Wb/nia/Halöŵö Zinenge/3

From Wikimedia Incubator

Niha sombuyu-mbuyu ni'abe'e'ö Wetero[edit | edit source]

I. 1 Möi miyaŵa ndra Fetero Yohane ba gosali, me inötö wangandrö, me labözi tölu.[1] 2 Ba hiza niha, sombuyu-mbuyu moroi ba dalu ninania, nilu'i. Ero ma'ökhö lafedadao ia ba zinga mbawandruhö gosali, nifotöi si sökhi, ba wangandrö böli gö ba zi möi ba gosali.[2] 3 Ba me i'ila ndra Fetero Yohane, si möi ba gosali, ba mangandrö böli gö ia khöra. 4 Ba inehegö ia Fetero, awö Yohane imane: Faigi ndra'aga. 5 Ba ifaigi ira, iwai so zinemania khöra. 6 Ba imane Fetero: Lö khögu firö ba lö ana'a, ba hadia zi so khögu, ba ba ube'e khöu: Ba döi Yesu Keriso, banua Nazareta, owaö-waö,[3] 7 Ba ira'u dangania kambölö, ifazizio. Ba i'anema'ö abe'e gahenia, awö mbu'u gawononia, 8 ifaröga ia ba muzizio ba mowaö-waö; ba möi ia ba gosali, fao ia khöra, mowaö-waö ia ba mamaröga ba isuno Lowalangi.[4] 9 Ba la'ila niha sato fefu, mowaö-waö ia ba manuno Lowalangi ia, 10 Ba la'ila ia, wa ya'ia da'ö, sidao-dao ba mbawandruhö gosali si sökhi ba wangandrö böli gö; ba a'oi so wa'ahöli-höli dödöra ba fa'atobali dödöra, ba zi no falukha ia.[5] 11 Ba me lö iröi ndra Fetero Yohane, ba owulo khöra niha sato fefu ba newali, nifotöi ewali Zelomo, (ewali nifolose) no tobali dödöra.[6]

Huhuo Wetero ba niha sato[edit | edit source]

II. 12 Ba me i'ila da'ö Fetero, ba itema li niha sato, imane: He ya'ami, Iraono Gizeraeli hadia wa ahöli-höli dödömi ba da'ö, ba hadia wa mifaigi-faigi ndra'aga, hulö na ya'aga zamowaö-waö niha andre ba wa'abölöma, ba ma ba wa'atulö dödöma? 13 Lowalangi ndra Aberahamo, Iza'aki, Yakobo, Lowalangi ndra tuada, no ifolakhömi nononia Yesu, nibe'emi ba danga Wilato, ni'osilö'ögömi fönania, he no iŵa'ö da'ö, la'efa'ö.[7] 14 Ba ya'ami, ba no mi'osilö'ögö ni'amoni'ö andrö, satulö, ba no mi'andrö, latehe khömi zange'e.[8] 15 Ba no mibunu zalaŵa sangorifi andrö, nisusugi Lowalangi, moroi ba ngai zi mate, ba zi so ba mbörö ndra'aga.[9] 16 Ba famati ba döinia mbörö, wa no i'abölö'ö töinia da'e, ni'ilami, nirongomi andre; ba famati andrö, ni'asogönia zame'e khönia fangabe'e andre, ba zanehe ami fefu.[10] 17 Ba iada'e, ya'ami, ira talifusö, u'ila, me lö mi'ila watahögö, andrö mimanö, ba si manö göi zalaŵami.[11] 18 Ba no ifatörö ba zi manö Lowalangi nihönagönia fama'ombakha'ögö ba zama'ele'ö andrö fefu, wa itaögö wamakao Keriso andrö khönia.[12] 19 Andrö mifalalini gera erami, ba mifuli ami, ba wamabeta'ö horömi, ena'ö alua götö wa'ohahau dödö, na inehegö ita Lowalangi,[13] 20 ba ena'ö ifatenge nihonogöi khömi andrö, Keriso Yesu andrö.[14] 21 Lö'ö sa tola lö ifonaha ia sorugo, irege götö wanga'azökhi fefu, hadia ia, niŵa'ö Lowalangi, ni'ombakha'ö zama'ele'ö andrö khönia, ni'amoni'ö, i'otarai mböröta danö'a.[15] 22 Noa sa iŵa'ö Moze: "I'asogö khömi So'aya Lowalangida zama'ele'ö, talifusömi, si mane ya'o; da'ö nifondrondrongomi li, fefu hadia ia niŵa'önia khömi."[16] 23 Ba tobali, fefu gofu ha niha zi lö mamondrongo li zama'ele'ö andrö, ba nihori ba mbanua andre." 24 Ba dozi göi sama'ele'ö, i'otarai Zamu'eli, awö moroi furinia, ha wa'ato zi no muhede, ba noa göi la'ombakha'ö luo da'e.[17] 25 ya'ami ma'uwu zama'ele'ö andrö, ono wawu'usa li andrö ami, ni'asogö Lowalangi khö ndra tuada, me iŵa'ö khö Gaberahamo: "Ba khö ma'uwumö dania tefahowu'ö fefu soi ba guli danö."[18] 26 khömi i'ofönai'ö Lowalangi, wamatenge ononia, me no isusugi, ba wamahowu'ö ya'ami, na mifuli ami fefu, na miröi zi lö sökhi andrö khömi.[19]

Famotokhi ba gahe[edit | edit source]

  1. Faigi 10:3; Luk 1:10
  2. Faigi 14:8
  3. Mat 10:9; Mar 16:17 b.t.
  4. Yes 35:6; Luk 5:25; 17:15
  5. Luk 5:26
  6. Yoh 10:23
  7. Luk 23:22,23
  8. Mat 27:20,21
  9. Faigi 5:31; 4:33; Luk 24:48
  10. Faigi 4:10–12
  11. Faigi 13:27; Luk 23:34; KorI 2:8
  12. Yes 53:5; Luk 24:25 b.t.
  13. Faigi 2:38
  14. Yes 57:15,16
  15. Faigi 1:11; KorI 15:25. 28
  16. MozV 18:15 b.t.; Heb 3:2 b.t.
  17. Luk 1:70 b.t.
  18. MozI 22:18; Rom 9:4 b.t.
  19. Faigi 13:46; Mat 10:6

Fabaliŵa lala[edit source]

Olayama Zura Halöŵö Zinenge: 12345678910111213141516171819202122232425262728

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö