Wp/mag/मेदिनीनगर

मेदिनीनगर डाल्टेनगञ्ज
नगर
मेदिनीनगर झारखण्डमे स्थिति
निर्देशाङ्क: 24.03°N 84.07°E / 24.03; 84.07
देश	भारत
राज्य	झारखण्ड
जिला	पलामू जिला
जनसङ्ख्या  (२०११)
• कुल	७८,३९६
भाषा
• प्रचलित	मगही
समयमण्डल	युटिसि+०५:३० (भामस)
पिनकोड	822101
दूरभाष कोड	06562
वाहन पञ्जीकरण	JH-03
साक्षरता दर	८७.२९%
जालस्थल	www.palamu.nic.in

मेदिनीनगर, जिसका भूतपूर्बनाम डाल्टेनगञ्ज हलै, भारतके झारखण्ड राज्यके पलामू मण्डलमे स्थित एगो नगर हे । ई उत्तर कोयल नदीके किनारे बसल हे । ई पलामू मण्डलके प्रशासनिक मुख्यालय आउ पलामू प्रमण्डलके प्रमण्डलीय मुख्यालय होवेके साथे-साथे एही नामके अनुमण्डल आउ प्रखण्डो हे । ई झारखण्डके उत्तर-पश्चिमी भागके प्रमुख नगर हे ।

नामोत्पति

ब्रिटिश राज खनि ई नगरके नाम डाल्टेनगञ्ज रखल गेलै हल । ई नाम आयरिश कर्नल एडवर्ड टुइट डाल्टन (१८१५-१८८०) के नाम पर रखल गेलै हल, जे एक मानवविज्ञानी आउ १८६१ मे छोटानागपुरके कमिश्नर हलन । २००४ मे झारखण्ड राज्य सरकार चेरो वंशके राजा मेदिनी रायके नाम पर एकर नाम बदलके मेदिनीनगर कर देलकै । नगरके रेलवे स्टेशनके नाम अखनियो पुरानके नाम पर रखल गेल हे । एकर प्रशासन मेदिनीनगर नगरनिगम द्वारा कैल जा हे, जेकर गठन ३० मई २०१५ के भेलै हलै ।

भूगोल

मेदिनीनगर २४.०३°उ ८४.०७°पू पर स्थित है । एकर औसत ऊँचाई २१५ मीटर (७०५ फीट) है ।

बेतला राष्ट्रिय उद्यान नगरसे लगभग २० किमी दूर है । ई उद्यान बाघला जानल जा है आउ पलामू बाघ परियोजनाके अतर्गत आव है । पासमे एगो आउ पिकनिक स्पाट केचकी है जे मेदिनीनगरसे लगभग १८ किमी दूर कोयल नदी आउ औरङ्गा नदीके सङ्गम पर स्थित है । घना जङ्गलसे झकाएल एगो पठार, नेतरहाटो मेदिनीनगरके पास स्थित है ।

सम्बन्धित लेख

• जनसङ्ख्या अनुसार भारतके नगरके सूची
• भारतके महानगर
• पलामू मण्डल