Wb/nia/Halöŵö Zinenge/19

From Wikimedia Incubator

Fe'aso Waulo ba Nefeso[edit | edit source]

I. 1 Ba tobali me so ba Gorindro Afolo, ba irugi si tou Nefeso Faulo, no itörö yaŵa danö andrö, ba isöndra nifahaö ösa, 2 ba imane khöra: Hadia, no mitema Geheha ni'amoni'ö, me awena mamati ami?

Ba lamane khönia: Lö nirongoma na i so Geheha ni'amoni'ö.[1]

3 Ba imane khöra: Ba hadia sa dandrösa, ba nibayagö idanö ya'ami? Ba lamane: Famayagö idanö khö Yohane andrö. 4 Ba imane Faulo: Famayagö idanö ba wamalalini era-era wamayagö idanö andrö khö Yohane, ba no iŵa'ö ba niha wamati khö zi so furinia dania, famati khö Yesu.[2]

5 Ba me larongo da'ö, ba lafabayagö'ö idanö ira ba döi Yesu, So'aya.

6 Ba me no itufa högöra Faulo, tangania, ba möi khöra Geheha ni'amoni'ö, molau li bö'ö ira ba mama'ele'ö.[3] 7 So mato felendrua fefu, ndra matua.

8 Ba möi ia ba zekola, lö aiŵö ia muhede, mato tölu waŵa wa'ara fahuo-huo ia ba ifaduhu'ö dödöra ba ngawalö mbanua Lowalangi andrö.

9 Ba me so ösa zangabe'e'ö tödöra, si lö mamati, sango'aya lala andrö, ba niha sato, ba iheta ia khöra, i'oniagö ndra nifahaö, ba ero ma'ökhö fahuhuo ia ba zekola Dirano.[4] 10 Ba mendrua fakhe zi manö, tobali ahori larongo li Zo'aya banua Azia andrö, niha Yehuda ba Dawa Heleni.

Tandra nifazökhinia[edit | edit source]

II. 11 Ba tenga side-ide dandra nifazökhi Lowalangi tanga Waulo;[5] 12 irege labalugö göi zofökhö saefu tanga ba lembe moroi ba nösinia, ba döhö wökhö ba aheta mbekhu si lö sökhi.[6]

13 Ba latandraigö göi samofanö bekhu, niha Yehuda, sanörö-nöröi tanö, ösa, wanötöi töi Yesu, So'aya, ba zi so bekhu si lö sökhi, lamane: ufofanö ami, ba döi Yesu, ni'ombakha'ö Waulo andrö.[7] 14 Dafitu ira, ono gere sebua ba niha Yehuda sotöi Sikoia, zolau da'ö.

15 Ba itema lira bekhu si lö sökhi andrö, imane khöra: Aboto sa ba dödögu Yesu, ba u'ila Waulo andrö, ba ya'ami, ba ha niha ami? 16 Ba isaŵa ira niha andrö, si so bekhu si lö sökhi andrö, ilaŵa ira, darua, ibago, irege moloi ira, laröi nomo andrö; no aheta nukha ba no mesokho ira.

17 Ba terongo da'ö ba niha Yehuda sato ba ba Ndrawa Heleni, banua Nefeso, ba ihawui ira fefu fa'ata'u, ba tesuno sibai döi Yesu, So'aya.[8] 18 Ba ato zi möi, si no mamati, ba wamokai bua-buara; la'ombakha'ö. 19 Ba ato zi no molau faya-faya mangowuloi sura andrö ba latunu, ba zanehe zato, ba la'ofaya mbölinia, ba lasöndra, dua wulu a lima ngahönö ba rufia. 20 Ba ba wa'abölö Zo'aya andrö, ba monönö-nönö daroma li, ba abölö.[9]

21 Ba me awai da'ö, ba iŵa'ö tödönia Faulo, itörö Makedonia ba Akhaya, we'amöi ba Yeruzalema, imane: Na aefado ba da'ö, ba lö tola lö u'ila Roma göi.[10] 22 Ba ifowaö-waö ba Makedonia dohu-tohu dangania andrö, darua, Timoteo ba Eraso, ba tebato ia na ma'ifu ba Azia.[11]

I'ekhugö khönia niha Demeterio andrö[edit | edit source]

