato, ba möiga baero mbanua, ba zinga nidanö, ba da'ö möi ira mangandrö maŵa'ö, ba dumadaoga, fahuhuoga ba ndra alawe, si no möi ba da'ö.[8]
Folo'ö Lidia andrö
[edit | edit source]III. 14 Ba ifondrondrongo ira alawe, Lidia döi, saniaga baru luo, banua Diatira, sangata'ufi Lowalangi; ba ibokai dödönia So'aya, fa lö olifu ia, niŵa'ö Waulo.[9] 15 Ba me no tebayagö idanö ia awö zoroiyomonia, ba mangandrö ia khöma, imane: Na ba dödömi, samati khö Zo'aya ndra'odo, ba mi'ae yomo ba nomogu, mi'iagö da'ö, ba iforege wanguma'ö khöma.[10]
Folo'ö zanaro ba gurunga andrö
[edit | edit source]III. 16 Ba me möiga mangandrö ba falukhaga zawuyu ono alawe, si so bekhu waetasa, ebua lasöndra sokhö ya'ia ibe'e, ba waetasania andrö.[11] 17 Ba i'o'öga, ira Faulo ndra'aga, mu'ao ia, imane: Enoni Lowalangi Fondrege zalaŵa niha andrö, sangombakha khömi lala wangorifi. 18 Ba ara si manö-manö ia.
Ba mofönu Waulo, ibali'ö ia, imane ba mbekhu andrö: uŵa'ö khöu, ba döi Yesu Keriso, heta'ö khönia.
Ba i'anema'ö iheta ia.[12]
19 Ba me la'ila sokhö ya'ia, no aheta mbörö wangaluira andrö, ba lara'u ndra Faulo Sila, ladöni ba kade ba zalaŵa.[13]
20 Ba la'ohe khö gumandru, lamane: Lafakuyu khöda mbanua niha andre, ba no niha Yehuda ira;[14] 21 la'ombakha'ö huku si lö tola tatema, si lö tola ta'o'ö, me Dawa Roma ita.
22 Ba maoso göi niha sato khöra; ba laheta khöra nukhara ira kumandru ba laŵa'ö, labözi.[15] 23 Ba me no laforege wamözi ya'ira, ba lakuru, laŵa'ö khö zanaro ba gurunga, ihaogö wanaro ya'ira. 24 Ba me no irongo goroisa andrö, ba ibe'e ira ba gurunga tanö bakha, ikalo gahera.[16]
25 Ba mato talu mbongi, ba mangandrö Waulo, awö Zila, lasuno Lowalangi, ba lafondrondrongo khöra nikuru.[17]
26 Ba i'ozumagö so ndruru sabölö-bölö, irege dumögö-dögö lata-lata gurunga. Ba i'anema'ö teboka mbawandruhö fefu, ba oi dozi aefa rate khöra.
27 Ba me tokea zanaro ba gurunga, me i'ila, no teboka mbawandruhö gurunga, ba isöbi wöda, ibunu ia ena'ö, iwai no moloi nikuru.
28 Ba mu'ao Waulo, ebua linia, imane: Böi fakiko'ö, dozi sa so ndra'aga ba da'e!
29 Ba iŵa'ö wandru, isaŵa si bakha, fagohi, ituhi danö, föna ndra Faulo Sila, manizi-nizi, 30 ba ifasao ira baero, imane: He uwisa, Tua, fa usöndra wangorifi?[18]
31 Ba lamane: Amati khö Zo'aya, Yesu, ba te'orifi ndra'ugö, awö zoroiyomou fefu. 32 Ba la'ombakha'ö khönia daroma li Zo'aya ba ba si so ba nomonia fefu.
33 Ba ihalö ira, ba da'ö sibai, ba zi bongi, isasai khöra zesokho ba wamözi andrö, ba i'anema'ö tebayagö idanö ia, awö zoroiyomonia fefu. 34 Ba i'ohe ira yomo, ibe'e göra, ba owua-wua dödönia, me no samba omo manö ira mamati ba Lowalangi.
35 Ba me no moluo, ba lafatenge wazuri ira kumandru, lamane: Efa'ö niha andrö! 36 Ba i'ombakha'ö sanaro ba gurunga lira andrö khö Waulo, imane: No lafatenge ira kumandru, ena'ö la'efa'ö ami. Ba iada'e, ba mi'ae baero, mi'ofanö, ya'ohahau dödömi!
37 Ba imane khöra Faulo: No labözi ndra'aga, ba zanehe niha, lö musekhegö, he ŵa'ae banua Roma ndra'aga, ba no lakuru ndra'aga, ba hadia, labini'ö iada'e wamofanö ya'aga? Böi sa! Ndramöi sa'ae, ya'ira andrö, ba wangefa'ö ya'aga.
38 Awena la'ombakha'ö fazuri khö ndra kumandru niŵa'öra andrö. Ba ata'u ira, me larongo, wa banua Roma ira; ba möi ira, la'o'ou, 39 la'ohe baero, la'andrö khöra, laheta ira ba mbanuara.
40 Ba me no laröi gurunga, ba möi ira khö Lidia andrö; ba me la'ila dalifusö, ba lafarou dödöra, ba mofanö ira.
Famotokhi ba gahe
[edit | edit source]- ↑ Faigi 19:22; Rom 16:21; TimI 1:2; TimII 1:5; 3:14
- ↑ TesI 3:2
- ↑ KorI 9:19 b.t.; Gal 2:3
- ↑ Faigi 15:23–30
- ↑ Faigi 14:22; 4:4
- ↑ Faigi 18:23
- ↑ Faigi 18:9; 9:12; TimI 2:4
- ↑ Faigi 17:4,12
- ↑ Faigi 13:16; TesI 2:13; Luk 8:15
- ↑ Faigi 16:31,34
- ↑ SamI 28:7
- ↑ Mar 1:34; 16:17
- ↑ Faigi 15:40
- ↑ Faigi 17:6 b.t.; Amos 7:10
- ↑ KorII 11:25; TesI 2:2
- ↑ Faigi 12:4
- ↑ Faigi 5:41
- ↑ Faigi 2:37
Fabaliŵa lala
[edit source]Olayama Zura Halöŵö Zinenge: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö