Wp/mag/लातेहार मण्डल

लातेहार मण्डल
लातेहार मण्डल; लातेहार जिला
	झारखण्डके मण्डल
	Lua error in Module:Wp/mag/Location_map at line 403: देशान्तरला कौनो मान प्रयोग नै कैल गेल.
देश	भारत
राज्य	झारखण्ड
प्रमण्डल	पलामू
मुख्यालय	लातेहार
सरकार
• जिलाध्यक्ष	भोर सिंह यादव, भा प्र से
• लोकसभा निर्वाचनक्षेत्र	चतरा (चतरा मण्डल सङ्गे साझा)
• बिधानसभा निर्वाचनक्षेत्र	2 लातेहार बिधानसभा निर्वाचनक्षेत्र, मनिका बिधानसभा निर्वाचनक्षेत्र
• लातेहार बिधायक	बैद्यनाथ राम, जेएमएम
• मनिका बिधायक	रामचन्द्र सिंह, काङ्ग्रेस
क्षेत्रफल	३६५९.५९ किमी२ (Formatting error: invalid input when rounding वर्गमील)

लातेहार मण्डल (लातेहार जिला) भारतके झारखण्ड राज्यके एगो मण्डल हे । एकर मुख्यालय लातेहार हे ।

विवरण

लातेहारके स्थापना ४ अप्रैल २००१ के कैल गेलै हल । लातेहार मनोहारी जङ्गल, सुन्दर झरना, विशाल खदान आउ हरियर-भरल खेतसे भरल है । एकर झरनाके पास पिकनिक मनावल पर्यटकके बड़ी पसन्द आवहै । पर्यटक एहाँ पिकनिक मनावेके इलावा स्थानीय संस्कृतियोसे रूबरू हो सकहथिन ।

प्रमुख आकर्षण

जनी शिकार उत्सव

लातेहारके अधिकतर भू-भाग जङ्गलसे घिरल है । ई सब जङ्गलमें जे आदिवासी रहहथिन उनकर आजीविका एही जङ्गलसे चलहै । अपन समाजके रक्षा करेला महिला पुरुष शिकारी भेषमे शिकार करहथिन आउ लड़ाई लड़हथिन । बादमे परम्पराके कारण बारह वर्षके अन्तराल पर पारम्परिक पुरुष वस्त्रमे महिला जनी शिकार करे लगलन । अखनि ई परम्परागत पर्बके रूपमे बारह बर्षके अन्तराल पर महिला द्वारा मनावल जा है ।

कलाकृति

लातेहारमे उद्योगके कमी है, एहीसे एहाँके निवासी आजीविका कमावेला जङ्गलमे पाएल जायेवाला फूल-पत्तासे सुन्दर कलाकृति बनावहथिन । ई सब कलाकृतिमे बाँसके टोकरी प्रमुख है जे पर्यटकके बड़ी पसन्द आवहै । टोकरीके इलावा ऊ महुआके फूल आउ केन्दुके पत्तियोसे अनेक कलाकृति बनावहथिन । एहाँ आवेवाला अधिकतर पर्यटक ई सब कलाकृतिके स्मृतिकाके रूपमे अपन साथे ले जा हथिन ।

खदान

लातेहारके एकर कोइला, बॉक्साइट, लेटेराइट आउ डोलोमाईटके खदानला पूरा विश्वमे जानल जा है । ई खदान आकारमे बड़ी बड़ है आउ लातेहारके अर्थव्यवस्थाके रीढ़ मानल जा है । पर्यटक चाहथिन त ई सब खदानके देखे जा सकहथिन । ई सब खदानमे अनेक मजदूर काम करहथिन । ई सब खदानके देखेके बाद चियाङ्की, कोयल व्यू प्वाइण्ट आउ मैगनोलिया प्वाइण्ट घूमे जाएल जा सकहै । ई तीन बड़ी सुन्दर है आउ लातेहारके पर्यटन उद्योगके जान मानल जा है ।

झरना

प्रकृति लातेहारमे अपन सौन्दर्यके खुलके बिखेरकै हे आउ झरनाके रूपमे एकरा अनमोल उपहार देलकै हे । ई सब झरना बड़ी सुन्दर है आउ पर्यटकके बड़ी पसन्द आवहै । झरनाके पास नगरके भागैत-दौड़ैत जीवनसे दूर जीवनके कुछ यादगार लम्हा बितावल जा सकहै । ई सब झरना एतना सुन्दर है कि जेयो पर्यटक एहाँ आवहथिन ऊ एकर तारीफ कैला बिना न रह पौथिन । कान्ती, निचला घागरी, शाही, लोढ़, मिरचिया आउ ऊपरी घागरी एकर प्रमुख झरना है ।

एकरो देखी

सन्दर्भ