III. 23 Ba tesao wagua-guasa sabölö-bölö ma'ifu, me luo da'ö, ba huku andrö.[12]

24 So niha, tuka wirö, Demeterio döinia, samazökhi famaedo gosali Garitemi andrö, firö, tenga side-ide wangalui nawönia tuka ibe'e.[13] 25 Ba ifalukha'ö ira, awö zi so halöŵö ba da'ö, ba imane: Mi'ila, ya'ami andre, ba halöŵö andrö moroi mbalazoda, 26 ba anehe ami ba mirongo, tenga ha ba Nefeso, arakha ba danö Azia ma'asagörö sa'ae, ba ato nidönisi Waulo andrö niha, nifa'eronia khöda, wanguma'ö tenga Lowalangi nifazökhi danga niha. 27 Ba tenga ha si sambalö andrö zata'u ita, wa lö laku nifazökhida andrö, lö'ö göi ba dödöra gosali Lowalangi ira alawe sebua andrö, Aritemi, ba dania, ba tetayaigö göi wa'asalaŵania ösa, ni'ata'ufi mbanua Azia fefu, awö niha fefu, ba guli danö ma'asagörö.

28 Ba me larongo da'ö, ba mofönu sibai ira, mu'ao ira, lamane: Ebua Garitemi mbanua Nefeso andrö! 29 Ba samba banua manö fawuka dödö, ba ha sara dödö wanaŵa omo mai-mai, fagohi ira ba lasöbi khöra ndra Gayo Arisaro, banua Makedonia, awö Waulo.[14]

30 Ba möi ena'ö Waulo ba niha sato, ba lö lafofanö ia nifahaö. 31 Ba lafatenge göi khönia salaŵa Azia, si no fahuwu khönia, la'andrö khönia, böi yamu'oroma'ö ia ba nomo mai-mai. 32 Ba bö'ö sa niŵa'ö zi samösa, bö'ö niŵa'ö zi samösa, we'ao-ao; noa sa fawuka manö dödö zowulo andrö, ba sato, ba lö la'ila, hana wa owulo ira.

33 Awena laŵa'ö Alesandro, ba hunö niha sato, nilulugö niha Yehuda ia. Ba ifazaŵa dangania Alesandro, muhede ena'ö ia ba niha sato, ibu'a ena'ö.

34 Ba me larongo wa niha Yehuda ia, ba ha sara li zato, mato dua za wa'ara, mu'ao ira: Ebua Garitemi mbanua Nefeso andrö!

35 Ba ihonogö ira durutuli, ba imane: He ya'ami, banua Nefeso! Ha niha sa zi lö mangila, wa banua Nefeso zondrorogö osali Garitemi sebua andrö, awö zatoru andrö moroi ba mbanua si yaŵa? 36 Ba me tebai niwu'ai da'ö, ba sahono ami ena'ö, ba böi mida'i-da'i wolau hadia ia. 37 Noa sa mi'ohe ba da'e niha andrö, ba tenga sorabu gama-gama ba gosali ira, ba tenga göi sango'aya Lowalangimi. 38 Ba na so sa, ha niha ia, ni'adugö Demeterio ba awönia tuka andrö, ba lalau rafe ba so gumandru, faoma ndramu'adugö nawöra. 39 Ba na so hadia ia, ba mbö'önia, niŵa'ömi, ba la'asiwai ia ba walukhata satulö. 40 Ata'u sa ita, laböbögö khöda wolaŵa salaŵa, la'adugö ita, börö ma'ökhö andre, me lö khöda börö wamu'a salada ba wa'aekhu niha andre.

41 Ba me aefa iŵa'ö da'ö, ba ifofanö zowulo andrö.

Famotokhi ba gahe[edit | edit source]

  1. Faigi 10:44
  2. Mat 3:11
  3. Faigi 8:17; 10:44,46
  4. TimII 1:15; Faigi 9:2
  5. Faigi 14:3
  6. Faigi 5:15
  7. Luk 9:49
  8. Faigi 5:5,11
  9. Faigi 6:7
  10. Faigi 23:11
  11. Faigi 17:14; Rom 16:23
  12. Ayati 9; KorII 1:8
  13. Faigi 16:1
  14. Faigi 20:4; KorII 1:8,9

Fabaliŵa lala[edit source]

Olayama Zura Halöŵö Zinenge: 12345678910111213141516171819202122232425262728

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö