Wb/nia/Halöŵö Zinenge/25
Isekhegö Waulo Feso[edit | edit source]
I. 1. Tölu bongi Weso ba danö, ba möi ia misi yaŵa ba Yeruzalema, moroi ba Kaizaria.[1]
2 Ba la'ondrasi ia ere sebua ba salaŵa niha Yehuda, ba khö Waulo andrö, la'andrö khönia,[2] 3 fa'ebua dödönia khöra laŵa'ö, ena'ö ifahalö'ö miyaŵa ba Yeruzalema; labunu ia ba lala, dödöra.[3]
4 Ba iŵa'ö khöra Feso, tetaha-taha Waulo ba Kaizaria ba ya'ia göi, ba alio ifuli ia ba da'ö. 5 Ba ha niha sa zalaŵa ba khömi, iŵa'ö, ba ndrafao we'amöi misi tou, ba wangadugö niha da'ö, na so hadia ia zalania.[4]
6 Ba mato ŵalu bonginia khöra, fulu bongi zara sibai, ba möi ia misi tou ba Kaizaria, ba sara wongi aefa da'ö, ba dumadao ia ba dadaoma zanguhuku, ba i'oroi'ö Waulo.[5]
7 Ba me so ia, ba lafasui ia niha Yehuda, si no möi mitou, si otarai Yeruzalema, oya ngawalö laböbögö khönia sala sebua, si tebai la'oroma'ö ngamohi,[6] 8 me ibu'a ba hulunia Faulo; lö nisaŵönia oroisa ba niha Yehuda, iŵa'ö, ba lö horönia ba gosali ba lö'ö göi khö kaizaro.[7]
9 Ba omasi Weso, na ebua dödö niha Yehuda khönia, ba itema li Waulo, imane: Hadia, omasi'ö möi misi yaŵa ba Yeruzalema, na ba da'ö tehuku ndra'ugö, ba zi so ya'o, ba zala andrö?
10 Ba imane Faulo: Föna dadaoma zanguhuku khö kaizaro so ndra'o, lö tola tenga ba da'e tehuku ndra'o. Lö horögu ba niha Yehuda, noa sa aboto sibai ba dödöu göi.[8] 11 Ba so atö horögu, ba na no ulau hadia ia, börö wamunu ya'o, ba lö uwösi-wösido, na nibunu ndra'o. Ba na faya niböbögö da'e khögu, ba tebai labe'e buala ndra'o khöra. Ufuli khö kaizaro.[9]
12 Awena fahuhuo Weso ba nawönia ba rafe, ba imane: khö kaizaro no öfuli, ba khö kaizaro möi'ö.[10]
I'oroma'ö khö Agerifa[edit | edit source]
II. 13. Ba lö ara furi ö, ba möi ba Kaizaria razo, Agerifa ba Berenike (ngambatönia), ba wangondrasi Feso.
14 Ba me ara ma'ifu ira ba da'ö, ba i'ombakha'ö Feso huhuo andrö ba khö Waulo, khö razo andrö, imane: So niha niröi Welisi furi, nikuru. 15 La'ondrasido ere sebua ba satua mbanua ba niha Yehuda, me sodo ba Yeruzalema, ba khönia, la'andrö wame'e huku khönia. 16 Ba u'ombakha'ö khöra, tenga huku ba Ndrawa Roma, la'etu'ö manö huku niha, na lö lafatutu wawa ira ua zangadu ni'adugö, na lö mufolala khönia wamu'a ba hulunia niböbögö khönia. 17 Ba me no falukha ira ba da'e, ba ma'ifu lö u'aragö, ha sara wongi, ba mudadaodo ba dadaoma zanguhuku, ba u'oroi'ö niha andrö. 18 Ba me so zangadugö ya'ia, ba ma'ifu lö la'ila la'ombakha'ö sala, 19 nidöna-dönagu, ha fagua-guasa ba wamosumangera Lowalangi la'ombakha'ö, salania, ba ba khö Yesu andrö, si no mate, niŵa'ö Waulo no ifuli auri.[11] 20 Ba me lö u'ila he uwisa ba huhuo andrö ba da'ö, ba usofu khönia, na edöna möi ia ba Yeruzalema, na andrö lahuku ia ba da'ö. 21 Ba me i'andrö Faulo lataha ia, irege i'etu'ö huku kaizaro, ba u'oroi'ö, lataha ia, irege ufa'ohe'ö ia khö kaizaro.
22 Ba imane Agerifa khö Weso: Omasido urongo göi niŵa'ö niha andrö.
Imane: Mahemolu tola örongo.[12]
23 Ba sara wongi aefa da'ö, ba so Agerifa ba Berenike, ebua sibai lakhömi, möi ira ba kato, awö gumandra, awö zalaŵa mbanua, ba i'oroi'ö Feso, la'ohe Waulo.
24 Ba imane Feso: He razo, Agerifa, ba ya'ami fefu, si so ba da'e, awöma! Mi'ila da'e; no mangandrö khögu niha Yehuda sato ba khönia, ba Yeruzalema ba ba da'e göi, mu'ao ira, tenga ni'orifi sa'ae.[13] 25 Ba me no aboto ba dödögu, lö horönia, börö wamunu ya'ia, ba me no ifuli göi khö kaizaro, ba no uhonogöi, lafa'ohe'ö ia.[14] 26 Ba lö nirongogu si ndruhu, ba khönia, nisuragu khö zokhö ya'ita, ena'ö. Andrö no ufasao ia khömi, ba oföna khöu, ya'ugö razo Agerifa, ena'ö falukhado nisura, na no musekhegö.[15] 27 Ba dödögu sa, tenga lala, na tafa'ohe'ö nikuru ba lö ta'ombakha'ö mbörö wangadugö ya'ia.[16]
Famotokhi ba gahe[edit | edit source]
Fabaliŵa lala[edit source]
Olayama Zura Halöŵö Zinenge: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö